Në veri të Kosovës, me rastin e mbajtjes së nesërme të zgjedhjeve parlamentare, do të angazhohen 500 policë të Policisë së Kosovës që do të përkujdesen për mbarëvajtje të votimeve dhe që çdo gjë të kalojë pa probleme.

Shefi rajonal i Policisë së Kosovës Zhelko Bojiq i ka thënë Tanjugut se drejtoria rajonale e Policisë së Kosovës “Mitrovica – veri ” e ka bërë planin operativ me të cilin është paraparë angazhimi i 476 policëve gjatë mbajtjes së zgjedhjeve parlamentare.

“Afër çdo vendvotimi do të angazhohet një numër i madh nëpunësish policorë detyrë e të cilëve është të përkujdesen për sigurinë e qytetarëve. Veç kësaj, do të shtohen edhe patrullat mobile e këmbësore policore”, ka thënë Bojiq.

Ai ka shtuar se në gjendje gatishmërie do të jenë edhe pjesëtarët e njësisë speciale (ROSU) të cilët në rats nevoje do të jenë të gatshëm për ndërhyrje.

Sigurinë gjatë zgjedhjeve, pos Policisë së Kosovës do ta kryejnë edhe ushtarë të KFOR-it e policë të EULEX-it.

Në kuadër të rregullimit të infrastrukturës rrugore në fshatrat e Komunës së Malishevës, sot ka filluar asfaltimi edhe i një rruge në fshatin Gurbardh, rrugë e cila i ndihmon banorët e këtij fshati, të qarkullojnë më lehtë dhe më shpejt.

Rruga e cila sot është asfaltuar është e gjatë rreth 600 metra dhe financohet nga buxheti komunal i Malishevës.

Edhe kjo rrugë, është në mesin shumë rrugëve, nëpër fshatrat e Komunës së Malishevës, që janë duke u ndërtuar dhe asfaltuar, duke e krijuar kështu një infrastrukturë më të mirë në të gjitha vendbanimet e Komunës së Malishevës.

Pas përfundimit të ndërtimit të rrugëve kryesore, në të gjitha fshatrat e Komunës së Malishevës, tani po rregullohen edhe rrugët brenda vendbanimeve, duke i lidhur kështu të gjitha lagjet me rrugët kryesore.

Prokuroria dhe Policia në Prizren, kanë paraljamëruar se të gjithë personat që tentojnë të pengojnë procesin zgjedhor, do të përballen me ligjin.

Drejtori i Policisë në Prizren,Nexhmi Krasniqi dhe kryeprokurori Sylë Hoxhaj, thanë se këto dy institucione I kanë bashkërënduar veprimet për ditën e zgjedhjeve.

“Të gjithë personat që kërcënojnë mbarëvajtjen e këtyre zgedhjeve dhe shkelin rregullat ligjore do të përballen me sanksione drastike”, thanë Hoxhaj dhe Krasniqi,transmeton TVPZ.

Ata kërkuan nga qytetarët që të bashëkpunojnë me këto dy institucione për identifikimin e autorëve, që mund të prishin edhe imazhin e këtyre zgjedhjeve.Sipas tyre, në rajonin e Prizrenit për nesër janë angazhuar 15 prokurorë dhe rreth 770 policë./PrizrenPress.com/

Njëri nga njerëzit që më së shumti është marrë me procese zgjedhore në Kosovë, pa dyshim që është drejtori i Institutit Demokratik të Kosovës (KDI), Ismet Kryeziu. Edhe në zgjedhjet e parakohshme parlamentare të 8 qershorit, ai pritet të jetë në krye të koalicionit të organizatave jo-qeveritare, të quajtura Demokracia në Veprim, që detyrë kryesore do ta kenë monitorimin e mbarëvajtjes së zgjedhjeve të së dielës.

Ismet Kryeziu e ka dhënë një intervistë për Gazetën Blic, ku shprehet i bindur se nuk do të na përsëritet viti 2010, kur në Kosovë pati vjedhje aq të madhe të votave, saqë ndërkombëtarët e quajtën edhe si vjedhje industriale të votave. Ai është i bindur se më 8 qershor nuk do të na përsëritet 2010-ta. Kryeziu është i bindur se më 8 qershor do të ketë një proces zgjedhor demokratik, i cili do t’i krijoj Kosovës një imazh të mirë ndërkombëtarë.

Ismet Kryeziu ka folur edhe për punën që po e bënë Demokracia në Veprim. Ai ka bërë të ditur se ky koalicion i OJQ-ve të dielën do të ketë vëzhgues anekënd vendit për votë të lira dhe numërim të saktë.

Fushata kishte elemente të reja

Gazeta Blic: Si e vlerësoni fushatën elektorale të partive politike?

Ismet Kryeziu: Partitë politike kanë ofruar elemente të reja nga fushatat paraprake për nga dukja vizuale por jo dhe nga përmbajtja. Disa sosh nuk kanë arritur të kenë programe të mirëfillta, vazhdojnë t’i keqpërdorin resurset shtetërore, jepen premtime jo reale dhe që shkojnë përtej kapaciteteve ekonomike e sociale qe mund te ketë qeveria e ardhshme.

