15.8 C
Prizren
E martë, 16 Prill, 2024

Është shkarkuar apo ka dhënë dorëheqje Daut Xhemajli!

DautXhemajli-zv.ministerAskush në Ministrinë e Drejtësisë por as në Zyrën e Kryeministrit nuk di për dorëheqjen apo shkarkimin e zv/ministrit Daut Xhemajli. Në zyrën e Kryeministrit, nuk është përgjigjur askush për KosovaPress për shkarkimin apo dorëheqjen e zv/ministrit Xhemajli. Po ashtu këto dy dikastere, nuk kanë bërë të ditur as arsyet e largimit të tij.

Këshilltari i parë i kryeministrit, Bekim Çollaku nuk ka dashur të përgjigjet për KosovaPress, duke thënë se ai nuk është në këtë pozitë për të folur.

Edhe përkundër përpjekjeve të Agjencisë së Lajmeve KosovaPress, ka qenë e pamundur të merret një përgjigje nga zyra e Kryeministrit.

Ministri i Drejtësisë, Hajredin Kuçi, ka thënë që të mos jetë i njoftuar më këtë largim. Ai ka thënë se është në udhëtim e për këtë duhet të drejtohemi në zyrën e Kryeministrit.

“Jam jashtë vendit dhe nuk e di. Sinqerisht nga mediat kam dëgjuar. Unë as nuk i emëroi e as nuk i shkarkoj zëvendësit. Ju lutem pyetni në ZKM”, ka thënë Kuçi për KosovaPress.

Por, Xhevat Bislimi, tashmë anëtarë në “Nisma për Kosovën”, në një njoftim dërguar mediave ka thënë se zv/ministri ka verifikuar se zv/ministri ka dhënë dorëheqje nga pozita e tij qysh me 14 mars të këtij viti.

“Dorëheqjen e tij e ka bërë publike dhe e ka botuar edhe në “facebook-un” e tij. Si njeri i përgjegjshëm që është, Daut Xhemajli, ka shkuar edhe disa ditë në Ministrinë e Drejtësisë (në zyrën e tij) për t’i përmbushur detyrimet që kishte edhe pas dorëheqjes”, ka shkruar Bislimi.

Bislimi në letrën e tij ka lënë të kuptoj, se Xhemajli ka dhënë dorëheqje pasi që kishin lindur disa mosmarrëveshje mes tij dhe kryeministrit Hashim Thaçi dhe degës së PDK-së në Viti e cila udhëhiqej nga Daut Xhemajli.

“Kryeministri i Kosovës-Kryetari i PDK-së, Hashim Thaci, i revoltuar me dorëheqjen e D. Xhemajlit nga PDK-ja dhe nga të gjitha funksionet, për të lënë përshtypjen e një “burri të shtetit” kishte bërë një vendim (pas dorëheqjes së D. Xhemajlit) për shkarkimin e tij! Qeveri-parti se jo mahi!”, ka shkruar Bislimi.

Më Shumë

152 vite nga lindja e Asdrenit, autorit të Himnit të Flamurit

Aleksandër Stavre Drenova i njohur si Asdreni ka lindur më 11 prill 1872 në Drenovë të Korçës, dhe ishte njëri nga poetët me të...

Vdes 41-vjeçari pasi u godit nga rryma elektrike teksa po peshkonte në Romajë

Një person ka vdekur sonte në Spitalin Rajonal të Prizrenit, pasi derisa ishte duke peshkuar me gjenerator elektrik, në fshatin Romajë, ishte goditur nga...

Lajmet e Fundit