Edhe kryetari i Malishevës, Ragip Begaj ka uruar për festën e Fitër Bajramit.
“Më lejoni që tua uroi festën e Fitër Bajramit të gjithë besimtarëve mysliman në Malishevë dhe të gjithë qytetarëve tanë që punojnë dhe jetojnë në botën e jashtme . Me fat festa e Fitër Bajramit!”, thuhet në urimin e Begajt./PrizrenPress.com/
Nisma për Kosovë- Dega në Prizren, ka uruar të grihë besimtarët islam festën e Fitër Bajramit.
“Nisma për Kosovë Dega në Prizren të gjithë besimtarëve islam iu uron festën e Fitër Bajramit”, thuhet në urimin e Nismës në Prizren.
“Le të jetë kjo festë e tolerancës,mirësisë e mbi të gjitha solidaritetit në mes të njerëzve. Urojmë që kjo festë të kalojë në atmosferë festive”./PrizrenPress.com/
Gaza
Këtë herë, shkëndija ishte rrëmbimi dhe vrasja në mes të qershorit e tre studentëve izraelitë, me shumë gjasa nga një fis pranë lëvizjes palestineze Hamas. Një tronditje e vërtetë për Izraelin. Kështu, ndërkohë që disa sektorë të të djathtës po radikalizoheshin edhe më shumë (pak ditë më vonë, nacionalistët dogjën të gjallë një adoleshent palestinez), e ndërkohë që Hamasi vazhdonte të lëshonte raketa në drejtim të veriut, Kryeministri Netanjahu në 8 korrik vendosi që të nisë aksionin e fundit të një lufte e cila vazhdon qysh prej vitit 1948. Ky operacion, ashtu si dhe paraardhësi i tij “Kolona e reve” i nëntorit 2012, ka si objektiv shkatërrimin e raketëhedhësve të Hamasit në veri të Rripit të Gazës.
Përveç tuneleve të shumtë të ndërtuar për penetrimin e komandove në tokën izraelite. Operacioni nisi nga qielli dhe më pas, prej 17 korrikut, vijoi me një pushtim nga toka. Konflikti, më i përgjakshmi që nga lufta e 2008-2009-ës, ka shkaktuar tashmë afro 1000 viktima mes palestinezëve (në pjesën më të madhe civilë) si dhe afro 50 izraelitë, edhe sepse raketat e hedhura nga Hamasi janë penguar prej mburojës “Kupola e hekurt”.
Përfundimi i luftës bëhet më i vështirë si prej mungesës së gatishmërisë së qeverisë së Netanjahut që të dëgjojë thirrjet për armëpushim që vijnë prej komunitetit ndërkombëtar, ashtu edhe prej mungesës së një ndërmjetësi, duke parë dobësinë e SHBA dhe BE si dhe armiqësinë e presidentit të ri egjiptian, El Sisi kundrejt Hamasit.<br
Ukraina
Të shkojë drejt Bashkimit Europian, apo të kthehet tek Rusia? Duke nisur nga kjo pyetje, u zhvillua kriza e fundit e Ukrainës.
Nga njëra anë filoeuropianët, të përqëndruar mbi të gjitha në kryeqytetin e vendit, Kiev dhe në perëndim.
Nga ana tjetër filorusët, më të fortë në rajonet kufitarë në jug, territor ku gjuha e parë është rusishtja. Në 22 shkurt, pas muajsh të tërë tensionesh, protestuesit që mbushën sheshin Majdan arritën që të rrëzojnë presidentin e korruptuar Viktor Janukoviç, një mik i Kremlinit.
Nga kaosi përfituan filorusët e gadishullit të Krimesë, që me mbështetjen e Moskës dekretuan shkëputjen dhe, përmes një referendumi të improvizuar, aneksimin nga Krimea.
Nga zgjedhjet presidenciale të 25 majit doli fitimtar Petro Poroshenko, një industrialist i çokollatës, i cili po përpiqet të përshpejtojë afrimin me BE-në. Ndërkohë në lindje, është militarizuar gjithnjë e më shumë konflikti mes Kievit dhe filorusëve, që shkaktoi më shumë se një mijë të vdekur.
