Librat e shkollave fillore në Kosovë po trajtohen si ‘sekret’ shtetëror, të paktën gjatë blerjeve të tyre, me qëllim të eliminimit të konkurrencës. Ministria e Arsimit, Shkencës dhe Teknologjisë (MASHT) ka shpenzuar plot 7 milionë e 270 mijë euro për blerjen e librave nga klasat e para deri te të nëntat përmes procedurës se negociuar pa publikim të njoftimit të kontratës, apo siç njihet ndryshe tenderë njëburimor.

Sipas raportit të Komisionit Rregullativ të Prokurimit Publik (KRPP), ky njëherësh është tenderi më i madh qeveritar i proceduar përmes kësaj procedure të prokurimit. Megjithatë, ky nuk është tenderi i vetëm njëburimor. Gjithsejtë rreth 25 milionë euro para të buxhetit të Kosovës gjatë vitit që lëmë pas janë shpenzuar përmes procedurës së negociuar pa publikim të njoftimit të kontratës,shkruan Tribuna.

Në anën tjetër, në KRPP nuk kanë dashur të sqarojnë se cilat mallra apo shërbime janë kryer përmes këtij lloji të prokurimit, duke cituar vetëm nenet e ligjit që kanë të bëjnë me këtë fushë. E vetmja gjë që kanë thënë për gazetën është se sipas Ligjit të Prokurimit Publike, Autoritetet Kontraktuese kanë të drejtë të përdorin këtë procedurë si për mallra, shërbime dhe punë , pra në bazë të nenit 35 të LPP-së

Këtë ekspozitë humanitare, që përpos pikturave dhe skulpturave kanë qenë të ekspozuara edhe disa fotografi artistike, e ka organizuar Qendra Kulturore “Infinity ART” që është e përbërë nga një grup i Artistëve të talentuar të cilët janë të përkushtuar për të krijuar vepra origjinale me vlera të larta artistike.

Më shumë se pesëdhjetë punime që i takojnë artit pamor janë ekspozuar gjatë tërë ditë së shtunë në sheshin “Nënë Tereza”, në Prishtinë, ku të hollat nga shitjet e tyre do të shkojnë për gjashtëmbëdhjetëvjeçaren, Rebeka Rexhepi, e cila ka disa javë që po kurohet jashtë vendit.

Shtatëmbëdhjetë artistë të ndryshëm kanë ofruar pesëdhjetë e dy piktura dhe shtatë skulptura për qytetarët në kryeqytet, në mënyrë që këta të fundit të kenë mundësi t’i blejnë ato për ta ndihmuar Rebeka Rexhepin.

Këtë ekspozitë humanitare, që përpos pikturave dhe skulpturave kanë qenë të ekspozuara edhe disa fotografi artistike, e ka organizuar Qendra Kulturore “Infinity ART” që është e përbërë nga një grup i Artistëve të talentuar të cilët janë të përkushtuar për të krijuar vepra origjinale me vlera të larta artistike.

Marjan Nikolla, drejtor i “Infinity ART”, ka deklaruar për “KultPlus” se qëllimi i organizimit të kësaj ekspozite humanitare është që ta motivojmë rininë dhe artistët e vendit që përmes veprave të tyre të kontribuojnë ndaj të gjithë atyre të cilët kërkojnë ndihmë për mjekim.

“Pesëdhjetë për qind e shitjeve të pikturave, skulpturave dhe fotografive të cilat janë të ekspozuar sot këtu do të shkojnë në fondin e familjes së Rebeka Rexhepit që po kurohet në Austri. Një ndër qëllimet e këtij organizimi ishte që të gjithë artistët e rinj të cilët i kanë të ruajtura veprat artistike në arkivat e tyre t’i ekspozojnë ato para qytetarëve në mënyrë që ata të kenë mundësi t’i blejnë këto vepra dhe nëpërmjet kësaj të ndihmohen sadopak të gjithë ata që kanë nevojë për ndihmë mjekuese”, ka thënë Nikolla, duke shtuar më pas se në muajt në vazhdim do të hapën edhe ekspozita tjera të karakterit humanitar nga Qendra Kulturore në të cilën udhëheq ai.

Ndërkohë, skulptorja Arjeta Miftari, që kishte ekspozuar tri vepra artistike në këtë ekspozitë, ka thënë se përmes shitjeve të këtyre veprave do të bëhet përpjekje të shpëtohet një jetë e njeriut.

“Ne si artistë e kemi parë të arsyeshme që përmes veprave tona artistike të kontribuojmë në një farë mënyre ndaj atyre të cilët kanë nevojë për ndihmë dhe për t’u mjekuar. Deri më tani është shitur vetëm një skulpturë në vlerë prej 300 eurove, e të cilën e ka blerë drejtori i Universitetit “Iliria”, ku pesëdhjetë përqind do të shkojnë për shërimin e Rebekës. Po presim të kemi edhe më shumë shtije deri në përmbyllje të këtij aktiviteti. Mariani së bashku me grupin “Infinity ART”, ka bërë një punë të jashtëzakonshme”, ka thënë skulptorja Miftari, që shoti se edhe në të ardhmen qytetarët do të kenë mundësi të shohin skulpturat e saj të shfaqura në ekspozita humanitare.

Mjetet e grumbulluara nga shitja e veprave të artit pamor që ishin të shfaqura në këtë ekspozitë do të shkojnë në fondin “Të gjithë për Rebekën”, një iniciativë kjo për ta ndihmuar sadopak mjekimin e Rebeka Rexhepit nga Prishtina.

Aktorja dhe prezantuesja televizive nga Tirana, Inida Gjata – Zhaku, e ka iniciuar shitjen e këngës “Natën” të këngëtarit Dren Abazi, për produksionin e filmit me renome botërore, “20th Century Fox”.
Ky produksion tashmë ka rënë në ujdi që ta blejë të drejtën e përdorimit të kësaj kënge, të cilën do ta përdorë si kolonë zanore për filmin më të ri, “Let’s Be Cops”.
Kënga “Natën” të cilën këngëtari Abazi e interpreton së bashku me grupin “Zig Zag Orcherstra” është lansuar para rreth dy vjetëve, më saktësisht, në fillim të qershorit të vitit 2012.

Këtë lajm e ka bërë të ditur vetë Dren Abazi, i cili i kontaktuar nga KultPlus ka treguar se personi meritor për këtë marrëveshje me producentë ndërkombëtar është Zhaku.

“Inida Gjata – Zhaku ka bërë gjithçka për këtë punë. Ajo ia ka nisur këngën time producentëve, ajo e ka përzgjedhur”, ka thënë shkurt ai.
Abazi megjithatë nuk ka dashur të jap detaje të tjera, me arsyetimin se këtë ia kanë kërkuar, siç ka thënë ai, producentët që e kanë blerë këngën, por ai ka përsëritur se kënga tashmë është shitur.

“Lajmi është i vërtetë, normal”, ka thënë shkurt ai nëpërmjet telefonit nga Tirana, ku mbrëmë (e premte) ka performuar në një koncert.
Ndryshe nga kjo, është hera e parë që një këngë shqiptare bëhet pjesë e njërit prej filmave hollywoodian.

Nuk dihet se sa është shitur kënga, por ajo që dihet tashmë është se ajo do të jetë pjesë e filmit “Let’s Be Cops”, si kolonë zanore për filmin e ri “Let’s Be Cops”. Në këtë film rolin kryesor e ka aktori amerikan Andy Garcia./KultPlus.com