Kryeministri i Kosovës, Hashim Thaçi, bëri të ditur se e ka takuar ambasadorin e ri të Republikës së Maqedonisë në Kosovë, Ilija Strashevski, të cilit i ka uruar mirëseardhje dhe gatishmëri për bashkëpunim.
Kryeministri Hashim Thaçi në profilin e tij në Facebook, ka shkruar se nga ambasadori ka kërkuar që edhe Maqedonia të filloi me përgatitjet për takimin e përbashkët të dy qeverive.
“Kërkova nga Ambasadori Strashevski që t’i përcjell mesazhin kryeministrit Gruevski për përmbylljen e shpejtë të përgatitjeve për mbajtjen e mbledhjes se përbashkët të dy qeverive tona”, ka shkruar Thaçi.