Pushteti i kaluar keqmenaxhoi me punët e Komunës së Suharekës. Blerim Kuçi e futi komunën në borxhe, të cilat tani po i paraqesin probleme pushtetit të tanishëm, që doli nga zgjedhjet e fundit lokale.
Kryetari Sali Asllanaj akuzon në intervistën dhënë KosovaPress-it ish kryetarin Blerim Kuçi se jo vetëm që nuk ka bërë asgjë për punëtorët e “Ballkanit” por se i ka dhënë edhe mirënjohje udhëheqjes së kësaj kompanie.

“Unë mendoj që problemet janë të shumta, sidomos problemet me borxhet që ka grumbulluar komuna sidomos në vitin e fundit zgjedhor që ishte, ku është pretenduar që ish partia me çdo kush të mbetet në pushtet me formën e punëve të paligjshme dhe me projekte pa projekte, do të thotë janë bërë ‘ad hok’, aty për aty, natën e ditën në mënyrë që të krijoj një opinion kinse janë parti punëtore, parti e cila ua zgjidh problemet qytetarëve”, tha Asllanaj.

Për të gjitha parregullësit e bëra gjatë qeverisjes së kaluar, Asllanaj thotë se janë organet ato që duhet të merren me to dhe të vlerësojnë se a janë shkelje procedurale apo penale.

Njëri ndër ato organet, sipas Asllanajt është edhe auditori i përgjithshëm i cili do të hartoi raportet për vitet e kaluara. Ndërsa, puna e tij është që të bëjë prerjen e punëve të këqija që janë bërë deri më 31 dhjetor të vitit të kaluar.

“Po, një ndër ato organet kompetente e cila pikërisht hulumton dhe studion etikën financiare, të qarkullimit financiar në Komunë, është edhe auditori i përgjithshëm, sikurse edhe auditori komunal që e ka atë detyrë pikërisht zbatimin e ligjit, në procedurat financiare në komunë. Në këtë aspekt mendoj që ka pasur punë edhe për auditorin e brendshëm edhe atë të jashtëm që të evidentohen të metat. Dhe përgjegjësi është që auditori të evidentoj të metat dhe të jepen rekomandime se si të korrigjoheshin ato. Natyrisht, gjithmonë raportet e auditorit kanë pasur praktik që të shkojnë edhe në prokurori dhe atje të vlerësohen se a ka pasur shkelje procedurale dhe sa ka pasur shkelje të themi të natyrës penale”, thotë Asllanaj.

Ndërsa, për realizimin e premtimeve të dhëna gjatë fushatës, Asllanaj thotë se do t’i realizoi të gjitha, duke qenë se nuk ka dhënë premtime astronomike e të parealizueshme.

Ai thotë se është duke vizituar qytetarët dhe duke i garantuar ata se atë çka e ka premtuar në zgjedhje do ta realizoj.

“Dhe, për këtë ne kemi pasur një plan në infrastrukturë, ku kemi paraparë që për katër vitet e pushtetit komunal të kemi 21 milionë, nga buxheti i komunës që është i garantuar me ligj. Dhe në suaza të këtij buxheti kemi bërë premtime, dhe unë mendoj që hiq, këto borxhe rreth 3 milionë euro që ka lënë pushteti i kaluar, kjo është ai defekti që mund të shkaktoj probleme dhe pakënaqësi tek qytetarët se nuk e përmbusha komplet planin, sepse komplet pjesën e planit ju garantoj se do ta realizoj”, thotë kreu i Suharekës.

Asllanaj thotë se nuk i ka lënë anash as punëtorët e Fabrikës IGK ‘Ballkan’ të Suharekës, pasi është i mishëruar me problemet e tyre, dhe padrejtësitë që u janë bërë atyre.

Ai tha se është dhe ka qenë në anën e punëtorëve, për të eliminuar parregullsitë qoftë të privatizimit, qoftë të plotësimit të kushteve të punëtorëve.

Por, ai fajëson organet qendrore për neglizhencë në përmbushjen e kërkesave të punëtorëve. Sipas tij, kompensimi i punëtorëve duhet të bëhet patjetër dhe nuk ka dilema nëse duhet apo jo të bëhet kjo.

“Është një pyetje paradoksale duket, një e drejtë ligjore që shtat vite ka qenë dashtë të realizohet, ndërsa, ne e shtrojmë pyetjen a do të bëhet ajo. Për mendimin tim, nuk ka a do të bëhet, por duhet të bëhet shumë shpejt. Sepse është përgjegjësi e të gjitha organeve, qoftë qeverisë, qoftë parlamentit, qoftë AKP-së, që duhet të zgjidhet problemi”, tha ai.

Sipas Asllanajt, kjo gjendje është paradoksale dhe janë justifikime, siç i quan ai palidhje, për mos kompletim të bordit të AKP-së.

Ai akuzon edhe pushtetin e kaluar për mospunë në realizimin e kërkesave të punëtorëve, madje sipas Asllanajt, pushteti i kaluar i ka dhënë edhe mirënjohje kësaj kompanie.

