Sekretari organizativ i Lëvizjes Vetëvendosje, Dardan Molliqaj, nuk e ka përjashtuar mundësinë e protestave kundër PDK-së. Tha se të gjithë ata që duan të mbrojnë Republikën dhe demokracinë duhet të dalin në rrugë, me kundërshtu një qeveri të mundshme të PDK-së.

“Bashkëqeverisja me PDK-në në çfarëdo varianti me apo pa Thaçin, me parime të njëjta qeverisje do të dëmtoj interesat e Kosovës dhe për këtë kemi një pozicionim të subjekteve që nuk do të diskutojmë fare me PDK’në dhe tash është reflektimi i PDK-së në këtë situatë që duhet me kuptu, që nuk ka vullnet politik të subjekteve në Kosovë që me kriju qeverinë me të. Nëse ai mendon që nëpërmjet metodave të kushtëzimeve, të kapjeve të institucioneve, blerjeve eventuale të deputetëve, shantazhit, kërcënimit, mendoj se të gjithë ata që kanë interes me e mbrojtë Republikën dhe demokracinë duhet me thirrë në vetëdije qytetare dhe bashkë me qytetarët me dalë në rrugë dhe me kundërshtu, me protestu në rrugë kundër PDK-së”, tha Molliqaj në Interaktiv të KTV-së.

Molliqaj tha se nëse VV nuk arrin marrëveshje me Bllokun, nuk do të marrë pjesë në seancën konstituive.

Optimist për marrëveshje me Bllokun: LDK bëri hapa cilësorë

Dardan Molliqaj, pas takimit të sotëm me zyrtarë të Bllokut u shpreh optimist lidhur me arritjen e një marrëveshje për ndërtimin e institucioneve. Molliqaj tha se në takimet e sotme siç tha ai, LDK bëri hapa “cilësorë”.

Tha se situata në vend do të ishte më dinamike, sikurse të ishte arritur më herët marrëveshja në mes të VV-së dhe Bllokut.

“Ajo që u diskutu sot, mendoj që një ndryshim, jashtëzakonisht që u vërejt është subjekti i LDK-së brenda Bllokut, qëndrimit të Isa Mustafës dhe Kujtim Shalës në takimin e sotëm për mu kanë qenë jashtëzakonisht korrekte, dhe kanë një ndryshim mund të them, shumë pozitiv, dhe i krahasueshëm, shumë për të mirë me atë që ka qenë më herët”, tha Molliqaj në “Interaktiv” të KTV-së.

Ai tha se, PDK po tenton me çdo kusht të mbajë shtetin, derisa tha se Gjykata Kushtetuese, me vendimin e saj, po i ndihmon PDK’së dhe po bënë puq institucional.

Ish-kryetari i Kuvendit të Kosovës, dhe kryetari i këshillit të NISMA-së-, Jakup Krasniqi ka thënë se vendimi i Kushtetuese është politik dhe i korruptuar. Ai ka thënë se GJK-ja nuk meriton as respekt, pasi sipas tij respekti fitohet nga vendimet e drejta, e këtë sipas Krasniqit nuk e ka bërë Gjykata.

Ky është postimi i plotë i Krasniqit në Facebook:

Në mediet tona sot u shkrua se: Ernst Reichel, i deleguari gjerman për Ballkanin “ka thënë se ky institucion i Kosovës ( e ka fjalën për Gjykatën Kushtetuese, nënvizimi im- J.K) meriton respekt”. Ndoshta duhet pajtuar, por vetëm atëherë kur vendimet e institucionit janë të drejta dhe në rolin e tyre Kushtetues. Edhe në jetën politike dhe ekonomike, suksesi e respekti varen prej vendimeve të drejta, Vendimi në fjalë i GJK nuk e plotëson ketë kusht të domosdoshëm.

Në rastin tonë, zoti Ernst Reichel, respektin e kërkon për të vetmen arsye, se gjyqtari raportues na qenka jo shqiptar, ndonëse fillimisht raportues ishte caktuar një gjyqtar tjetër i cili në dy rastet e fundit e ka ndarë mendimin e tij. Ai sugjeron: “Gjykata Kushtetuese meriton respekt edhe nga ata që mund të mos pajtohen me vendimin e saj. Meqë ra fjala, gjyqtari raportues ka qenë një portugez dhe jo PDK-ja”, ka shkruar ai në llogarinë e tij në Facebook. K jo do të thotë se nëse raportuesi do të ishte shqiptar, ky institucion nuk do të meritonte respekt! (sic!) Mendoj se, kushdo që të ketë qenë raportuesi, vendimi nuk meriton respekt.

Pse? Së pari, vendimi është politik, së dyti, është I korruptuar, së treti, është diktues me nota detyruese për deputetet. Këto fakte janë të mjaftueshme për të konfirmuar se vendimi nuk është aspak profesional, është antikushtetues.

