Pianisti serb, Bojan Zulfikarpasic dhe saksofonisti francez, Julien Lourau kanë performuar në mbrëmjen e së premtes në teatrin “Oda”, në kuadër të javës frankofone që po mbahet në Kosovë. Bojan Zulfikarpasic, ka deklaruar për “KultPlus” se kishte shumë vite që nuk performonte në Prishtinë. Ai ka thënë se muzika do të duhej të ishte ajo që duhet ti bëj bashkë popujt pa dallime kombëtare.
Njëmbëdhjetë vepra muzikore që i takojnë muzikës jazz janë luajtur të premten në mbrëmje nga pianisti serb Bojan Zulfikarpasic së bashku me saksofonistin francez Julien Lourau, në natën e dytët të programit Ditët e Frankofonisë në Kosovë.
Bojan Zulfikarpasic në piano dhe Julien Lourau me saksofon, për më shumë se një orë kanë performuar përballë një audience të madhe në skenën e sallës së teatrit “Oda”, duke ekzekutuar veprat muzikore të kompozuar nga vetë ata si: “Reuxin”, “Full half”, “Zeven”, “Fuzzlija”, “Bugarska”, “The others”, “Huuo’s”.
Pastaj, këta dy artistë të muzikës jazz para se ta përmbyllnin koncertin e tyre në Prishtinë nën duartrokitjet frenetike të publikut, kanë ekzekutuar edhe katër vepra të tjera si: “Ederuezi”, “Tu mi turn”, “Grana” dhe “Mister Waits”.
Para se ta realizonin koncertin e tyre të muzikës jazz në kryqytet, Bojan Zulfikarpasic dhe Julien Lourau, në mbrëmjen e kësaj të enjte kanë performuar edhe në qytetin e Leposaviqit, në kuadër të edicionit të katërt të Ditëve të Frankofonisë në Kosovë.
Pianisti serb i lindur në Beograd, Bojan Zulfikarpasic, ka deklaruar për “KultPlus” se kishte shumë vite që nuk performonte në Prishtinë. Ai ka thënë se muzika do të duhej të ishte ajo që do ti bën bashkë popujt pa dallime kombëtare.
“Herën e fundit kur kam performuar në Prishtinë, ka qenë para 27 viteve që i bije të jetë në vitin 1987. Sonte, vërtetë kaluam mirë. Mbrëmë ishim për ta realizuar të njëjtin koncert edhe në qytetin e Leposaviqit. Si këtu në Prishtinë e po ashtu atje kemi qenë të mahnitur me mikpritjen e publikut. Ideja ime është që këngët e kompozuara nga unë t’i bëjë shqiptarët dhe serbët bashkë. Arti dhe muzika janë të vetmet gjëra që i bashkon njerëzit pa dallim etnie. Pra, për këtë gjë ne edhe përformuam në këtë mbrëmje se bashku me Julien”, ka thënë Zulfikarpasic, i njohur me emrin e tij artistik si Bojan Z.
“Nuk ka ndonjë dallim të madh ndërmjet publikut të Leposaviqit dhe atij të Prishtinës. Ne në të dyja këto qytete kaluam për mrekulli duke performuar veprat tona muzikore që i kemi kompozuar së bashku me Bojanin vite më parë. Prishtina është qytet i bukur, mirëpo unë mendoj që këtu autoritetet dhe qytetarët të kenë kujdes në ruajtjen e pjesëve antike”, ka thënë saksofonisti francez Lourau.
Bojan Zulfikarpasic, i njohur edhe me emrin artistik Bojan Z është i lindur më 2 shkurt 1968 në Beograd. Ai filloi të luajë piano në moshën pesë vjeçare, dhe gjatë adoleshencës së tij, filloi të luajë në disa grupet të njohura të skenës së muzikës jazz të Serbisë, ku edhe mori çmimin si muzikanti më i mirë jazz për të rinj gjatë periudhës së ish-Jugosllavisë në vitin 1989.
Kurse, Julien Lourau është i lindur në Paris të Francës në vitin 1970. Ai bëri debutimin e tij të parë në shoqatën Trash Corporation me kitaristin Noel Akchoté dhe pianisti Bojan Zulfikarpasic. Gjithashtu, Lourau është themelues i grupit olimpik “Gramofon”. Në vitin 1992 , Julien Lourau fitoi çmimin e parë si solisti më i mirë në qytetin francez “La Mbrojtjes”.
Programi i Ditëve të Frankofonisë në Kosovë, vazhdon nesër në ora 10:00, në Amfiteatrin e vogël të Universitetit të Prishtinës, ku pritet të mbahet një seminar nga studentët e departamentit të gjuhës frënge të UP-së.
Ish sekretarja e shtetit, Madeline Albright nuk pranon krahasimin në mes Kosovës dhe Krimesë. Ajo thotë se në rastin e Kosovës, forca u përdor vetëm kur u shterua diplomacia.
