Isa Mustafa po mban një fjalim në foltoren e Kuvendit të Kosovës, ku ka treguar se nuk është aty për të mbajtur seancë por vetëm për të shprehur papajtueshmërinë e tyre me zhvillimet në vend.
“Këtij shteti i nevojitet parlamentarizëm dhe demokraci”, ka thënë Mustafa.
Një këmbësor është goditur nga një veturë në Prizren. Policia njofton se vozitësi i veturës ka ikur nga vendi i ngjarjes.
“Një veturë me ngasës të panjohur ka goditur këmbësorin viktimën, të cilit i ka shkaktuar lëndime trupore. Viktimës i është ofruar tretmani mjekësor , me pas i njëjti është liruar në shtëpi”,njofton Policia e Kosovës. Vetura e dyshuar është larguar në drejtim të pa njohur. Policia është duke hetuar rastin/PrizrenPress.com/
Partia Demokratike e Kosovës do të mbledhet sot por vetëm pasi të ketë parë se cilët do jenë hapat që deputetët dhe liderët e LDK-së, VV!-së, AAK-së dhe Nismës. Kështu i ka thën Gazetës Blic një zyrtar i lartë i kësaj partie i cili s’ka dashur që t’i përmendet emri.
Sipas tij, ata llogarisin që sot koalicioni i VLAN-it të veprojë dhe ndaj këtij veprimi kjo parti edhe do të reagojë.
I njejti i ka thënë kësaj Gazete që kjo parti është e vendosur që t’i shkojë deri “në fund” krizës- edhe me kushtin e organizimit të zgjedhjeve të reja nëse ndonjëri nga aleatët e LVAN nuk ndërron mendje të futet me këtë parti në Koalcion. Kjo sepse sipas këtij zyrtari “Kushtetuta dhe vendimi i Gjykatës i japin vetëm PDK-së të drejtën të zgjedh Kryetarin e Kuvendit”.
Konkurrenca e studenteve për tu regjistruar në Mensë duket së është rritur shumë. Para këtij objekti sot janë krijuar radhë të gjatë në përpjekje të regjistrimit.
Interesim për tu ushqyer në këtë Mensë kanë shprehur edhe studentët që nuk janë banorë të Qendrës Studentore.
E krejt ky interesim i studentëve për tu regjistruar në Mensë, duket se është çmimi i liri i ushqimit që serohet aty.
Tani në këtë Mensë studentët për dy racion bukë në ditë, duhet të paguajnë vetëm 15 euro në muaj.
Ky çmim është për 50 për qind më lirë krahasuar me vitin e kaluar.
Edicioni i pesëmbëdhjetë i Festivalit të Muzikës Kamertale ”Kosova Kamerfest 2014” do të fillojë sot me një koncert ”Pre Kamerfest” dhe do të përfundojë me 6 nëntor.
Ky edicion është organizuar në shenjë të përvjetorit të vdekjes së kompozitorëve Ch.Ph.E.Bach, Gluck dhe R. Strauss, Puccini dhe do të mbahet në sallën e Akademisë së Shkencave dhe Arteve të Kosovës.
Koncerti i duos italiane Crossta dhe Testa do të jetë njëherit edhe koncert informues për artdashësit dhe publikun kosovar, si dhe një konferencë për shtyp për gazetarë.
Praktika e realizimit të projekteve infrastrukturore në Qendrën Historike të Prizrenit, pa pëlqimin e organeve kompetente për ruajtjen e trashëgimisë kulturore, po vazhdon të zbatohet nga Komuna e Prizrenit.
Intervenimi i fundit duke shpërfillur dispozitat ligjore ka ndodhur në rrugën “Marin Barleti”, prapa objektit të Xhamisë së Sinan Pashës. Punimet aty kanë nisur të mërkurën, pa pëlqimet e Qendrës Rajonale për Trashëgimi Kulturore dhe Këshillit për Trashëgimi Kulturore të Qendrës Historike të Prizrenit.
“QRTK-ja nuk është në dijeni se për çfarë projekti bëhet fjalë pasi nuk ka pranuar asnjë kërkesë me të cilën kërkohet pëlqimi për intervenim në infrastrukturë. Rruga në fjalë ku kanë nisur punimet është pjesë e Qendrës Historike dhe është afër monumentit të trashëgimisë fetare, respektivisht Xhamisë së Sinan Pashës”, ka thënë Samir Hoxha, drejtor i QRTK-së në Prizren.
Edhe Vesel Hoxhaj, kryesues i Këshillit për Trashëgimi Kulturore të Prizrenit, ka konfirmuar se projekti i Komunës së Prizrenit as që është sjellë në KTK për kërkimin e pëlqimit.
“E kjo është shkelje të dispozitave ligjore, si të Qendrës Historike ashtu edhe të trashëgimisë kulturore. Pra, KTK-ja trajtohet sa për sy e faqe nga Komuna e Prizrenit”, ka deklaruar Hoxhaj.
