Persona ende të panjohur nga fshati Bresanë e Dragashit, kan kërcënuar Bashkësinë Islame të Kosovës. Në letrën kërcënuese, ata janë shprehur të revoltuar me përfaqësuesit e Bashkësisë Islame, të cilët nuk kanë dhënë asnjë mbështetje për ndërtimin e xhamisë së re në këtë fshat.

Imami i Xhamisë së re në Bresanë,Kasam Muhamedi, e ka publikuar para xhematit letrën kërcënuese. Sipas tij, letra është vendosur në një kuti të xhamisë.

Kërcënuesit përmes asaj letre kërkojnë që mos të lejohen ta vizitojnë xhaminë e re zyrtarët më të lartë të Bashkësisë Islame të Kosovës,transmeton TVPZ

“Në të kundërtën nëse ndodh një gjë e tillë, nuk garantohet siguri për ata”.

Muhamedi tregon se kërcënuesit kanë kërkuar në letër që të mos lejohet ardhja e përfaqësuesve të Bashkësisë Islame në Bresanë, pasi që nuk kanë dhënë asnjë kontribut për ndërtimin e xhamisë së tyre.

“Kërkoj që këta persona të panjohur të demaskohen”, thotë ai. /PrizrenPress.com/

Një pjesëtar i Policisë së Kosovës është grushtuar nga një hajn i biçikletës në Prizren. Sulmi ka ndodhur gjatë kohës sa hani së bashku me bashkëshorten janë zënë nga një femër duke vjedhur biçikletën në oborrin e shtëpisë.

“Është arrestuar i dyshuari, pasi që i njëjti së bashku me bashkëshorten kanë sulmuar fizikisht viktimën femër e nacionalitetit turk, të cilës ia kishin vjedhur një biçikletë në oborrin e saj”.

“E njëjta posa i kishte vërejtur kishte dal në oborr, ndërsa të dyshuarit e kishin sulmuar duke i shkaktuar lëndime trupore”, njofton Policia e Kosovës.

Sipas PK-së në këtë rast ka ndërhyrë një pjesëtar i tyre, i cila ka qenë jashtë detyrës zyrtare.

“Në këtë rast ka ndërhyrë edhe një zyrtar policor jashtë detyrës zyrtare, i cili është sulmuar nga i dyshuari me ç’ rast ka pësuar lëndime në dorën e majtë”

Të lënduarve iu është ofruar ndihma mjekësore. Ndërkaq, me urdhër të prokurorit i dyshuari është dërguar në paraburgim./PrizrenPress.com/

Një person është arrestuar në fshatin Kojush të Hasit. Policia e Kosovës njofton se personi i arrestuar nuk i është përgjigjur obligimeve që ka pasur ndaj Gjykatës.

“Në bazë të urdhëresës së lëshuar nga Gjykata është arrestuar i dyshuari nga fshati Kojush. Pasi që ka kryer obligimet ndaj Gjykatës,personi në fjalë është liruar”,thuhet në njoftimin e Policisë së Kosovës/PrizrenPress.com/

Ish-deputeti i Kuvendit të Kosovës, Gani Geci, i cili është i dyshuar për vrasjen e Ruzhdi Shaqirit, është dërguar sot në burgun e Lipjanit.

Vëllai i tij, Fadili Geci, në një prononcim për Indeksonline ka treguar se Ganiut i është caktuar masa e paraburgimit për 30 ditë.

Më tej, Fadili tregon se familja e tij ka dashur gjithmonë drejtësi.

Ndryshe, Ganiu i është dorëzuar dje organeve të drejtësisë, më konkretisht atyre të EULEX-it.

Një burrë i moshës 52 vjeç nga familja Xheraj është gjetur i vrarë në nga një armë zjarri. Policia ka arrestuar katër persona të familjes Tunaj.

Rasti ka ndodhur në fshatin Sallagrazhdë të Suharekës, ku sipas hetimeve fillestare viktima kishte shkuar me traktor për ta kositur livadhin dhe nuk ishte kthyer.

Familjarët të shqetësuar për viktimën, kanë shkuar për të marrë vesh shkakun e mos kthimit të tij dhe në vendngjarje e kanë gjetur të njëjtin pa shenja jete.

Sipas hetuesve policorë; krim teknikës dhe mjekoligjorëve që janë marrë me rastin thuhet se viktima ka marrë pesë plagë shpuese-depërtuese nga arma e zjarrit; katër në trup e një në kokë. Trupi i pa jetë është dërguar në Institutin e Mjekësisë Ligjore për autopsi.

Sipas Policisë, mbrëmë në orët e vona, hetues rajonalë të përkrahur edhe me forca tjera policore, me kërkesë të prokurorit të shtetit që ishte i pranishëm ne vendin e ngjarjes e me urdhër të gjyqtarit të procedurës paraprake, kanë bastisur një shtëpi në kërkim të provave materiale dhe gjetjen e autorëve të vrasjes e cila me gjasë është kryer nga pusia.

“Është gjetur dhe sekuestruar një armë kallashnikov e mbështjell me një setër të zezë dhe pajisje për pastrimin e armës dhe një karikator me dhjetë fishekë. Për shkak të errësirës së natës, policia nuk ka qenë në gjendje që mbrëmë t’i gjejë gëzhojat e armës, ndërsa sot, Njësiti i krim teknikës ka filluar me këqyrjen e vendit të ngjarjes, Janë arrestuar dhe po mbahen nën masën e arrestit policor katër meshkuj të familjes Tunaj”, thuhet në njoftimin e Policisë së Kosovës. /PrizrenPress.com/

Në pikë-kalimet kufitare të Kosovës – Shqipëri, sot në orët e para të mëngjesit janë krijuar kolona të gjata të veturave.

Kolonat u krijuan rreth orës 05:00 të mëngjesit dhe ishin deri në 1 kilometër. Ato janë krijuar për shkak të numrit të madh të pushuesve që ia kishin mësyrë bregdetit shqiptar.