Kryeministri i Turqisë, Recep Tayyip Erdogan, do ta vizitojë Kosovën më 23 tetor të këtij viti. Vizita e tij do të bëhet me rastin e inaugurimit të terminalit të ri të Aeroportit Ndërkombëtar “Adem Jashari”, Prishtinë.

Kjo vizitë i është konfirmuar Ministrisë së Jashtme të Kosovës përmes Ambasadës së Turqisë në Kosovë, ku thuhet se pas ftesës së Kryeministri Hashim Thaçi i ka bërë homologut të tij turk, ai ka pranuar që këtë vizitë ta bëjë me rastin e inaugurimit të terminalit të ri.

“Ambasada e Turqisë në Kosovë komplimenton Ministrinë e Punëve të Jashtme të Kosovës dhe ka nderin që ta njoftojë Ministrinë në fjalë se pas ftesës së bërë nga Shkëlqesia e Tij, Kryeministri i Republikës së Kosovës, Hashim Thaçi, Shkëlqesia e Tij, Recep Tayyip Erdogan, Kryeministër i Republikës së Turqisë, do të vizitojë zyrtarisht Kosovën me rastin e inaugurimit të terminalit të ri të Aeroportit Ndërkombëtar të Prishtinës “Adem Jashari” më 23 tetor, 2013”, thuhet në letrën që Ambasada turke i ka dërguar MPJ-së, të cilën e ka siguruar Gazeta Zëri.

Rreth agjendës dhe përbërjes së stafit të Erdoganit, Ambasada turke thekson se do ta njoftojnë Ministrinë më vonë, duke i ofruar MPJ-së çdo mbështetje të nevojshme për këtë rast.

PDK-ja dhe LDK-ja në zgjedhjet e nëntorit do të jenë dy partitë kryesore që do të luftojnë për marrjen e pushtetit në Prizren. Në bazë të një sondazh të realizuar nga OJQ “IDEA”, 25 për qind të të anketuarve kanë preferuar se do të votojnë PDK-në, ndërkaq 22 për qind LDK-në.

Në hulumtim janë përfshirë 400 respodentë. Sipas hulumtimit qytetarët e Komunës së Prizrenit nuk janë të kënaqur aspak me qeverisjen aktuale.

50.75 % e të anketuarve, nuk janë të kënaqur aspak me qeverisjen aktuale në Prizren.

Megjithatë shpresa qytetarëve për të provuar oferta të reja vazhdon të jetë e preferuar. Sipas rezultatit të anketës, pavarësisht pakënaqësive 68.8 për qind e të anketuarve do të dalin në zgjedhje varësisht nga ofertat e partive politike.

01. Sa jeni të kënaqur me qeverisjen aktuale? 50.75 % e të anketuarve, nuk janë të kënaqur aspak me qeverisjen aktuale në Prizren.

02. Për çfarë do të dilnit në zgjedhje këtë herë ? 68.80 % e të anketuarve, do të dilnin në zgjedhje duke shpresuar në ndryshime, e jo në politikat aktuale

03. Nëse do të dilnit në zgjedhje, do të votonit për: 46.60 % e të anketuarve, do të dilnin në zgjedhje për program dhe ofertë të fuqishme.

04. Çka duhet të përmbajë oferta e partisë, që ju t`ja jepni votën? 62.80 % e të anketuarve, kërkojnë zhvillim në fushën e ekonomisë dhe zhvillimit të saj.

05. Si e vlerësoni pjesëmarrjen e partive politike të reja në zgjedhje? 52.60 % e të anketuarve, e shohin si diçka pozitive pjesëmarrjen e partive politike të reja në zgjedhje dhe mendojnë se ka pasur nevojë për diçka të tillë.

06. Sa jeni të informuar për ofertat e partive politike? 61.50 % e të anketuarve, ende nuk janë të informuar për programet ose ofertat e partive politike.

07. Cila do të ishte mënyra më e mirë, që partitë t`ua bëjnë me dije ofertat qytetarëve? 55.60 % e të anketuarve, kërkojnë të informohen përmes mediave lidhur me programet ose ofertat e këtyre zgjedhjeve.

08. Nga informoheni zakonishtë ? 36.00 % e të anketuarve, kryesisht informohen përmes mediave nacionale

09. Sipas jush, kush do të fitojë në zgjedhjet e 3 nëntorit? 25 % e të anketuarve, mendojnë se në zgjedhjet e 3 nëntorit do të fitojë Partia Demokratike e Kosovës, me kandidatin për kryetarë prof,dr: Ramadan Muja .

