Ilir Deda, Drejtori i Institutit kosovar për kërkime dhe zhvillime të politikave KIPRED, mohon se ka bërë ndonjë marrëveshje me LDK-në për t’iu bashkuar kësaj partie.
E quan të pavërtetë dhe spekulim lajmin e plasuar nga disa media se ai tashmë do të kalojë në këtë parti.
“Spekulim, nuk është aspak e vërtetë”, thotë Deda, transmeton Kosovapres.
Ndryshe, në shkrimin informatën të cilën Deda e quan spekulim thuhet se ai bashkë me ish ambasadorin e Suedisë, Lulzim Pecin, tashmë, i kanë mbyllur negociatat dhe vetëm pritet zyrtarizimi i aderimit të tyre në LDK përmes një konference për media.