Edhe këtu nuk shërbyen aspak armëpushimet e përsëritur, teksa presidenti Putin është kritikuar për mbështetjen e ofrur, politikisht dhe ndoshta edhe ushtarakisht, për secesionistët.
Eshtë ky skenari në të cilin, në 17 korrik, u rrëzua në qiejt e Ukrainës Lindore avioni MH17 i Malaysia Airlines, një avion civil që fluturonte nga Amsterdami për në Kuala Lumpur: 298 viktima, të vrarë ndoshta nga një raketë e lëshuar prej separatistëve.
Siria
Zjarri sirian nisi në mars 2011, kur të gjendura përballë intensifikimit të protestave në sheshe, që kërkonin më shumë liri dhe demokraci, forcat e diktatorit sirian Bashar al Assad hapën zjarr në qytetin e Daraas.
Ishin hapat e parë të një lufte civile që do të shohë nga njëra anë opozitën, që lufton përmes Free Syrian Army dhe të bashkuar në një Këshill Kombëtar, e mbshtetur gjithmonë e më shumë nga Perëndimi, Turqia dhe vendet e Gjirit; dhe nga ana tjetër regjimin e Assadit, i forcuar prej aleancës me Iranin, si dhe vetove të Rusisë dhe Kinës për rezolutat e OKB.
Në përgjithësi, me masakrat e të pafajshmëve të kryera sa nga njëra palë, edhe nga tjetra, me dështimin e ndërmjetësimit nga Lidhja Arabe, një aktor i tretë ka gjetur gjithnjë e më shumë hapësirë në vitin e fundit: xhihadistët ndërkombëtarë, që janë mbledhur nën flamurin e zi të një lëvizjeje, Shteti Islamik i Irakut dhe Sirisë, kaq mizor, sa të lërë pas drejtuesit e al Kaedës dhe ish aleatët fondamentalistë sirianë të Al Nusras. Sot, për Sirinëë, ku nga 2011 kanë vdekur mbi 250 mijë vetë, luftojnë mes tyre pikërisht këto tre forca.
Iraku
Gjithçka është rikthyer si në kohët e rënies së diktatorit Sadam Husein, i ekzekutuar në vitin 2006. Iraku është zhytur sërish në kaos. Vendi nuk ka ditur të pajtojë dy rrymat kryesore myslimane, shiitët dhe sunitët. Të parët, në shumicë, të mbështetur nga Irani kanë përjashtuar nga pushteti të dytët, të cilët janë fajtorë sepse kanë qenë të parët që i kanë diskriminuar kur ishin në qeverisje me Sadamin.
Kështu, urrejtjet e vjetra janë rikthyer në sipërfaqe, dhe sunitët vendosën që të mos pengojnë revanshin triumfant të xhihadistëve të ISIS, të cilët kanë arritur të marrin Tikritin, qytetin e lindjes së Sadamit dhe Mosulin, qyteti i dytë më i madh në vend, pasi kishin shtënë më parë në duar Niniven, Falluxhanë dhe Ramadinë. Ndërkohë, teksa forcat perëndimore kanë braktisur vendin, të krishterët dëbohen nga Mosuli, dhe atentatet janë bërë të zakonshëm. Por, ka një lajm të mirë: SHBA dhe Irani po bashkëpunojnë për të ndalur rrezikun xhihadist në vend.
Republika e Afrikës Qendrore
Lufta civile shpërtheu në dhjetor 2012, pasi koalicioni i rebelëve Seleka, për më tepër mysliman, akuzoi qeverinë e presidentit François Bozizé se nuk kishte respektuar marrëveshjet e paqes, dhe më pas e detyroi të arratiset në mars 2013. Michel Djotodia, lideri i Selekas, i zuri vendin në këtë shtet me shumicë të krishterë, por në janar dha dorëheqjen dhe tani, kryetare e përkohshme e shtetit është një grua, Catherine Samba-Panza.
