Asamblistët e Kuvendit Komunal në Prizren për herë të parë nuk e kanë fyer njëri-tjetrin. Përfaqësuesi i KDI-së në Prizren, Naim Cahanaj thotë për “PrizrenPress”se në periudhën e parë të këtij viti, asamblistët kanë treguar gjuhë parlamentare.
“Anëtarët e Kuvendit të Komunës së Prizrenit gjatë seancave të mbajtura në periudhën janar-qershor 2014 treguan nivel të lartë të kulturës parlamentare, duke mos përdorur në asnjë rast gjuhë e cila do të ishte fyese për ndonjë anëtar tjetër të këtij institucioni”, thotë Cahanaj.
Sipas tij, në të kaluarën asamblistët jo rradhëherë kanë përdorur foltoren e Kuvendit për të fyer njëri-tjetrin/PrizrenPress.com/