Protesta kundër kryetarit të Prizrenit, Ramadan Muja, ka përfunduar me katër persona të arrestuar.

Protestuesit nuk kanë arritur të hyjnë brenda rrethojave të “Shtëpisë së Bardhë”.

Ata kanë kërkuar që të lirohen menjëherë të protestuesit e arrestuar.

Hazir Berisha, zyrtar i kësaj policie për rajonin e Prizrenit, i ka thënë Radios Evropa e Lirë se marshi protestues i qytetarëve të Prizrenit dhe protesta e tyre para Kuvendit të Komunës së Prizrenit, ka kaluar e qetë, pavarësisht se 4 persona janë arrestuar nga pjesëtarët e policisë.

“Janë shoqëruar në objektet e stacionit policor katër persona. Ata do të dërgohen me procedurë të përshpejtuar në Gjykatën për kundërvajtje. Pritet vendimi i gjykatës, ndërsa protesta, kryesisht, ka kaluar pa incidente të mëdha”, ka theksuar Berisha.

Sipas tij, arrestimi i 4 personave është bërë për shkak të, siç ka thënën ai, “sjelljeve huligane” gjatë protestës.

Javë më parë, Muja është shpallur fajtor nga gjykata për shpërdorim të detyrës zyrtare dhe është dënuar me dy vjet burgim me kusht, si dhe ndalim të ushtrimit të funksioneve gjatë tri vjetëve të ardhshme.

Muja, ditën e martë, ka pezulluar detyrën e kryetarit deri në vendimin e gjykatës ndaj ankesës së tij kundër dënimit që iu bë.

Pezullimi i detyrës së kryetarit nga Muja, është cilësuar si e jashtëligjshme nga qytetarët që protestuan, meqë, siç thuhet, në ligjet e Kosovës pezullimi i detyrës së kryetarit nuk njihet si kategori ligjore.

Arrestohen katër protestues

Katër protestues janë arrestuar, pasi që Policia e Kosovë ka bllokuar derën e “Shtëpisë së Bardhë”.

Ndërkaq, numri i protestuesve ka filluar të zvogëlohet

Protestuesit kërkojnë të hyjnë brenda rrethojave të “Shtëpisë së Bardhë”

Protestuesit kërkojnë që të hyjnë brenda oborrit të Shtëpisë së Bardhë”.

Ata i  kanë kërkuar Policisë së Kosovës, që të mos i  pengojë në hyrjen e oborrit te objektit.

Pas kësaj kërkese, numri i policisë është shtuar para “Shtëpisë së Bardhë”

Protestuesit ulën para “Shtëpisë së Bardhë”

Marshi i protestuesve është ndalur para “Shtëpisë së Bardhë”. Atyre i është drejtuar me fjalim përfaqësuesi “Për Prizrenin”, Kastriot Jahaj dhe Lirim Krasniqi.

Jahaj dhe Krasniqi kanë kërkuar nga kryetari Ramadan Muja, që të jep dorëheqje nga posti i kryetarit të Prizrenit.
Protestuesit aktualisht janë ulur para “Shtëpisë së Bardhë”

Fillon protesta kundër Mujës, marshi niset në drejtim të “Shtëpisë së Bardhë”

Ashtu siç ishte paralajmëruar në Prizren ka filluar protesta kundër Ramadan Mujës.

Protesta ka filluar në ora 12:00 në sheshin “Shatërvan”, ndërkohë që marshi është nisur në drejtim të “Shtëpisë së Bardhë”.

Protestë gjithëpopullore për dorëheqjen e Mujës 

Një protestë gjithëpopullore do të organizohet sot për të kërkuar dorëheqjen e kryetarit të Prizrenit, Ramadan Mujës. Protesta mbahet në sheshin “Shatërva”, në ora 12:00.

Protesta organizohet nga shoqëria aktive “Për Prizrenin”, ndërkohë që do të përkrahet edhe nga katër subjekte politike të opozitës.

Ramadan Muja ka pezulluar dje postin e kryetarit të Prizrenit, deri në një vendim të Gjykatës së Apelit. Ndërkaq, ky vendim i Mujës, është kundërshtuar ashpër nga partitë opozitare.

Ata kanë kërkuar nga Muja, që të japë dorëheqje nga posti i kryetarit të Prizrenit dhe betejën me drejtësi të vazhdojë i vetëm pa qytetarët.

