Lëvizja Vetëvendosje thotë se Haki Thaqi dhe Ferdi Shishko, të vrarë gjatë ditës së djeshme në Prizren dhe të dyshuar për shumë vepra kriminale, thotë se nuk ishin aktivistë të Lëvizjes tash të Visar Ymerit.

Ndonëse Indeksonline kishte siguruar disa fotografi, ku Thaqi dhe Shishko, shiheshin afër Visar Ymerit në njërën prej çajtoreve të Prizrenit, zyrtarë të VV-së, e kanë mohuar se Haki Thaçi dhe Ferid Shishko kanë qenë aktivistë të Lëvizjes Vetëvendosje.

Erzen Vraniqi, zëdhënës i Lëvizjes Vetëvendosje, ka thënë për Indeksonline se tashmë i kanë verifikuar këta emra, dhe në data bazë nuk figurojnë në listën e aktivisteve të VV-së.

“Sapo e pamë lajmin, ne e verifikuam në data bazë, dhe nuk ka aktivistë të VV-së me emra të tillë”, ka thënë Vraniqi.

Vraniqi ka shtuar se atë ditë kur është bërë fotografia, ka qenë një tubim i VV-së , me qytetarët e Prizrenit për organizmin e protestës së 27 Janarit.

“Ky tubim ka qenë një njerën prej lagjeve të Prizrenit të cilin e kemi mbajtur me qytetarët për të diskutuar rreth protestës së 27 Janarit. Këta kanë ardhur në tubim dhe janë ulur si qytetarë në njerën prej çajtoreve në Prizren, por se nuk janë aktivistë të VV-së”, ka thënë Vraniqi. /Indeksonline/

Pas publikimit të lajmit se Haki Thaqi ka qenë aktivist i Lëvizjes Vetëvendosje, ku tregojnë edhe fotografitë e përbashkëta me kreun e VV-së, Visar Ymeri dhe kreun e degës së kësaj lëvizje në Prizren, Arbër Rexhaj, Indeksonline mëson se në këtë takim ka qenë edhe i vrari tjetër dje, Ferdi Shishko (në krahun e djathtë të Ymerit).

Ndërkaq, policia i ka pashkruar tre të vrarit dje si persona problematik dhe me dosje të rënduar penale.

“Viktimat kanë dosje të rëndë penale. Rastet ndaj tyre kanë të bëjnë me drogë, kidnapim, lëndime të rënda trupore, pastaj vrasje në tentativë dhunim dhe disa raste të tjera”, kanë thënë burime policore.

Policia edhe më tej llogarit hakmarrjen si motivin kryesor të vrasjes. Pas një shkëmbimi më armë zjarri, tek hyrja e vjetër e spitalit në Prizrenit, afër sallës së sporteve të gjimnazit shkencor, në një akt që mendohet të jetë bërë me paramendim dje mbetën të vrarë Ferdi Shishko, Haki Thaçi dhe Bilgin Ersoj, që tre nga Prizreni. /Indeksonline/

Ejup Shemallari është një nga të dyshuarit e policisë për kryerjen e vrasjes së trefishtë, të dielen, në Prizren. Vrasjen dyshohet që ai ta ketë kryer bashkë me babanë e tij Eshrif Shemallari.

Dje në Prizren janë vrarë tre persona: Ferdi Shishko, Haki Thaqi dhe Bilgin Ersoji. Sipas policisë, vrasjen, dyshohet ta kenë kryer Eshref Shemallari dhe djali i tij Ejupi.

Gazeta Express ka arritur të sigurojë fotografi të njërit nga të dyshuarit, Ejup Shemallari (23 vjeçar).

Gjatë të hënës, Express po ashtu ka sjellë edhe historinë se si ka ardhur deri te ngjarja tragjike, treguar nga burimet tona.

Lexo më shumë në: http://www.gazetaexpress.com/lajme/ky-eshte-nje-nga-te-dyshuarit-per-vrasjen-e-trefishte-ne-prizren-85740/?utm_source=referral&utm_medium=web&utm_campaign=copyright

NISMA për Kosovën sot i ka dërguar një letër Presidentes, Atifete Jahjaga, nga e cila ka kërkuar që sipas detyrimeve të saja kushtetuese të kërkon një hetim të plotë rreth skandalit i cili u bë publik javën e kaluar në gazetën Koha Ditore.