Deputeti i PDK-së Berat Buzhala, politikani më aktiv në rrjetin social Facebook, nuk ka mundur të përmbahet pa komentuar kur ka parë një foto të postuar nga dikush prej deputeteve të Kuvendit të Kosovës, ku ato kishin vizituar Kuvendin e Shqipërisë, për të shënuar së bashku me koleget e tyre festën e 8 Marsit.

Si zakonisht, edhe kësaj here ai ka përdorur cinizmin, duke u tallur me to. Deputeti Buzhala, indirekt kolegeve të tij, u ka thënë se vetëm defi është duke u munguar, transmeton reporteri.

“Urime oj kolege, te gjithave truq qysh jeni. Shoqeria i ka syte ne ju. Takime sikur keto jane garance dhe siguri per te gjithe shqiptaret. Kishte me qene mire qe sa ma shpesh me u tubu, e kohe pas kohe – pse jo – edhe me u defry me ndonje instrument muzikor, per te cilen gje une jam i bindur qe ca prej jush dini edhe ta manovroni me shkathtesi. Une jam krenar per avancimin e femres shqiptare deri ne keto nivele. Ndonese i brengosur pse ne kete grup nuk jane perfshire edhe femra te institucioneve tjera….”, ka shkruar Buzhala në Facebook.

Kryeministri i Kosovës, Hashim Thaçi, ka nisur për në Washington këshilltarin e tij Bekim Çollaku dhe ministren e Integrimeve, Vlora Çitraku – shkruan gazeta Tribuna.

Të dy zyrtarët kosovarë po qëndrojnë atje për të kërkuar mbështetjen e administratës amerikane kundër themelimit të një Tribunali europian për Ushtrinë Çlirimtare të Kosovës.

I gjithë lotimi po bëhet në mënyrë konfidenciale. Për këtë kryeministri Thaçi nuk është konsultuar as me njerëzit brenda Qeverisë së Kosovës. Një konsultë megjithatë thuhet ta ketë pasur në takimet që kreu i Qeverisë ka pasur me liderin e LDK-së Isa Mustafa, dhe atë të AAK-së Ramush Haradinaj./Tribuna/

Ministrat serbë në Qeverinë e Kosovës nuk po heqin dorë sa i përket vendeve të rezervuara në Kuvendin e Kosovës edhe për një mandat.

Ata tani veten e konsiderojnë më të relaksuar, pasi që ndryshimet kushtetuese që lidhen me themelimin e Forcave të Armatosura të Kosovës, varen kryesisht nga ta,shkruan Zëri.

Për ndryshimin e Kushtetutës së Kosovës nevojiten votat e dy të tretave të deputetëve të shumicës dhe shumica e dyfishtë e deputetëve të pakicave.

Me këtë rast, pala shqiptare ose duhet të pranojë vazhdimin e ulëseve të rezervuara për minoritetet edhe për një mandat, ose nuk do të mundë ta themelojë FAK-un në këtë kohë

Parlamenti  Studentor i Universitetit Publik “Ukshin Hoti” në Prizren, ka reaguar rreth parregullësive dhe shkeljeve ligjore, që janë bërë në  zgjedhjen e organve drejtuese në këtë institucion.

Kryetari i Parlamentit Studentor në UPZ, Nehat Gashi tha se për këtë çështje janë ankuar edhe në KQZ  të UPZ-së.

“Parlamenti  Studentor në UPZ ka ngritur fuqishëm zërin kundër parregullësive dhe shkeljeve ligjore me rastin e zgjedhjeve të organeve të reja drejtuese në UPZ.

“Parlamenti Studentor në UPZ ka bërë anëkesë ndaj listës së KQZ -së në UPZ. Kemi kërkuar që në listën për kandidat të Fakulteti Juridik për Senator (anëtar të Senatit) në UPZ të mos përfshihet ligjeruesi i angazhuar Safet Hoxha, i cili në radhë të parë është edhe kryetar i Komisionit Rregullativ i Prokurimit Publik”

“Safet Hoxha është një zyrtar i lartë publik, dhe sipas Statutit të Universitetit te Prizrenit, neni 16, paragrafi 1 nuk mundet të zgjedhet si anëtar i Senatit të UPZ-së.Po ashtu bie ndesh me Ligjin per Parandalimin e Konfliktit të Interesit në ushtrimin e funksionit publik (LIGJI Nr 04-L-051)”.

“Ky fakt është konfirmuar joformalisht edhe nga Agjensioni Anikurrupsion, mirëpo kjo si duket nuk po e pengon Menaxhmentin e UPZ-së dhe KQZ-në, të cilët me datën 13.03.2014 kanë caktuar konstituimin e Senatit të ri, i cili do të zgjedhë edhe strukturën e njësive akademike”.

“Parlamenti Studentor i UPZ-së njofton se do të protestojë fuqishëm për të ndaluar çdo përpjekje që në Senat të UPZ-së të hyjnë individ të caktuar në menyrë të kundërligjshëm”/PrizrenPress.com/ .