Në anën tjetër, zëdhënësi i Komunës së Prizrenit, Ymer Berisha, ka konfirmuar se projekti po zbatohet nga qeveria lokale, por, sipas tij, nuk bëhet fjalë për shkelje ligjore në këtë rast./Koha Ditore/
(E plotësuar) Ka përfunduar takimi i deputetëve të VLAN-it në Kuvendin e Kosovës. Deputetëve në Kuvend iu drejtuan katër liderët e partive që e formojnë bllokun opozitar: Isa Mustafa, kryetar i LDK-së, lideri i Vetëvendosjes Albin Kurti, kryetari i AAK-së Ramush Haradianj dhe kryetari Nismës Fatmir Limaj.
Ata janë të vendosur për të formuar Kuvendin e Qeverinë.
Liderët e këtyre partive theksuan se më së largu në javën e ardhshme do të vazhdojë seanca konstituive e Kuvendit të Kosovës.
Deputetët e Bllokut hyjnë në sallë – pritet ta zgjedhin Kryetarin dhe Nënkryetarët e Kuvendit
Deputetët e Bllokut LDK-VV-AAK-Nisma duket se kanë përnjëmend; ata para pak minutash kanë hyrë në sallën ku mbahen mbledhjen plenare.
Gazetari i Gazetës Express nga vendi i ngjarjes thotë se informacionet e tanishme janë se ata do t’i zgjedhin organet e reja të legjislativit. Por ne salle nuk kane hyre edhe deputetet minoritare.
Deputetët e VLAN-it në Kuvend
Të gjithë deputetët e bllokut opozitar VLAN tashmë janë mbledhur në Kuvend. Ata kanë paralajmëruar mbajtjen e seancës konstituive të Kuvendit të shtyrë tash e disa herë nga Partia Demokratike e Kosovës, përkatësisht deputetja e saj Flora Brovina.
Deputetët e Bllokut ia mësyjnë Kuvendit
Deri tani në Kuvendin e Kosovës kanë shkuar Sadri Ferati, Jakup Krasniqi, Besa Gaxherri dhe Albulena Haxhiu. Mirëpo, askush prej tyre nuk është prononcuar për media.
Në këto momente Blloku opozitar është duke mbajtur një takim të përbashkët. Derisa për pak minuta thuhet se do të dalin me një qëndrim zyrtar se çfarë do të bëjnë pasi kryesuesja e Kuvendit të Kosovës Flora Brovina e ka shtyrë seancën konstituive.
Burime të Express brenda bllokut kanë thënë se për pak minuta anëtarët e partive do të dalin me një qëndrim dhe do të vendoset se çfarë do të bëjnë për vendimin e djeshëm të Brovinës.
Nuk përjashtohet mundësia e ndonjë performance para Kuvendit të Kosovës.
Në asnjë kombinim, partia e Isa Mustafës nuk do të pranojë të hyjë në ndonjë koalicion me PDK-në e Thaçit.
Menjëherë pas zgjedhjeve parlamentare, më 9 qershor LDK-ja ka filluar takimet fillimisht me Fatmir Limajn e më pastaj dhe me Ramush Haradinajn për arritjen e një marrëveshje për bashkëqeverisje.
“Me apo pa Hashimin, LDK nuk hyn në koalicion me PDK-në”, ka thënë Ismet Beqiri i LDK-së në një intervistë për gazetën Zëri.
Anëtari i Kryesisë së AAK-së, Avni Arifi, ka thënë se shtyrja e vazhdimit të seancës konstituive nga kryesuesja e Kuvendit, Flora Brovina,është e dëmshme për demokracinë dhe parlamentarizmin në Kosovë
Ai ka thënë në një intervistë për “Epokën e re” se një veprim i tillë është një goditje e rëndë e angazhimeve të presidentes Jahjaga për ta tejkaluar ngërçin politik.
“Besoj se ky veprim i Brovinës është goditje ndaj angazhimeve të presidentes Jahjaga dhe nuk i shërben askujt, as PDK-së”, është shprehur Arifi, duke e akuzuar PDK-në për bllokimin e formimit të institucioneve të reja.
“PDK-ja është duke vazhduar bllokimin e formimit të institucioneve të reja, përfshirë edhe konstituimin e Kuvendit të Kosovës. Po ashtu, PDK-ja është duke vazhduar t’i torturojë qytetarët e Kosovës dhe po u shkakton dëme afatgjata institucioneve të Kosovës, me shpresë se blloku do ta marrë përgjegjësinë e tyre”, ka deklaruar Arifi. Në këtë kontekst, Arifi ka thënë se shtyrja e seancës është dëshmi se askush nuk dëshiron të bashkëpunojë me PDK-në.
“Pra, kjo është një dëshmi se asnjëra nga partitë politike shqiptare nuk dëshiron të jetë në koalicion me PDK-në”, ka theksuar Arifi.
Dyshohet se keqpërdorin lejen për kontrolle mjekësore.
Dy të dyshuarit për krime lufte nga “Grupi i Drenicës”, Sami Lushtaku dhe Sylejman Selimi, pavarësisht se janë në paraburgim, për më shumë se një orë e gjysmë, të mërkurën, kanë qëndruar në lokalin ”Klubi”, që gjendet në oborrin e QKUK-së, shkruan sot Koha Ditore.
Zyrtarët e QKUK-së kanë thënë të mos jenë në dijeni nëse ata u janë nënshtruar kontrollove mjekësore, ndërsa ata të Burgut të Dubravës konfirmojnë se të dytë kanë pasur leje për kontroll dhe se kjo ndodh shumë shpesh.