Gazeta Blic: Në zgjedhjet e fundit parlamentare ka pasur keqpërdorime të mëdha të votave, madje edhe vjedhje industriale të votave. Mund të në përsëritet 2010?

Ismet Kryeziu: Angazhimi i institucioneve të drejtësisë shoqërisë civile dhe mesazhet e qarta të partnerëve ndërkombëtar për zgjedhje të drejta dhe të lira mendoj se kanë arritur të riparojnë imazhin e Kosovës në zgjedhjet e vitit 2013. Prandaj, konsideroi se ky angazhim i të gjithë akterëve nuk do të lejojë që zgjedhjet të dëmtojnë këto standarde.

Pres një diskurs të ri të funksionimit të demokracisë

Gazeta Blic: Çka prisni nga këto zgjedhje? A mund të priten ndryshime që mund të shkojnë në të mirë të demokracisë në vend?

Ismet Kryeziu: Zgjedhjet e lira dhe të drejta, janë indikatori dhe pika referuese për nivelin e demokracisë së një shteti. Pres që institucionet, partitë politike dhe e gjithë shoqëria të jenë të angazhuar për të dhënë një kahe dhe një diskurs të ri funksionimit të demokracisë, sundimit të ligjit dhe legjitimitetit politik e juridik.

Gazeta Blic: Çka po bënë Demokracia në Veprim që të parandaloj abuzimin e mundshëm në ditën e votimit?

Ismet Kryeziu: Demokracia në Veprim ka të angazhuar vëzhgues në të gjitha vendvotimet dhe është në bashkëpunim të ngushtë dhe me akterë tjerë nga shoqëria civile e nga institucionet e drejtësisë për të dhënë kontributin e vetë që vota e 8 qershorit të jetë e lirë dhe e numëruar saktë.

Sipas drejtorisë për Mbrojtje dhe Shpëtim, spërkatja selektive e zonave endemike kundër rriqrave, do të vazhdoj të shtunën (sot) në Kërvasari të Komunës së Malishevës..

Spërkatja kundër rriqrave, bëhet në kuadër të luftimit dhe parandalimit të etheve hemorragjike “krime kongo” (EHKK). /PrizrenPress.com/

I emëruari për kryeprokuror të Shtetit, Aleksandër Lumezi, zotohet se nuk do të lejojë ndikimin e politikës në këtë institucion. Sipas tij, mentaliteti i ndikimeve politike në punën e sistemit të drejtësisë duhet të ndryshojë.

Lumezi është emëruar të premten nga Këshilli Prokurorial i Kosovës pas një gare të zhvilluar, ku për postin e kryeprokurorit të Shtetit kanë kandiduar gjithsej nëntë prokurorë, shkruan Zëri.

Tre nga ta kanë hyrë në listën e ngushtë dhe kjo treshe është votuar të premten.

Për zgjedhjet për Kuvendin e Republikës së Kosovës, që do të mbahen nesër, votuesit mund të votojnë vetëm për një subjekt politik të renditur në pjesën e majtë të fletëvotimit, ndërsa në anën e djathtë mund të votojë deri në pesë kandidatë nga ai subjekt.

Nesër mbahen zgjedhjet e parakohshme parlamentare në Kosovë. Të drejtë vote në këto zgjedhje kanë rreth 1 milion e 800 mijë qytetarët të Republikës së Kosovës. Zëdhënësi i KQZ-ës, Valmir Elezi shpjegon procedurat e votimit, që do të aplikohen në vendvotime.

“Çdo votues pas përfundimit të periudhës së legjitimit, në vendvotim, do të marr një fletëvotim, në anën e majtë, duhet të bëjë shenjën, përbri emrit të subjektit politik, ndërkaq që në anën e djathtë duhet të votojë më së shumti pesë kandidatë nga ai subjekt”, tha ai për Radio Kosovën.

Që fletëvotimi juaj të jetë i vlefshëm, Ju duhet të zgjidhni jo më shumë se 5 kandidatë. Por në rast votoni më shumë se ose më pak se 5 kandidatë, atëherë fletëvotimi nuk shpallet i pavlefshëm, thotë Elezi.

“Në rast se votohet më shumë se 5 kandidatë, atëherë vota do ti numërohet vetëm subjektit politik, ndërsa në rast se votohet, por në rast se votohen më pak se 5 kandidatë, atëherë, vota do ti numërohet secilit kandidatë, dhe subjektit politik”, theksoi ai

Ndryshe në momentin e votimit, të gjithë votuesit duhet të kenë me vete një dokument identifikimi. Ndërkohë që përfaqësuesi serb, në KQZ-ë, Nenad Rikalo ka thënë që votuesit serb mund të votojnë me letër të njoftimit, pasaportë, kartelat e personave të zhvendosur ose të refugjatëve, si dhe letërnjoftimet e UNMIK-ut, edhe pse më afat të skaduar, ato mund të përdorën ditën e zgjedhjeve.