Deri në 11 gradë celsius, ka arritur temperatura në dy ditët e para të kësaj jave dhe njësoj do të jetë deri në fundjavë, pra të shtunën, kur pritet të bien temperaturat deri në minus 6 gradë celsiusë.
Janari, të cilit po i vjen fundi do sjellë ende ditë të ngrohta, me gjithë vranësirat do ketë ditë edhe me diell. Për të enjten paralajmërohet ditë e tillë, me temperatura deri në 9 gradë.

Instituti Hidrometeorologjik i Kosovës (IHK)bënë me dije se gjatë ditës ka mbajtur mot me vranësira dhe vende –vende me riga shiu.

“Për ditët e ardhshme vazhdon situata meteorologjike të mbetët jo stabile. Fushat me presion të ulët që janë stacionuar mbi vendin tonë do të kushtëzojnë një mot të ndryshueshëm me reshje shiu të cilat do të jenë më intensive në fundjavë. Temperatura më e ulët do të luhatet nga 2-3 gradë celsius, kurse më e larta e ditës pritet të arrijë në 8 gradë celsius. Ditën e shtune e tutje do të kemi ulje të temperaturave nga minus 6 gradë celsius, ajo më e ulëta, deri në 2 gradë maksimalja e ditës”, thuhet në njoftimin e IHK-së. /

Kryetari i Degës së LDK-së, Eqrem Kryeziu nuk është në dijeni për peticionin që nëndegët kanë bërë për dorëheqjen e tij.
“Janë nisma të llojllojshëm klandestine. Këto janë në vazhdën e disa përpjekjeve të njerëzve të caktuar .Ata nuk kanë arsye ta fshehin peticionin,sepse rendi ka qenë ta sjellin te unë”, ka thënë Kryeziu për Zërin.

Shumica e delegatëve të nëndegëve të LDK-së po kërkojnë dorëheqjen e Eqrem Kryeziut nga pozita e kryetarit të degës në Prizren. Ata janë të pakënaqur me Kryeziun, sidomos pas humbjes së tretë përballë Ramadan Mujës.

Nga dega e LDK-së në Prizren deri më tani 57 delegatë nga 101 sa i ka LDK në Prizren kanë kërkuar dorëheqjen e Kryeziut. Po ashtu nga 45 nëndegë , 34 kanë kërkuar dorëheqjen e Kryeziut.

–

Komuna e Malishevës dhe Caritas Kosova, do të vazhdojnë bashkëpunimin në fushën e shëndetësisë në Malishevë, në vazhdimin e projektit për përkujdesjen shëndetësore shtëpiake.

Kështu janë pajtuar sot Kryetari i Malishevës, Ragip Begaj dhe zyrtari i Caritas Kosova, Pal Baftijaj, në takimin e mbajtur sot në zyrën e Kryetarit të Komunës.

Kryetari Begaj, me këtë rast, ka falënderuar Caritas Kosova, për bashkëpunimin e mirë dhe për ndihmën e dhënë në projektin për përkujdesjen shëndetësore shtëpiake, si dhe u shpreh i gatshëm në vazhdimin e këtij projekti të përbashkët edhe në këtë vit.

Begaj e Baftijaj përveç se janë dakorduar për vazhdimin e këtij projekti dhe janë shqyrtuar mundësitë për bashkëpunim edhe në fusha tjera./PrizrenPress.com/

Kryetari i Komunës së Rahovecit Idriz Vehapi ka prit në një takim njohës përfaqësuesen e OSBE-së për regjionin e Prizrenit, Sara Bonotti.

Vehapi informoi përfaqësuesit e OSBE-së për gjendjen aspak të volitshme financiare të komunës së Rahovecit, duke cekur shumat e mëdha të borxheve ekzistuese, kontratat e papërfunduara, si dhe një mori çështjesh që kanë të bëjnë me mbarëvajtjen e projekteve komunale.

Duke ju përgjigjur interesimeve të OSBE-së për përfaqësimin e femrave në vendimmarrje, Vehapi tha se ‘në këtë drejtim po bëhen përpjekje për gjetjen e femrave që janë të gatshme të marrin përgjegjësi institucionale dhe nuk do të pajtohet vetëm në përmbushjen e kuotës ligjore sa për formalitet’.