Tri ditë pasi që është vetëdorëzuar tek organet e rendit për shkak të vrasjes së Ruzhdi Shaqirit, Gani Geci e ka pranuar një letër kërcënuese në burgun e Lipjanit.

Burime të gazetës Zëri brenda shërbimit korrektues, kanë bërë me dije se Gecit i ka arritur një letër e shkruar me shkrim dhe atë në adresë të tij në burg.

“Nëse nuk e largoni Gani Gecin prej Burgut të Lipjanit, kam me shpu me shpjsë e kam me ja nxjerrë gabzherrin”, shkruan mes të tjerash në letrën kërcënuese.

Kjo letër siç mëson gazeta, në adresë të Gecit është dërguar të hënën derisa Gani Geci është dorëzuar tek organet e rendit, të premten e javës së kaluar.

Hetuesia e cila është duke u marrë me këtë rast, nuk ka dhënë detaje rreth kësaj letre por siç ka mësuar Zëri një kopje e kësaj letre i është dërguar prokurorisë e një tjetër gjyqtarit përkatës.

Drejtori i Policisë së Kosovës në Prizren, Nexhmi Krasniqi thotë se pjesëtarët e Policisë së Kosovës nuk frikësohen nga hajnat, pavarësisht sulmeve fizike që kanë pësuar ditët e fundit.

Sipas tij, policia është e përkushtuar për t’i zënë hajnat.”Ne i dënojmë këto akte të qytetarëve të pandërgjegjshëm”, thotë Krasniqi,transmeton TVPZ

Javën e fundit pjesëtarët e Policisë së Kosovës në rajonin e Prizrenit, janë bërë cak i sulmeve fizike nga hajnat. Krasniqi thotë se rastet e tilla nuk do të dekurajojnë për të vazhduar luftimin e dukurive negative./PrizrenPress.com/

(E plotësuar) Lideri i LDK’së Isa Mustafa pas takimit ka thënë se asnjë deputet i bllokut nuk do të votojë për kandidatin e PDK’së.
“Blloku është unik në qëndrimin e vet. Ndonëse jemi befasuar shumë nga vendimi i kushtetueses, qëndrimet tona janë unike”, ka thënë Mustafa

“Ajo që Adem Grabovci dhe PDK’ja po bëjnë është vetëm propagandë”, ka shtuar ai.

Visar Imeri: Nuk do t’i bëjmë kuorum PDK’së

Ka përfunduar takimi ndërmjet Koalicionit LDK –AAK-NISMA me Lëvizjen Vetëvendosje. Visar Imeri ka thënë se VV nuk do t’ia bëjë kuorumin PDK’së, pasi sipas tij, kjo parti ka ndikuar në vendimin e Gjykatës Kushtetuese.

Imeri ka thënë se vendimi i Gjykatës Kushtetuese është i shkruar në zyret e PDK’së dhe si i tillë është antikushtetues dhe i papranueshem për VV’në dhe bllokun po ashtu.

“Një vendim i tillë që shkruhet në zyrët e PDK’së, dhe prezantohet në emër të Gjykatës Kushtetuese dëshmon kapjen e shtetit, dhe nuk i lë vend demokracisë. Sa i përket votimit për kryetar të Kuvendit, LVV nuk do t’i bëjë kuorum, nuk do ta votojë dhe nuk do të jetë pjesë e asnjë marrëveshje politike me PDK’në”, ka thënë Imeri

Ndersa, blloku në takimin e sotëm ka kërkuar një afat kohor për të marre në konsideratë parimet të cilat do te mund të çonin drejt një marrëveshje.

“Pa u nënshkruar kjo marrëveshje, VV nuk do ta votojë as kandidatin nga Blloku. Është mëkat që është humbur tërë kjo kohë dhe nuk është arritur marrëveshje, sepse po t’i kishte pasur Isa Mustafa edhe votat tona, besojmë qe edhe vendimi i Gjykatës Kushtetuese do të ishte më ndryshe”, ka thënë Imeri.

LDK-AAK-NISMA në takim me Vetëvendosjen

–Liderët e koalicionit LDK-AAK-NISMA dhe Lëvizja Vetëvendosje kanë filluar takimin e përbashkët që po mbahet në një nga sallat e Parlamentit të Kosovës.

Liderët e koalicionit LDK-AAK-NISMA fillimisht kanë mbajtur një takim të ndarë ndërmjet tyre ndërsa një orë më pas atyre u janë bashkuar edhe përfaqësuesit e Lëvizjes Vetëvendosje.

Takimi i tyre zhvillohet një ditë pasi Gjykata Kushtetuese shpalli vendimin e plotë të saj me të cilën shpallet e pavlefshme zgjedhja e Isa Mustafës për Kryetarit të Parlamentarit derisa procedura për zgjedhjen e tij u cilësua antikushtetuese.