Kryetari i Prizrenit, Ramadan Muja është dënuar 2 vjet burg me kusht nga Gjykata Themelore e Prizrenit, për keqpërdorim të detyrës zyrtare.

Pavarësisht këtij dënimi, ai nuk ka pranuar të japë dorëheqje nga posti i kryetarit të Prizrenit. /PrizrenPress.com/

Në kuadër të strategjisë kombëtare, për luftimin dhe parandalimin e etheve hemorragjike “krime kongo”, drejtoria për shëndetësi, në bashkëpunim me Qendrën Kryesore të Mjekësisë Familjare (QKMF), sot në Shtëpinë e Kulturës “Tahir Sinani”, kanë mbajtur një ligjëratë me të gjithë nxënësit e Qendrës së Kompetencës në Malishevë, të cilët i kanë njoftuar me masat parandaluese që duhen të merren, si masa kryesore mbrojtëse. Në këtë ligjëratë, ka marrë pjesë edhe kryetari i Malishevës, Ragip Begaj.

Fillimisht, kryetari Begaj, ju ka bërë thirrje nxënësve, që ato që i mësojnë dhe i dëgjojnë sot nga mjekët, ti përcjellin në familjet dhe rrethin e tyre, për ruajtjen e shëndetit, për çka edhe Komuna e Malishevës, është e angazhuar maksimalisht. Kryetari Begaj, po ashtu ju bëri thirrje që ta ruajnë ambientin, pasi grumbullimi i mbeturinave, është burim i shumë infeksioneve dhe sëmundjeve.

“Ta ruajmë ambientin dhe ta krijojmë një pasqyrë të mirë për vendin tonë dhe në të njëjtën kohë, ta ruajmë shëndetin tonë. E këtë, më së miri e bëni ju rinia shkollore, ju e ardhmja jonë”, tha mes tjerash kryetari Begaj, duke ju drejtuar nxënësve të Qendrës së Kompetencës.

Mjeku i QKMF-së, Fejzë Hoti, ju ka mbajtur ligjëratën rreth 500 nxënësve të ndërrimit të parë, të Qendrës së Kompetencës, të cilëve ju ka shpjeguar për sëmundjen e etheve hemorragjike, e njohur si “krime kongo”, historinë e kësaj sëmundje vdekjeprurëse, zhvillimin e saj, format e infektimit dhe ajo që është më kryesore, për masat parandaluese që duhet ti bëjnë vet qytetarët. “Kjo sëmundje, bartet fillimisht tek njeriu, nga thumbimi i rriqrave, të cilët janë bartës të sëmundjes, nga kafshët tek njeriu, andaj, zvogëloni në maksimum mundësinë e kontaktit me rriqra, përmes kujdesit tuaj. Të punohet toka, të kositet bari, të vishemi me rroba adekuate gjatë punëve të përditshme në ara, fusha e male, të mos i largojmë vet rriqrat nga trupi, nëse eventualisht thumbohemi nga ata, por të kërkojmë ndihmën e mjekut për largimin e tyre, pasi mundësia e infektimit është shumë e lartë”, ju ka thënë mes tjerash, mjeku Hoti.

Më pas, mjeku Hoti dhe përgjegjësit tjerë, janë përgjigjur në pyetjet e nxënësve, për masat mbrojtëse dhe çështje tjera, lidhur me ethet hemorragjike “krime kongo”.

?Sekretari i përgjithshëm i PDK-së, Basri Musmurati, i është kundërpërgjigjur liderit të LDK-së, i cili ka deklatuar se nuk e do një koalicion me PDK-në pas zgjedhjeve.

Musmurati për Epokën e Re, ka thënë se pas zgjedhjeve të gjtiha partitë do të ngarendin të bëjnë koalicion qeverisës me PDK-në dhe do t’i harrojnë deklaratat e tanishme. Musmurati ka thënë se PDK-ja nuk e përjashton asnjë subjekt politik për koalicion.

“Të them të drejtën, as këtë nuk e përjashtoj duke e ditur se edhe LDK-ja është një subjekt i konsoliduar. Tani është në opozitë, eventualisht pas zgjedhjeve mund të jetë subjekt i dytë dhe sigurisht dëshiron të jetë në strukturat e institucioneve”, ka thënë Musmurati.(Epoka e Re)