Lexojeni të plotë letrën që ia ka dërguar Nisma për Kosovën, presidentes Jahjaga:

NISMA për Kosovën e konsideron të papranueshme heshtjen e institucioneve të Republikës së Kosovës në lidhje me skandalin e publikuar javën e kaluar në gazetën Koha Ditore (skandalin në lidhje me komplotin gjyqësor ndaj Fatmir Limajt).

Zonja Presidente, ju jeni garantuese e funksionimit kushtetues të institucioneve të Republikës së Kosovës, siç e përcakton neni 84 – paragrafi 2 i Kushtetutës së Kosovës“(Neni 84:- Kompetencat e Presidentit -Presidenti i Republikës së Kosovës: Paragrafi (2) garanton funksionimin kushtetues të institucioneve të përcaktuara me këtë Kushtetutë)”.

Në emër të garantimit të të drejtave dhe lirive themelore si dhe barazisë para ligjit të secilit qytetar të Republikës së Kosovës, NISMA për Kosovën kërkon nga ju që ti ushtroni obligimet e juaja kushtetuese dhe ligjore.

Znj. Presidente kërkojmë nga ju që sipas detyrimeve tuaja kushtetuese të kërkoni një hetim të plotë rreth këtij skandali i cili u bë publik javën e kaluar në gazetën Koha Ditore, skandal i cili shkel të drejtat e individit dhe barazinë e qytetarëve para ligjit, të garantuara me kushtetutë sipas neneve: Neni 3, 21, 22, 30 dhe neni 31.

Si presidente e këtij vendi duhet të përdorni të gjithë autoritetin që ju jep kushtetuta për të kërkuar nga organet kompetente që jo vetëm të ndriçohet ky komplot, por edhe të merren masat e nevojshme që asnjëherë në të ardhmen, askush të mos guxoj që të përdor sistemin e drejtësisë në kundërshtim me kushtetutën dhe ligjet në fuqi për qëllime politike .

NISMA për Kosovën pret që ditëve në vijim të ndërmerrni hapat e nevojshme në përmbushje të obligimeve tua kushtetuese.

16 vite pas zhdukjes, sot janë rivarrosur eshtrat e identifikuara të Dinë Halilajt (1948) nga fshati Llapqevë. Në ceremoninë e varrimit, u tha se edhe sot, pas 16 viteve, vazhdojmë të kemi plagë të hapura, pasi armiku u mundua ti zhdukë gjurmët e krimit, ndërsa ju bë me dije edhe bashkësisë ndërkombëtare, se ne kurrë nuk do ti harrojmë të vrarët.

“Është përjetim i rëndë, që ka zgjatur 16 vite për familjen Halilaj, në pritje të një lajmi për prindin e tyre, e Komuna e Malishevës, lirinë që e kemi, e ka larë me gjak dhe çdo vendbanim i yni ka derdhur shumë gjak për këtë liri”, tha mes tjerash në fjalën e rastit, kryetari i Malishevës, Ragip Begaj.

“Qeveria e vendit, është dashur të kushtëzoj negociatat me çështjen e të pagjeturve. Ne të gjallët kemi obligim ndaj të vrarëve dhe këtë ja bëjmë me dije edhe bashkësisë ndërkombëtare, se ne nuk i harrojmë të vrarët tanë”, tha Begaj.

Ndërsa, kryetari komisionit qeveritar për të pagjeturit, Prenk Gjetaj, tha se “edhe pas 16 viteve ne vazhdojmë të kemi plagë të hapura, pasi ende mungojnë shumë persona të zhdukur. Armiku tentoi që ta fsheh krimin, për ti ikur përgjegjësisë, duke i fshehur të vrarët, por kësaj përgjegjësie kurrë nuk do të mund ti ik. Dina dhe të tjerët, u vranë duke mbrojtur pragun e tyre”.

Për biografinë e Dinë Halilajt, foli, drejtori i shkollës së fshatit, Aziz Avdiu, pasi Dinë Halilaj, ishte punëtor i kësaj shkolle.

“Në marsin e vitit 1999, banorët e Llapqevës, u detyruan të largohen nga fshati, dhe familja e Dinë Halilajt, shkoi në Krelan, ku me 2 prill, Dina u nda me forcë nga familja. Pas dy ditësh, edhe pse u lirua, Dina nuk pranoi ta lë djalin tij Naimin në duart e forcave paramilitare serbe, duke kërkuar që të qëndroj ai, ndërsa djali të lirohej. Por e morën Dinën dhe bashkë djalin, u vranë në masakrën e Krelanit, sikur edhe shumë bashkëfshatar tjerë të Llpaqevës, të cilët vazhdojnë të konsiderohen të zhdukur edhe sot”.