Aktet e dhunës vazhdojnë, pavarësisht pranisë së 6 mijë paqeruajtësve të Unionit Afrikan dhe 2 mijë ushtarëve francezë. Mbi 2 mijë të vdekur, ku më shumë se gjysma janë vetëm këtë vit, të shkaktuar edhe prej militarëve të krishterë të quajtur “antibalaka”. Një milion vetë kanë braktisur shtëpitë.
Afganistani dhe Pakistani
Në gjashtë muajt e parë të vitit është rritur me një të katërtën krahasuar me 2013-ën, pra deri në 5 mijë numri i civilëve të vrarë apo të plagosur për shkak të konfliktit mes qeverisë së mbështetur nga amerikanët dhe perëndimorët nga njëra anë (në misionin ISAF), si dhe talebanëve dhe aleatëve të tyre nga ana tjetër.
Në kufi me Pakistanin, në Uaziristan, al Kaeda i ka ruajtur bazat e saj ndërkohë që në fund të këtij viti, misioni ISAF do të përfundojë punën e tij në Afganistan. Me balotazhin presidencial të 14 qershorit që u fitua nga Ashraf Ghani, mori fund epoka e Hamid Karzait. I munduri, Abdullah Abdullah bëri akuza të forta për manipulime.
Libia
Nga njëra anë grupet militarë pranë islamistëve, nga ana tjetër ata pranë laikëve. Një panoramë komplekse, në të cilën është futur në muajt e fundit edhe përpjekja për grusht shteti e Khalifa Haftar, gjeneral në pension që ka mbledhur nostalgjikët e epokës së Muammar Gedafit, diktatori i vrarë në tetor të vitit 2011 në kulmin e luftës civile dhe ndërhyrjes së NATO-s. Që atëherë, Libia ka shkuar disa herë në votime, për është zhytur sërish në kaos: Kryeministri Abdullah Al-Thinni ka dhënë dorëheqjen që në prill, dhe grupet militarë sfidohen mes tyre për kontrollin e naftës, ku më e pasura është Lindja. Mendohet të kenë vdekur 1500 vetë në epokën e pas Gedafit.
Sudani i Jugut
Fitimi i pavarësisë nga Sudani dhe regjimi ushtarak i Omar al Bashirit në 2011 nuk solli paqen në këtë republikë të re, e shkatërruar prej përplasjeve mes qeverisë së Salva Kiir, që mbështetet edhe nga Uganda, dhe rebelëve të Riek Machar, ish zëvendëspresidenti i saj. Konflikti ka shkaktuar më shumë se 1 milionë refugjatë dhe mbi dhjetë mijë të vdekur. /Espresso/
(Marrë nga BOTA.AL)
Gjykata Kushtetuese, e cila sipas FAZ drejtohet nga Enver Hasani, një besnik i PDK-së, e ka pezulluar zgjedhjen e kryetarit të Kuvendit. Sepse, përfundon gazeta gjermane, për PDK-në çështja është të humb apo të fitojë gjithçka. Gazeta gjermane „Frankfurter Allgemeine Zeitung“ (FAZ) shkruan se Partia Demokratike e Kosovës (PDK) po lufton në shumë mënyra për të mbetur në pushtet në Kosovë. Në rast se e humb pushtetin PDK humb kontrollin mbi ministritë dhe mbi institucionet që vetëm sa për sy e faqe duhet të qëndrojnë mbi partitë politike siç janë Gjykata Kushtetuese, policia, autoritetet e licencimit, dogana dhe mediet publike.
Gazeta gjermane „Frankfurter Allgemeine Zeitung“ (FAZ) në numrin e së hënës sjell një analizë për situatën e fundit në Kosovë pas zgjedhjeve të 8 Qershorit dhe bllokadës në krijimin e instuticioneve. Gazeta e cila ka ndikimin më të madh në Gjermani, shkruan se Partia Demokratike e Kosovës (PDK) po lufton në shumë mënyra për të mbetur në pushtet në Kosovë. Në rast se e humb pushtetin PDK humb kontrollin mbi ministritë dhe mbi institucionet që vetëm sa për sy e faqe duhet të qëndrojnë mbi partitë politike siç janë Gjykata Kushtetuese, policia, autoritetet e licencimit, dogana dhe mediet publike. Në Kosovë, shton FAZ, tani mund të shikohet se si zhvillohet kjo betejë për pushtet.
