22.8 C
Prizren
E diel, 19 Maj, 2024

Braktisin shkollën në kërkim të një cope bukë

Ka dy javë që procesi mësimor ka filluar në mbarë shkollat e vendit.

Rreth 400 mijë nxënës, sipas statistikave të Ministrisë së Arsimit, Shkencës dhe Teknologjisë së Kosovës (MASHT) kanë nisur sivjet vitin shkollor.

Por, jo të gjithë nxënësit që llogariten në këtë shifër janë ulur në bankat e shkollës. Shumë fëmijë të komuniteteve romë, shkali, si dhe egjiptas, në vend të shkollave, ndodhën pranë kontejnerëve duke kërkuar ushqim, gjësende tjera, diku tjetër ata shihen teksa mbledhin kanaqe, pastrojnë xhamat e veturave…

Institucionet e Kosovës nuk posedojnë shifër të saktë se sa fëmijë të këtij komuniteti kanë braktisur shkollën.

Por, as denoncimet për braktisjen e shkollës nga këta fëmijë nuk kanë çuar peshë për institucionet.

Në janar të këtij viti, Ministria e Arsimit është informuar nga kryetari i Partisë Liberale Egjiptiane (PLE) dhe deputeti i Kuvendit, Veton Berisha, se 50 nxënës të shkollës fillore “Xhemail Kada” në Pejë e kanë braktisur procesin mësimor që nga viti akademik 2013/2014.

Ai ka dorëzuar të gjithë listën me emra e mbiemra të nxënësve në Ministri, duke kërkuar ndihmë nga ky dikaster qeveritar që t’u ndihmohet këtyre nxënësve për rikthim në shkollë..

Më Shumë

Ndahen afro 700 mijë euro për ndërtimin e rrugës që shpie tek “Ujëvara e Mirushës”

Zëvendësministri i Infrastrukturës, Hysen Durmishi ka pritur në takim kryetarin e Malishevës, Ekrem Kastrati. Durmishi dhe Kastrati, nënshkruan memorandumin e mirëkuptimit me Komunën e Malishevës...

Bayern dëshiron ta mbajë Tuchel-in si trajner

Pas një kthese të befasishme, Bayern Munich thuhet se dëshiron të mbajë Thomas Tuchel-in si trajner. Në shkurt, Bayern njoftoi se do të ndahej me...

Lajmet e Fundit