“Romeo dhe Xhulieta” e Kosovës dhe Serbisë, nuk ka të bëjë me nacionalizmin. Dashuria është thelbi i saj.
E këtë e ka potencuar jo një herë aktori e regjisori serb Miki Manajloviq, për shfaqjen që është konceptuar të realizohet nga një kastë e madhe aktorësh nga të dy vendet.
Por konferenca për media e mbajtur në Teatrin Kombëtar të Kosovës – ku janë zbuluar pak detaje për shfaqjen, realizimi i së cilës është krejt në hapat e parë – u shndërrua në debat për nacionalizmin. Ka filluar me pyetjen e parë të ekipit të një televizioni nga Graçanica nëse “Romeo dhe Xhulieta” do të përfshijë edhe “aktorët serbë të përzënë nga Mitrovica dhe ata “që ishin pjesë e Teatrit të Prishtinës para vitit 1999”.
Veç pyetjeve të gazetares, e cila ka parashikuar se në publik nuk do të ketë serbë, në debat është përfshirë edhe kameramani, sipas të cilit “në qytetin e Prizrenit nuk ka asnjë serb”