Gazeta përkujton se partia e Thaçit ka fituar më së shumti vota, por partitë e tjera shqiptare, përkundër diferencave, janë bashkuar në një aleancë për të penguar Thaçin. Sipas kësaj analize në shikim të parë shkuarja e Thaçit dhe ardhja e Ramush Haradinajt në postin e kryeministrit nuk ndryshon gjë.
“Një lider cubash shkon, tjetri vjen. Por, në fakt disa gjëra do të ndryshojë nëse opozita e bashkuar arrin ta dëbojë Thaçin nga pushteti. Koalicioni heterogjen kundër Thaçit do të duhej të mbështetej në shefin e Vetëvendosjes Albin Kurti, një politikan që luhatet mes popullizmit të vjetër jugosllav të subvencioneve dhe nacionalizmit shqiptaromadh, të cilin elita në Prishtinë bashkë me BE-në dhe SHBA-të e kanë mbajtur larg nga pushteti. Kurti angazhohet për politikë të pakompromis ndaj Serbisë”, shkruan FAZ.
Kjo gazetë citon vëzhgues të pavarur në Prishtinë, të cilët e përshëndesin një koalicion qeveritar të kryesuar nga Haradinaj. Kjo qeveri do të ishte nën vëzhgimin e rreptë të Vetëvendosjes dhe nuk do të arrinte t’i kapte institucionet shtetërore siç ka bërë PDK e gjithëpushtetshme. Por, shton FAZ, njëherë Kosova duhet të pres vendimin definitiv të Gjykatës Kushtetuese sa i përket zgjedhjes së kryetarit të Parlamentit. Gjykata Kushtetuese, e cila sipas FAZ drejtohet nga Enver Hasani, një besnik i PDK-së, e ka pezulluar zgjedhjen e kryetarit të Kuvendit. Sepse, përfundon gazeta gjermane, për PDK-në çështja është të humb apo të fitojë gjithçka. Për të mos humbur pushtetin kjo parti po planifikon të provokojë zgjedhje të reja nëse nuk arrin të mbajë pushtetin.
Myftiu i Kosovës, Naim Tërnava, në hydben e Fitër Bajramit është lutur për mëshirë dhe begati për qytetarët e Kosovës dhe mbarë trojeve shqiptare derisa është lutur për ndalim të luftës dhe vrasjes së njerëzve në Siri, Gaza dhe të gjitha vendet e botës ku, siç ka thënë ai, po vriten njerëz të pafajshëm.
“Të ju ndihmohet atyre dhe të vendoset paqja në mes të gjithë atyre që jetojnë në ato shtete.
Të kultivojmë frymën e dashurisë, paqes, tolerancës, respektit të ndërsjellë edhe me besime të tjera qe Kosova të jetë vend i harmonisë, tolerancës dhe paqes ngase Islami është një fe e cila i është shpallur njerëzimit me qëllimin e dhurimit të një jete paqësore përmes së cilës pasqyrohet në tokë mëshira dhe bamirësia e pafund e Allahut Xheleshanuhu. Ky është edhe mesazhi universal i cili del në vazhdimësi troket në ndërgjegjen e njeriut për të rizgjuar atë në mënyre që bota të përqafojë paqen. Vëllezër e motra, besimtarë të ndershëm e të respektuar kudo që ju gjendeni, më lejoni edhe një herë në fund që nga ky vend i shenjt, nga kjo xhami,edhe një herë ta lus krijuesin e këtij universi për mirëqenien tuaj kudo që gjendeni ju në Kosovë dhe në trojet tona etnike shqiptare por edhe në mërgatën e largët, Zoti na faltë begati të shumta edhe në këtë ditë të Bajramit”, ka thënë Tërnava, transmeton KP.
Tërnava ka thënë se ky bajram vjen pas një sakrifice të madhe që e kanë bërë besimtarët myslimanë të gjithë botës, e i cili është vetëm për Zotin e madhërishëm.
