Një kryevepër e piktorit të famshëm Van Dyck është gjetur në pazar të Nottinghamshire të Anglisë. Piktura që kap vlerën e 400 mijë funteve ishte duke u shitur me çmim prej 400 funteve ndërsa atë e zbuloi prezantuesja Fiona Bruce e cila së fundmi kishte realizuar një program për Anthony van Dyck.

Ajo fillimisht nuk mund të besonte se kjo mund të ishte kryevepra e mjeshtrit belg dhe atë ia tregoi një eksperti të pikturave. Më vonë u konfirmua se ajo i takonte piktorit të gjykatës së shekullit 17 të Anglisë, shkruan gazeta “Daily Mail”. “Është ëndërr e çdokujt që të zbulojë një kryevepër të fshehur”, ka thënë ajo. “Jam shumë e nderuar që gjeta një pikturë të Van Dyck”.

Pjesa, në të cilën shfaqet një gjykatës i Brukselit, besohet se i përket një pikture më të madhe që ishte kompletuar në vitin 1634. Derisa pjesa më e madhe e pikturës ishte shkatërruar në vitin 1695, pjesa ku gjendet portreti kishte shpëtuar dhe ende nuk dihet se si kishte përfunduar në pazarin e qytetit anglez. Ajo ishte blerë për 400 funte nga Fr MacLeod vetëm pse i kishte pëlqyer korniza me ngjyrë ari.

Në më shumë se një vit pune në postin e rektorit të Universitetit të Prishtinës, Ibrahim Gashi, thotë se ka arritur të përmbushë programin dhe vizionin e tij. Si prioritete në programin e tij, Gashi ka vendosur rritjen e numrit të stafit akademik dhe rregullimin e infrastrukturës, duke përfshirë kushtet dhe zgjerimin e hapësirave në Universitet.

Rektori i Universitetit të Prishtinës, Ibrahim Gashi, thotë se programi dhe vizioni i tij me të cilin është zgjedhur rektor, ka nënkuptuar ndryshime substanciale në shumë segmente të funksionimit të Universitetit të Prishtinës.

Ai thotë se ka vërejtur që Universiteti ka një tendencë të rritjes së numrit të studentëve, përkatësisht në disa departamente dhe fakultete është i mbipopulluar. Për këtë, Gashi theksoi se ka kërkuar që të rritet edhe numri i stafit akademik.

“Natyrisht, kam vërejtur se ka një disproporcion të madh mes numrit të studentëve dhe numrit të pedagogëve. Kam vënë kontakte me Ministrinë e Arsimit dhe atë të Financave se duhet një rritje e stafit për të përballuar numrin e madh të studentëve. Në prill të vitit të kaluar ka qenë pjesë e vizionit tim përmirësimi i ambientit akademik, që nënkupton rritjen e stafit mësimdhënës. Ne kemi shpallur një konkurs, ndoshta më i madhi në disa vitet e fundit, për pranimin e stafit të ri prej 180 profesorësh dhe asistentësh të rinj. Tani jemi në përfundim të realizimit të këtij konkursi”, tha Gashi, në një intervistë për Radio Kosovën.

Rektori Gashi theksoi se gjatë kësaj periudhe ka qenë i fokusuar edhe në përmirësimin e ambientit fizik, kushteve të punës, infrastrukturës etj. Ai tha se janë bërë disa ndryshime të vogla, ku fillimisht janë parë se cilat janë hapësirat reale dhe cilat janë problemet e njësive akademike.