Rekomandimet

– Qytetarët në përgjithësi nuk janë të kënaqur me qeverisjen e deri tanishme, dhe janë të interesuar për ndryshime në pakot e ofruara nga partitë politike, – Qytetarët e shohin si diçka pozitive pjesëmarrjen e partive politike të reja, dhe besojnë në ndryshimet që ata mund të sjellin pas zgjedhjeve të 3 nëntorit, – Në periudhën sa më të shpejtë kohore, partitë duhet t`i shpalosin ofertat e tyre dhe t`i orientojnë qytetarët në vendimin që do të marrin,

– Partitë pjesëmarrëse duhet të punojnë më shumë për vende pune, pasi është preokupimi primar i qytetarëve prizrenas, – Përqendrimi i qytetarëve gjatë fushatës do të jetë në media, prandaj aktivitetet gjatë fushatës duhet të jenë prezentë në media, që qytetarët të mund të orientohen,

– Konkurrentët kryesor të zgjedhjeve të 3 nëntorit janë : PDK dhe LDK, megjithatë në rundin e parë nuk do të ketë fitues për shkak të përqindjeve të ultë të numrit të votave,

– Partitë e reja pjesëmarrëse në zgjedhje do të luajnë një rol shumë të rëndësishëm në përcaktimin e personit që do të qeverisë në Prizren./PrizrenPress.com/

Lëvizja Vetëvendosje! Qendra në Malishevë denoncon hapur përpjekjen e kryetarit te PDK-së, Hashim Thaçit, i cili në petkun e kryeministrit po keqpërdor institucionet arsimore dhe punonjësit e saj, për të kërcënuar dhe shantazhuar mësuesit, duke ua kushtëzuar mësimdhënien me votë. Gjithashtu i njëjti bashkë me bashkëpartiakët e tij të qeverisjes lokale në ikje, po keqpërdorin paratë e qytetarëve taksapagues për të organizuar tubime dhe shtruar darka e dreka, që janë asgjë më shumë se takime “disiplinuese”.

“Roli i mësuesit në periudha historike ka qenë i madh, ata ishin shtylla që barti përgjegjësin në kohërat më të vështira, që mbajti gjallë idealet dhe frymën e atdhe dashurisë e shprehur përmes kryengritjeve, protestave, lëvizjeve ilegale e paqësore e deri tek lufta çlirimtare.

Sot fryma në të cilën bazohet sistemi arsimor i instaluar nga pushteti aktual qendror e lokal është ai i shfrytëzimit të tij për qëllime partiake, pra ku respekti dhe përkushtimi ndaj arsimit është shndërruar në fërkim duarsh për përfitim votash e marrje diplomash”, thuhet në kumtesën e VV-së në Malishevë.

Pushteti aktual po përdor forma prej më të ulëtave e më të pamoralshme për ta siguruar mbijetesën politike e cila ka marrë teposhtëzën e pa kthim por e cila po e cenon çdo ditë e shumë mundësin për ta shpëtuar arsimin nga degradimi.

“Për ne është i qartë niveli intelektual dhe moral i kryetarit të partisë dhe bashkë-partiakëve të tij lokal, cilët sundojnë në Kosovë dhe Malishevë përmes metodës së karrotës dhe kërbaçit.

Të shpenzosh në dreka e darka partiake me para publike në kohën kur varfëria gjithnjë në rritje po zëvendësohet me uri, ku vetëm në Malishevë jetojnë mijëra qytetarë në varfëri ekstreme që tani në prag të dimrit janë pa shtrojë e mbulojë, pa ngrohje e pa ushqim është e papranueshme është e pamoralshme është keqpërdorim është KRIM”.

Sipas VV-së, takimet e Kryeministrit me mësues në kohë fushatash me para të taksapaguesve të varfër të Kosovës janë shpërfaqja më saktë e fytyrës se si pushteti aktual e sheh mësimdhënësit vetëm si votues dhe shërbëtorë të partisë dhe asgjë më shumë.

“Ne i bëjmë thirrje Mësuesve, që të bojkotojnë këto darka elektorale që pushteti po i bënë me të vetmin qëllim kontrollin dhe shantazhin mbi mësuesin.

Ne i bëjmë thirrje Kryetarit në ikje dhe drejtorit të arsimit që gjatë ditëve që i kanë të numëruara në pushtetin lokal të heqin dorë nga kërcënimet ndaj mësuesve dhe drejtorëve. Gjithashtu i bëjmë thirrje drejtorëve të shkollave të cilët shkollën dhe arsimin e kanë mbi partinë që të mos bien pre e shantazheve dhe presioneve dhe ti mbrojnë mësuesit dhe shkollat nga injoranca dhe dhuna politike e partisë pushtet ashtu siç ditën ti rezistojnë në kohëra edhe më të vështira”./PrizrenPress.com/

Drejtoria për Arsim dhe Edukim në Komunën e Malishevës, me ftesë të kryeministrit të qeverisë së Republikës së Kosovës, Hashim Thaçi, organizon takimin tradicional me të gjithë mësimdhënësit e Komunës së Malishevës, me rastin e fillimit të vitit të ri shkollorë 2013-2014.

DAE në Malishevë njofton të gjithë mësimdhënësit, se takimi tradicional do të mbahet të mërkurën me datë 2 tetor 2013, duke filluar në ora 18:00, në restorant “Kështjella” në Banjë.

Në këtë takim do të merr pjesë kryeministri i Republikës së Kosovës, Hashim Thaçi dhe ministri i MASHT-it, Ramë Buja./PrizrenPress.com/