“Sot është dita e parë e Fitër Bajramit, besimtarët islam anë e kënd botës, kudo që ata jetojnë kanë mësyrë xhamitë, shtëpitë e Allahut, për të kryer ritet e faljes së Bajramit i cili vjen si kurorëzim i agjërimit të muajit të Ramazanit i tërë atij adhurimi dhe përkushtimi njëmujor që kemi bërë vetëm për Zotin Xheleshanuhu në shenj respekti për të gjitha ato të mira të cilat na i ka dhuruar ai”, është shprehur Tërnava.
Ai këto lutje i ka bërë pas faljes së namazit të Fitër Bajramit në Xhaminë e Madhe në Prishtinë i cili është prirë nga kryeimami i Bashkësisë Islame të Kosovës, Sabri ef. Bajgora e që është mbajtur në ora 6:00 të mëngjesit
——————————————————————————
Në Xhaminë e Madhe të Prishtinës është falur namazi i Fitër Bajramit ku edhe është mbajtur ceremonia kryesore e kësaj feste të besimtarëve myslimanë të Kosovës.
Liderët politikë kosovarë kanë uruar besimtarët myslimanë për festën e Fitër Bajramit, e cila kremtohet sot në Kosovë dhe shumë vende të tjera me popullatë myslimane.
Fitër Bajrami është festa që pason muajin e shenjtë të Ramazanit gjatë të cilit besimtarët kanë agjëruar nga lindja deri në perëndim të diellit.
Edhe redaksia e portalit Telegrafi ua uron të gjithë besimtarëve mysliman festën e Fitër Bajramit. /Telegrafi/
A është kjo femra që i ka vjedhur zemrën yllit argjentinas, Diego Maradona?
Sipas mediave argjentinase, 53- vjeçari është lidhur me studenten e gazetarisë, Eva Amodeo.
Bjondia 25- vjeçare ka postuar edhe foto me Maradonën në një klub nate.
Pas lajmeve në media se mes tyre ka një aferë, ka reaguar studentja, e cila thotë se është thjesht miqësi.
Suspendimi i drejtorit të Drejtorisë së Ekonomisë dhe Financave, Mehmet Bytyc, nga kryetari i Prizrenit, Ramadan Muja, shihet si vendim i vonuar dhe tendencë për fshehje të këtij skandali, raporton KTV.
Drejtori Bytyc, i cili dyshohet për ngacmim seksual në zyrë, ishte arrestuar me datë 21 të këtij muaji, derisa vendimi për suspendimin e tij është marrë disa ditë më vonë.
Sipas Zafir Berishës, ky skandal i radhës tregon se zyrat e Kuvendit Komunal të Prizrenit po përdoren si bordele. Berisha ka deklaruar se kryetari Ramadan Muja dhe bashkëpunëtorët e tij kanë tentuar ta fshehin këtë skandal.
Mirëpo zyrtarë të Komunës së Prizrenit nuk dëshirojnë të flasin për këtë çështje. Zëdhënësi i kësaj komune, Ymer Berisha, ka thënë përmes telefonit se kjo është çështje e ndjeshme dhe nuk duan të flasin.
Kurse zëdhënësi i Policisë për rajonin e Prizrenit, Hazer Berisha, ka konfirmuar se drejtori Mehmet Bytyc ishte arrestuar më 21 korrik dhe tani gjendet në arrest shtëpiak.
Drejtori Mehmet Bytyc është arrestuar nga njësia për trafikim me qenie njerëzore nën dyshimin e bazuar për abuzim seksual me një të mitur.
“Unë kisha hyrë shumë herë në Lazarat, sepse jam nga Gjirokastra me origjinë, por nuk e kisha menduar kurrë se do të futesha me uniformë policie. Kur makinat hynë në brendësi të fshatit, ndjeva një emocion që nuk di ta përshkruaj. Aty kemi gjetur municione luftarake dhe sasi të mëdha lënde narkotike. Jam krenare që kam qenë e pjesë e një aksioni të tillë”. Këto janë pjesë të rrëfimit të Anisa Zanit, efektives së policisë, e cila ka qenë në operacionin policor në Lazarat. E reja ka pranuar të tregojë për gazetën “Shqip” disa momente të operacionit dhe ndjesitë që pati, kur mori urdhrin që duhej të ishte në aksion. Ajo është vetëm 22 vjeçe dhe prej 4 vitesh shërben në radhët e policisë. Më parë punonte si efektive e qarkullimit rrugor në zonën e ish-Bllokut, Tiranë, ndërsa prej 4 muajsh i është bashkuar skuadrës “Shqiponja”. Zani thotë se ëndrra e saj mori jetë, sapo veshi uniformën e policisë dhe nuk do të heqsë lehtë dorë nga ky profesion.
