Elvis Pista i cili u vra dje në orët e para të mëngjesit derisa po dilte nga një restorant në qytetin e tij, garonte në zgjedhjet e 8 qershorit, me dëshirën për ta përfaqësuar Rahovecin e tij në Kuvendin e republikës.

Ai si kandidat për deputet nga Partia Demokratike e Kosovës, është personi nga kjo komunë, që u votua më së shumti nga rahovecianët.

Rezultatet përfundimtare nga Qendra e Numërimit të Rezultateve në Zgjedhjet për Kuvendin e Kosovës 2014, të siguruara nga lajmi.net, tregojnë se Elvisi ka arritur të marrë 5,423 vota në gjithë vendin. Këto rezultate nuk përfshijnë votat me kusht dhe ato me postë. (lajmi.net)

Anëtari i kryesisë së Lidhjes Demokratike të Kosovës, njëherësh kryetari i Komunës së Gjilanit, Lutfi Haziri, është i bindur se qeverisja LDK-AAK-Nisma, do të shërbejë në funksion të shtetndërtimit dhe të mirëqenies së qytetarit.

Nisma e LDK-së dhe e Isa Mustafës për arritjen e këtij koalicioni, sipas Hazirit, ka pasur një qëllim të qartë, premtim që LDK-ja e ka dhënë gjatë gjithë fushatës, që të mos hyjnë në koalicion me PDK-në dhe të mos e përkrah Thaçin për kryeministër.

Haziri mohon se liderët politikë kanë arritur marrëveshje edhe për ndarje të posteve ministrore, çështje kjo që, sipas Hazirit, do të arrihet në ditët në vijim.

Në një intervistë për “Botapress” Haziri shpjegon gjithë ecurinë e arritjes së marrëveshjes, por edhe hapat që do të ndërmerren në të ardhmen në ndarjen e pushteteve.

I pyetur se kush humb e kush fiton nga marrëveshja LDK-AAK-Nisma, me mbështetjen edhe të Vetëvendosjes, Haziri ka thënë se nuk ka humbës.

“Kemi krijuar mundësinë këtu që Thaçi dhe partia e blloku i tij politik të shkojnë në opozitë, dhe i kemi bërë mirë procesit dhe vendit. Ne morëm një mandat të ri politik për të përfaqësuar vendin në ekzekutiv, një shumicë parlamentare në Parlament dhe një president autoritativ dhe të mirë sipas Kushtetutës, por nuk flasim për tejkalim të afatit kushtetues, në mënyrë që të fitojnë të gjitha palët”, ka thwnw Haziri.

Sipas tij LDK-ja nuk ka lëshuar pe, sepse kësaj here është dashur ta ketë vendin e parë.

“LDK-ja ka premtuar se nëse del partia e parë nuk do ta lëshojë vendin e kryeministrit dhe nëse del e partia e parë nuk bën më kompromise të dhembshme. Ne kemi bërë kompromisin e dhembshëm që është më i lehtë, por si parti e dytë. Premtimi publik se nuk ka qeverisje me PDK-në dhe nuk e mbështesim zgjedhjen e Thaçit për kryeministër është mbajtur dhe mbajtja e këtyre premtimeve na ka detyruar pak a shumë të bëjmë një kompromis tjetër, por që është nga pozita e partisë së dytë në Kuvend”, ka sqaruar Haziri. /Bota press/

Kryekushtetuesi, Enver Hasani, me deklaratën e tij publike se koalicioni opozitar, LDK, AAK dhe Nisma, është joligjor, duke komentuar një çështje para se ajo të bëhet objekt shqyrtimi në Gjykatë, ka bërë shkelje të të gjitha rregulloreve të punës së Gjykatës./Zëri/

Për fat të keq, bota i sheh shqiptarët më keq se ç’janë, më pak të emancipuar dhe më shumë të pagdhendur.

Për një vizion të pasaktë, vështruesi mund të ketë gabimin apo fajin e vet.

“Në rastin tonë nuk mendoj se ka ndonjë dashakeqësi të programuar. Ka qenë më tepër ndërlikim fatkeq rrethanash”, kështu thotë në një intervistë ekskluzive për gazetën “Zëri”, shkrimtari Ismail Kadare.

Në rrugën e “Jonit”, në Prizren të shtunën një femre i është grabitur zinxhiri nga qafa. 

Viktima ka raportuar se tre të dyshuar të panjohur me forcë i kanë grabitur një zinxhir me vlerë rreth 250 euro dhe janë larguar në drejtim të panjohur. 

Njësiti policor ka arritur të identifikojë dhe të arrestojë tre të dyshuarit, shtetas të Shqipërisë, ku dy prej tyre të moshës së mitur. 

Me urdhër të prokurorit pas intervistimit me urdhër të prokurorit të dyshuarit janë dërguar në mbajtje.
 

Shpallja e rezultateve përfundimtare që nuk pritet të bëhet para 10 ditësh, nuk do të sjellë ndryshim të madh në përqindjen e votave të fituara nga subjektet politike.

Me gjithë kërkesat për rezultateve të shpejta, zyrtarë të institucionit kryesor që menaxhon zgjedhjet kanë thënë se nuk mund të shpejtojnë procesin në dëm të saktësisë së rezultateve. E kërkesa e AKR-së, për rinumërim të të gjitha votave, nuk do të aprovohet, shkruan sot Koha Ditore..

Numërimi i votave me kusht, i votave jashtë Kosovës dhe i votave të votuesve me nevoja të veçanta, që pritet të fillojë të hënën, do ta shtyjnë shpalljen e rezultateve finale. Koordinatori i QNR-së, Burim Ahmetaj, ka thënë për gazetën se pa u bërë verifikimi i këtyre votave nuk mund të fillojë as numërimi i tyre.

Por, sipas tij, ky proces nuk pritet të sjellë ndryshime të mëdha në përqindjen e votave që kanë fituar partitë politike. Janë rreth 13 mijë vota me postë, ndërsa 21 mijë e 800 vota të votuesve me kusht.