“Rrjedhimisht kemi akomoduar Departamentin e Biologjisë, një pjesë e tyre në Fakultetin e Shkencave Matematiko – Natyrore dhe një pjesë në Fakultetin e Edukimit dhe kemi ndërmarrë një hap rrënimin e objektit të vjetër të Biologjisë për të filluar gjatë vitit 2014 të përgatitemi për të vënë gurthemelin për ndërtimin e objektit të ri të Fakultetit të Shkencave Matematiko – Natyrore. Kemi bërë edhe disa ndërhyrje, kemi rinovuar ish-ndërtesën e Fakultetit të Edukimit dhe aty kemi kaluar dy departamente të Fakultetit të Arteve. Një lëvizje tjetër kemi bërë në Fakultetin Ekonomik, shumë shpejt do të përurohet amfiteatri i ri” , tha ai.

Gashi bëri të ditur gjithashtu se ka filluar ndërtimi i Fakultetit të Bujqësisë, në pranverë do të fillojë ndërtimi i një pjese të Fakultetit të Mjekësisë si dhe është një projekt për renovimin dhe fasadimin e Fakultetit të Filologjisë, rregullimi e nyjave sanitare në këtë fakultet. Të gjitha këto, sipas Gashit, janë bërë që të zbutet sadopak mungesa hapësirave që i ka mjaft të theksuara Universiteti “Hasan Prishtina”.

Hersi Matmuja me këngën “Zemërimi i një nate” është shpallur fituese e edicionit të 52-të të festivalit në Radio Televizionin Shqiptar. Këngëtarja do ta përfaqësojë Shqipërinë në Eurovision.

“Ka qenë festivali i parë që unë e kam shijuar shumë këtë skenë dhe përmes këngës jam përpjekur të dhuroj atë që unë ndjej”, kështu është shprehur fituesja e edicionit të 52 të Festivalit të Këngës në RTSH.

Hersi Matmuja do të përfaqësojë Shqipërinë në Eurosong me këngën ‘Zemërimi i natës’.

Çmimin e dytë të festivalit e ka fituar Klodian Kaçani me këngën ‘Me ty’. Ndërsa çmimin e tretë e ka fituar Saimir Braho me këngën e titulluar ‘Grua’.

Juria e festivalit përbëhet nga shtatë anëtarë, emra të njohur të muzikës dhe fjalës si Agim Krajka, Aleksander Lalo, Hajg Zaharian, Petrit Malaj, Xhevahir Spahiu, Eriona Rushiti dhe Bojken Lako, transmeton bw.

Nën prezantimin e Enkel Demit dhe aktores së re Klea Huta, mbrëmja e sotme dhuroi shumë emocione. Siç është bërë e ditur nga organizatorët e festivalit, të ftuar specialë të kësaj nate ishin fituesja e Eurosong 2013, danezja Emmelie Charlotte-Victoria de Forest, dhe Elhaida Dani fituese e ”The Voice of Italy”.

Këtë vit drejtor i Festivalit është Alfons Zeneli, njëherësh edhe drejtor i Radio Tirana. Drejtorët Artistikë janë Edmond Zhulali dhe Shpëtim Saraçi, ndërsa producent muzikor është Alfred Kaçinari. Regjia e festivalit të këtij viti i është besuar Petri Bozos, skenari Alda Bida, ndërsa skenografia mjeshtrit Adnan Kastrati.

Çmimi I – Hersi Matmuja
Çmimi II – Klodian Kaçani
Çmimi III -Saimir Braho

KONKURENTËT

Ti mungon – Marjeta Billo
Zemërimi i një nate – Hersiana Matmuja
Jeta në orën 4 – Orges Toçe
Jam larg – Besiana Mehmeti e Shkodran Tolaj
Grua – Sajmir Braho
Nuk e di – Renis Gjoka
Natë e pare – Venera Lumani and Lindi Islami*
Një ditë shprese – Frederik Ndoci
Në zemër – Rezarta Smaja
Mikja ime – Blerina Braka
Me ty – Klodian Kaçani
Kur qielli qan – Xhejn & Enxhi Kumrija
Kthehu – Luiz Ejlli
Jehona – grupi NA
Vetëm për ty – Entela Zhula e Etmond Mancaku
Ëndrrat janë ëndrra – Xhejsi Jorgaqi