Ju jeni një nga punonjëset e policisë, që keni marrë pjesë në superopacionin e policisë për çlirimin e Lazaratit. Si u përzgjodhët në këtë aksion?
Në fakt, ne e dinim se çfarë po ndodhte në Lazarat, sepse ishim informuar nga mediat. Gjithashtu kishim informacione të vakëta, nëpërmjet kolegëve, që i merrnim me telefon. Megjithatë nuk mund të merrnim me mend se çfarë po ndodhte atje saktësisht, nëse nuk e shihnim vetë me sy. Kur mbërritëm në Lazarat, pamë që gjërat ishin krejt ndryshe.
Në çfarë kuptimi ishin ndryshe?
Në media, gjërat përcillen ndryshe. Kur mbërritëm aty, pamë që situata ishte e vështirë. Jeta jonë ishte në rrezik. Ne si vajza, ditët e para na lanë në postbllok, te rruga, pa hyrë në brendësi të fshatit. Plumbat që vinin nga Lazarati na kalonin sipër kokës dhe disa prej tyre vinin te këmbët. Situata dukej si një skenë filmi, por ishte diçka e vërtetë. Gjithsesi, të gjithë këtë situatë të vështirë, e kaluam së bashku me kolegët e tjerë.
Si e pritët urdhrin për të shkuar në aksionin e Lazaratit?
Eprori im më ka kontaktuar në telefon dhe më tha që të bëhesha gati se mund të niseshim në Lazarat brenda një ore. Në ato momente nuk dija se çfarë të mendoja më parë. Nga njëra anë doja të shkoja që të isha pranishme për të mbështetur kolegët e mi dhe nga ana tjetër, mendoja për rrezikun që më kanosej.
Ku ishit ju në atë kohë?
Isha në punë, duke kryer patrullime në rrugët e Tiranës. Më thanë që të përgatitesha për në aksion. Pas telefonatës shkova në shtëpi, përgatita gjërat e mia personale që më duheshin gjatë aksionit dhe pa humbur kohë, u nisëm për në Lazarat.
Mund të na tregoni për momentet kur sulmoheshit me armë zjarri?
Për ne vajzat, ka qenë hera e parë që merrnim pjesë në një aksion kaq të madh dhe kaq të rëndësishëm. Gjithashtu kishim pasiguri për jetën, pasi nuk e dinim se çfarë na priste dhe se çfarë përmasash mund të merrte aksioni. Megjithatë, përvoja e kolegëve tanë na bënte që të ndiheshim më të qetë. Ata kishin më shumë vite se ne vajzat dhe përvoja e tyre na jepte njëfarë garancie. Më ndihmën dhe këshillat e tyre, arritëm që të ishim deri në fund, pjesë e operacionit.
Jeni nga Gjirokastra. Çfarë ndjesie patët kur hytë në Lazarat?
Nuk e kisha për herë të parë që hyja në Lazarat, pasi jam nga Gjirokastra. Më është dhënë rasti që të futem atje edhe shumë herë të tjera, por gjatë kohës që nuk kam qenë punonjëse policie. Të hyje me uniformë, ishte një ndjesi tjetër, diçka e re. Nuk e kisha menduar se do të vinte dita që do të hyja me uniformë. Kjo ishte diçka e pazakontë. Askush prej nesh, nuk e kishte menduar ndonjëherë se do të mund të futej në Lazarat. Deri diku jam ndier pak keq për banorët e Lazaratit, sepse jo të gjithë kanë qenë pjesë e krimit. Shumë prej banorëve kanë qenë mikpritës me ne. Ata kanë bashkëpunuar që operacioni të jetë sa më i suksesshëm. Na hapnin dyert e tyre, në mënyrë që të kryenin kontrolle nëpër shtëpi pa probleme dhe pa u ndier në siklet. Madje, gjej rastin të falënderoj të gjithë banorët e Lazaratit për mbështetjen që na dhanë.
