Edhe pas nënshkrimit të Marrëveshjes së Ohrit ne ende nuk mundemi të lavdërohemi se kemi arritur nivel të lartë të vetëdijes për tolerancë ndëretnike.

“Nuk do të lejojmë prishje të marrëdhënieve ndëretnike”, ishte porosia e partnerëve tradicional qeverisës Ahmeti- Gruevski në fjalimet e tyre të fundit publike. Sipas tyre, tentimet për prishjet e marrëdhënieve etnike janë vepër e disa individëve që duan të fitojnë për vete ose punojnë për interesa tjera.

Analistët politikë kujtojnë për “Lajm” se pikërisht këta dy liderë gjatë kampanjës parazgjedhore kanë theksuar retorikën nacionaliste, e se kjo është edhe shkak i tensioneve ndëretnike.

Analisti Xhenur Iseni konsideron se liderët politik të pushtetit fajtorin e tensioneve ndëretnike duhet ta kërkojnë në mesin e tyre.

“Formacioni aktual qeverisës si duket ka mësuar recetën manipulative me masat popullore. BDI dhe VMRO-DPMNE gjithçka ndajnë bashkë të mirën dhe të keqen. Bashkë ata edhe i formojnë retorikët nacionaliste, mirëpo kur dikush i sulmon janë të gatshëm edhe të mbajnë mburojën e njejtë. Kohëve të fundit po ndodhë shpesh që fjalimet dhe porositë e Gruevskit dhe Ahmetit të kenë porosi dhe cak të njëjtë. Deri dje gjatë kampanjës zgjedhore ishin armiq, sot janë bashkuar dhe dikë tjetër e kanë armik. Armiku i tyre i përbashkët janë “paguesit për të prishur marrëdhëniet ndëretnike”?. Personalisht nuk e di drejt kujt e kanë drejtuar gishtin, sepse fajtorë janë vet ata, dëgjoni retorikën e tyre para formimit të qeverisë dhe nuk do hamendje se kush është fajtori”, tha për “Lajm” Iseni.

Politikologja Maja Stojanova vlerëson se Ahmeti dhe Gruevski gjithmonë kur nuk kanë suksese në qeverisje hapin këtë temë. Sipas saj, marrëdhëniet ndëretnike janë pikë e ndjeshme andaj edhe e keqpërdorin politikanët. Marrëdhëniet ndëretnike janë pika më e ndjeshmee ku më së shumti nxitet tension. Edhe pas nënshkrimit të Marrëveshjes së Ohrit ne ende nuk mundemi të lavdërohemi se kemi arritur nivel të lartë të vetëdijes për tolerancë ndëretnike.

“Sa i përket politikanëve, sidomos atyre që kanë pushtet, gjithmonë kur e shohin të nevojshme që te defokusohet opinioni për faktin se qeveria nuk ka arritur sukses ata drejtohen kah marrëdhëniet ndëretnike, dhe krijojnë tensione. Kjo praktikë është e pranishme tek kryeministri Nikolla Gruevski dhe bashkë qeverisësi i tij Ali Ahmeti, të cilët me qëllim mbulimin e anomalive thekson retorikën e tyre nxitëse”, u shpreh për “Lajm” Stojanova.

Igumania e manastirit serb Novi Stjenik që njihet me emrin Mati Efrosinija, është udhëheqëse e kampit (luftarak) të fëmijëve në malet e Kuçaj. Në këtë kamp fëmijë serbë “ushtrohen dhe kaliten për luftë për të mbrojtur traditat e mira e serbe”.

“Nga 10 ditë që fëmijët i kaluan në kamp, vetëm një ditë e kanë pasur në dorë pushkën. Dhe ç’të keqe ka pushka, qitja me të. Ata nuk kanë luajtur me lodra lufte, por kanë shtënë në shënjestra të improvizuara. Dhe kanë shtënë nga pushkët plastike, të cilat vetë i kam blerë”, ka thënë ajo për Danas, citon Express.

Efrosinija, e cila është organizator e këtij kamp, tregon se kisha ku ajo punon është në konflikt tash e 20 vjet me Kishën Ortodokse serbe të cilën ajo e fajëson “për publicitetin negativ që ia ka bërë kampit”.

Aktiviteti i kësaj kishe që njihet me shkurtesën serbe SIPC (Srpska istinska pravoslavna crkva – Kisha e vërtetë ortodokse serbe) rreth këtij kampi ,sipas gazetës “Danas” ka shqetësuar policinë dhe politikanë të Serbisë.

“Shpresoj shumë se policia do të vijë sa më parë për shikuar ç’është e parregullt dhe militante në kampin tonë”.