Në emër të familjes, pjesëmarrësit e shumtë në ceremoninë e varrimit, i ka falënderuar Sylë Halilaj./PrizrenPress.com/

Aktivisti shumëvjeçar i LDK-së Fetah Rudi është zgjedhur sot nënkryetar i Komunës së Malishevës, në ditën kur zyrtarisht hyri në fuqi marrëveshja Nisma-LDK për bashkëqeverisje në këtë komunë.

Me marrëveshjen e nënshkruar më 23 shkurt, LDK-së përveç nënkryetarit do t’i takojnë edhe tri drejtori komunale.

Marrëveshja ishte e domosdoshme, pasi kryesuesi i Kuvendit Komunal të Malishevës Enver Hoti u bë deputet i Kuvendit të Kosovës, ndërsa kjo komunë rrezikonte të shkonte në zgjedhje për Kuvendin Komunal, ngase kishte problem me zgjedhjen e kryesuesit të ri.

Në Kuvendin e Malishevës prej 31 asamblistëve Nisma dhe LDK-ja së bashku kanë 18 asamblistë.

Fetah Rudi njihet në opinion si veprimtar i hershëm i LDK-së i cili më 15 dhjetor 2000 është plagosur rëndë në rrethana të pasqaruara dhe prej atëherë ka mbetur në karrocë invalidi, por nuk e ka ndalur asnjëherë aktivitetin politik.

Januz Kastrati, kryetar i degës së LDK-së në Malishevë ka bërë me dije se kundërkandidatë të Rudit për postin e nënkryetarit kanë qenë Bajrush Hoti nga Malisheva si dhe Rrahim Morina nga Astrazupi.

LDK-ja pritet të drejtojë edhe drejtoritë e administratës, urbanizmit dhe kadastrës e gjeodezisë.

Kandidat për Drejtorinë e Administratës është propozuar juristi Sami Kafexholli, për Drejtorinë e Urbanizmit, inxhinieri i ndërtimtarisë Skender Rrahmanaj dhe për Kadastër e Gjeodezi juristi Fatmir Ademaj./Kallxo.com/

Eshref Shemollari dhe djali i tij Ejupi, sipas dyshimeve të policisë, i kanë vrarë dje në qendër të Prizrenit: Ferdi Shishkon, Haki Thaqin dhe Bilgin Ersojin. Ja pse ata vendosën që ta kryenin ketë krim.

Në fund të vitit 2013, saktësisht në dhjetor, thonë burimet e Gazetës, tre personat e vrarë, Shishko, Thaqi dhe Ersoji, e kishin rrahur deri në alivanosje Ejup Shemollarin.

“Ata përveçse e kishin rrahur rëndë, ia kishin ngulur edhe një thikë në shpinë. Ishte dërguar në spital në gjendje kritike”, tregojnë burimet e Gazetës Express brenda policisë së Prizrenit.

Prej asaj kohe Shemollarët, sipas burimeve të gazetës, kishin qenë në cak të provokimeve.

“Edhe para dhjetë ditësh Ejupin e kishin rrahur, në prani të një vajze”, i kanë thënë Gazetës Express, disa burime. Policia thotë se kjo rrahja e fundit nuk ishte regjistruar fare në organet policore.

Pastaj, mëson Gazeta, dje, dikush prej të vrarëve e kishte ftuar për ta takuar njërin prej dy Shemollarëve. Sipas hetimeve policore, në ‘këtë takim’, ata që dyshohet të jenë vrasësit, nuk kishin dalë të papërgatitur.

“Babë e bir dyshohet se kanë shtënë në të tri viktimat”, mëson Express, prej burimeve në polici. Mediat tjera kanë raportuar se viktimat e djeshme kanë qenë të njohura për organet e rendit edhe për shumë raste tjera penale. Ata në shumë raste kanë qenë të paraburgosur.

Lexo më shumë në: http://www.gazetaexpress.com/lajme/babe-e-bire-i-vrane-tre-personat-ne-prizren-85718/?utm_source=referral&utm_medium=web&utm_campaign=copyright