Çfarë gjetët kur u futët brenda në fshat?
Në zemër të fshatit jemi futur në ditën e pestë. Aty kemi gjetur sasi të konsiderueshme municionesh luftarake, gëzhoja të cilat kishin mbetur aty nga grupet e armatosura që qëllonin në drejtim të policisë. Gjetëm sasi të mëdha lënde narkotike. Pavarësisht gjendjes së rëndë në fshat, për ne do të mbetet një përvojë e paharrueshme, e rrallë. Aksione të tilla nuk ndodhin çdo ditë.
Sa vajza ishin në aksion?
Nga reparti “Shqiponja” ishim shtatë vajza dhe një tjetër vinte nga reparti i RENEA-s. Kaq ishte grupi i femrave në Lazarat.
Kishit frikë për jetën?
Normal që kishim frikë. Në një situatë të tillë, aq të rrezikshme, frika është diçka normale. Gjithsesi ne e kaluam me sukses të gjithë operacionin.
A ka ndonjë çast, i cili nuk do të shqitet nga mendja gjatë gjithë kohës?
Ajo që nuk mund ta harroj dot kurrë, ka qenë momenti kur hynë të gjithë makinat në fshat. Ishte një emocion i papërshkrueshëm. Për të gjithë ishte cilësuar si fshati i paprekur dhe në momentin që ne hymë, ishte një moment i jashtëzakonshëm.
Sa ditë qëndruat në fshat?
Kemi qëndruar në gatishmëri për gati dhjetë ditë. Pas kësaj, erdhën kolegët e tjerë, në mënyrë që ne të ktheheshim në Tiranë, për të vijuar normalisht punën tonë.
Çfarë do të thotë për ju të jeni pjesë e repartit “Shqiponja”?
Reparti “Shqiponja” është rikrijuar para pak kohësh. Mund të them se ai është një nga repartet më të mira, pasi aty janë futur efektivët që janë më të përkushtuar ndaj punës.
Sa e vështirë është për një femër përballja me krimin?
Ne jemi në terren gjatë gjithë kohës dhe nuk e dimë se çfarë mund të na ndodhë nga një moment në tjetrin. Duhet të jemi të kujdesshëm. Gjithashtu duhet të veprojmë me intuitë, për të dalluar një person me precedentë penalë nga një qytetar.
A ka pasur ndonjë moment për Anisën që ka menduar të heqë dorë nga profesioni?
Momente të vështira ka pasur shumë. Shpesh kam menduar që të heq dorë nga policia, por e kam menduar për shumë pak kohë, pasi jam tërhequr. I kam thënë vetes që nuk do ta lë, pasi ato që mendoja, ishin vetëm çaste dobësie. Për momentin nuk ka asgjë më të rëndësishme për mua, që të më detyrojë të heq dorë nga policia.
Me çfarë merreni në kohën e lirë?
Unë jam duke ndjekur studimet e larta për Teknologji Ushqimore dhe nuk kam shumë kohë të lirë. Zgjedhja ime e parë ka qenë Akademia e Policisë. Pasi realizova një ëndërr të tillë, vendosa që të ndjek edhe studime të tjera. Ndoshta këto dy profesione, për momentin, nuk kanë lidhje me njëra-tjetrën, por unë jam e lumtur që shërbej në radhët e Policisë së Shtetit.
Më parë keni punuar te qarkullimi rrugor dhe tashmë po punoni te reparti “Shqiponja”. A kanë ndonjë dallim të veçantë për ju këto dy struktura?
Mund të them se edhe te rrugorja kam qenë shumë mirë, por këtu ndihem më e sigurt në vetvete. Atje ishim si gjithë kolegët e tjerë, ndërsa të punosh te “Shqiponja”, më bën të ndihem më e veçantë. Tek ky repart janë përzgjedhur efektivët më të specializuar dhe më profesionistë. Unë jam krenare që shërbej te “Shqiponja”.