Vehapi informoi edhe rreth marrëveshjes për bashkëqeverisje me Lidhjen Demokratike të Kosovës, gjë që do të sigurojë bashkëpunim më të mirë në interes të qytetarëve të kësaj komune.

Po ashtu u potencua nevoja e funksionalizimit të Këshillit të Hoçës së Madhe, si dhe intensifikimit të kontakteve institucionale me përfaqësuesit e komunitetit serb, përfaqësuesve të komunitetit RAE, me qëllim të krijimit të një klime të besimit të ndërsjellë. Kjo, u tha në takim, do të ndikojë edhe në interesimin e investitorëve të ndryshëm për të investuar kapitalin e tyre në komunën e Rahovecit.

Në këtë funksion duhet të ketë bashkëpunim sa më të sinqertë me grupet e ndryshme të interesit dhe konsolidim të organeve të Kuvendit të Komunës.

Ndërkaq Bonotti fillimisht uroi që kryetari Vehapi të ketë sukses në misionin e tij në Rahovec, duke potencuar faktin se Rahoveci vazhdon të mbetet në fokus të interesimeve të OSBE-së, për shkak të specifikave që ka. Ndër të tjera Bonotti u interesua për shumë çështje që kanë të bëjnë me funksionimin e administratës komunale dhe të Kuvendit, përfaqësimin e femrave në ekzekutivin e komunës, pjesëmarrjen e pakicave në jetën institucionale e publike, si dhe për mundësitë që ka Komuna e Rahovecit për të përmbushur pritjet e qytetarëve të kësaj komune.

Në fund Sara Bonotti, shtoi se do të angazhohet, në kuadër të mundësive dhe përgjegjësive të OSBE-së, që të promovojë Rahovecin si komunë të qetë dhe me mundësi të mëdha të zhvillimit të demokracisë dhe zhvillimit ekonomik. /PrizrenPress.com/

Sot në tetë vjetorin e vdekjes së ish Presidentit të parë të Kosovës, Ibrahim Rugova me një varg aktivitetesh po kujtohet jeta dhe kontributi i tij. Anëtarësia e Lidhjes Demokratike dhe personalitete të tjera shtetërore kanë bërë homazhe te varri i tij.

Ish-presidenti i ndjerë Ibrahim Rugova është nderuar me homazhe nga personalitete të ndryshme nga jeta politike e vendit. Kryetari i Lidhjes Demokratike të Kosovës, Isa Mustafa bashkë me veprimtarë të tjerë nga radhët e LDK kanë bërë homazhe tek varri i ku prehet trupi i tij në Velani. Mustafa e quajti Rugovën themelues të LDK-së dhe ideatorë të pavarësisë së Republikës së Kosovës.

“Do të punojmë vazhdimisht që projektin e tij të pavarur për liri,pavarësi dhe demokraci ta ndërtojmë edhe më tutje në mënyrë që ky shtet të jetë shtet i cili do të punojë për qytetarët e Kosovës, dhe demokracia e cila do të kultivohet të jetë shembull i një demokracie evropiane”, tha ai, transmeton RTK.

Edhe kryeministri i vendit, Hashim Thaçi ka bërë homazhe të varri i presidentit Rugova. Ai tha se nderojnë kontributin e tij në shtet-ndërtimin e Kosovës.

“Jemi këtu si qeveri e Kosovës për të bërë nderime shtetërore për presidentin e ndjerë Ibrahim Rugova, për të vlerësuar kontributin e tij në letërsi, në shkencë ,kontributin e tij të spikatur dhe politikën e tij shtet-formuese të Republikës së Kosovës”, theksoi ai.

Presidentin historik e ka nderuar edhe kryetari i Aleancës për Ardhmërinë e Kosovës, Ramush Haradinaj. Ai tha se vepra e presidentit historik Ibrahim Rugova, ka qenë në shërbim të lirisë së vendit.

“Në nderim të veprës së tij, në shërbim të Kosovës, të shqiptarëve të lirisë sonte dhe në nderim të mesazheve të tij që ishin për një Kosovë evropiane”, tha ai.

Homazhe tek varri i ish-presidentit Rugova, kanë bërë edhe ish- Presidenti i Kosovës, Fatmir Sejdiu, lideri i AKR-së, Bexhet Pacolli, ai LDD-së Nexhat Daci si dhe personalitete të tjera nga jeta politike, familjarë dhe qytetarë.