/Shqip/
Së paku 38 vetë, shumica ushtarë, janë vrarë në 24 orët e fundit gjatë luftimeve ndërmjet ushtrisë së Libisë dhe islamistëve në qytetin lindor Bengazi.
Zyrtarët thanë se përleshjet shpërthyen dje, kur grupet islamike e lançuan një sulm në selinë e njësisë speciale afër qendrës së qytetit, duke shkaktuar viktima në mesin e ushtarëve, që i mbronin kazermat e tyre.
Në dy javët e fundit, Libia është zhytur në dhunën më vdekjeprurëse prej luftës së vitit 2011, kur u përmbys ish-diktatori, Muammar Qaddafi. Shtetet e Bashkuara dje e kanë evakuuar personelin e Ambasadës në Libi , për shkak të luftimeve të ashpra ndërmjet milicive rivale në kryeqytetin Tripoli.
Nga sulmi më 11 shtator 2012, në misionin e Shteteve të Bashkuara në qytetin Bengazi, që është i dyti për nga madhësia në Libi, është vrarë ambasadori Chris Stevens, dhe tre amerikanë të tjerë.
Dashuria është magjike, e bukur, por edhe misterioze. Ka shumë gjëra që nuk i dimë për të. Shkenca ofron sqarime– kur dashuroheni, në tru lirohen një sërë koktejesh substancash kimike. Kjo është gjë e bukur, mirëpo akoma nuk e sqaron atë ndjenjën tepër të bukur të dridhmave në bark.
Edhe pse nuk mund ta zgjidhim këtë mister të përhershëm, mund t’ju argëtojmë dhe t’ju ofrojmë fakte shumë interesante mbi dashurinë.
1. Meshkujt janë më dashurues se femrat. U mjaftojnë vetëm 3 takime. Ndërkaq femrat kanë nevojë për më shumë se 14 takime.
2. Burrat të cilët e puthin gruan e tyre në mëngjes, jetojnë 5 vjet më shumë se sa ata që nuk e bëjnë këtë gjë.
3. Kënga e parë për dashurinë është shkruar 4.000 vjet më parë dhe vjen nga një zonë midis Tigrit dhe Eufratit.
4. Vajzat feministe kërkojnë më shumë se të tjerat të kenë një marrëdhënie romantike.
5. Dy të tretat e njerëzve raportojnë se kanë rënë më shumë në dashuri me dikë që kanë vite që e njohin, se sa me një të sapo njohur.
6. Njerëzit që tregojnë historinë e tyre të dashurisë e bëjnë këtë pasi mendojnë se procesi është jashtë kontrollit të tyre.
7. Dashuria nxit një efekt qetësues në trup dhe mendje për të paktën një vit, gjë që ndihmon ruajtjen e sistemit nervor.
8. Dashuria ka të njëjtin efekt në trup, njësoj si edhe frika e madhe. Te një person i dashuruar shfaqen të njëjtat simptoma si te një person që ndjen një frikë të madhe, zmadhim të bebes së syrit, duar të djersitura, dhe rritje të të rrahurave të zemrës.
9. Skanimet e trurit kanë treguar se kur njeriu shikon foto të njeriut të zemrës, truri reagon menjëherë duke treguar dëshirë.
10. Vajzat e fisit Tivi në Pacifikun jugor martoheshin që në lindje.
11. Mjekra e burrave rritet më shpejt kur ata mendojnë për seks.
12. Ka një arsye pse ndodhin romancat në zyrë; Rënia në dashuri është shumë e lidhur me afrimitetin. Ngjallet familjariteti, qetësia, afërsia dhe romanca.
13. Një marrëdhënie romantike i bën të dy partnerët të lumtur. Sa më afër ndihemi aq më të lumtur jemi!
14. Tradita e unazës së fejesës ka ardhur që në shekullin e 15’të, kur Duka Maximillian i Austrisë i dha një unazë të fejuarës së tij Mary nga Burgundy.