Deputetët e Kuvendit sot do të vendosin për rekomandimet e propozuara nga Lidhja Demokratike e Kosovës, pas debatit shumë orësh që u zhvillua dje, rreth gjendjes në Universitetin e
Kuvendi ndërpreu seancën për shkak të kuorumit, meqë pozita lëshoi sallën, pasi opozitarët nuk pranuan kërkesën e Kryeministrit Hashim Thaçi, që të miratohet një rezolutë me të cilën do të urdhërohej senati i UP-së, t’i verifikonte të gjitha gradat dhe titujt akademik të të gjithë politikanëve që janë ngritur në tituj prej vitit 1990-91 e deri me sot.

Por, opozita kërkonte që t’i miratonte rekomandimet e tyre, që kërkonin dorëheqjen e rektorit Ibrahim Gashi dhe sjelljen para përgjegjësisë dhe verifikimin e ngritjes së tyre akademike.

Po ashtu, në seancën e sotme pritet të shqyrtohen edhe një mori ligjesh tjera të cilat nuk arritën të shqyrtohen seancën e djeshme.

Vendimi i Fatmir Limajt dhe me gjasë edhe Jakup Krasniqit për t’u larguar nga PDK vjen për shkak të renditjes së tyre më poshtë seç ata e kishin parashikuar staturën e tyre politike, e jo për shkak të keqqeverisjes.

Kështu mendon analisti Halil Matoshi.

Në një bisedë për lajmi.net, Matoshi, Kolumnist i “Kohës Ditore”, vlerëson se shkëputja e Limajt nga PDK nuk u bë në kohën e duhur. Thotë se ai po shkon rrugës së tij politike në fund të mandatit qeverisës.

“Fatmir Limaj nuk u shkëput me shumë siguri nga PDK-ja dhe në kohën e duhur, sepse edhe në fund ‘iu përkul’ në një mënyrë shefit të tij, Zotni Thaçit. Ai po shkon udhës së tij politike gati në fund të mandatit qeverisës, edhe pse ai ka qenë de facto i mënjanuar nga partia që nga marrja e postit të të dytit në parti nga Zotni Kadri Veseli”.

“Pra, Limaj dhe Krasniqi ia kthyen shpinën PDK-së për hir të rangimit të tyre më poshtë seç ata e perceptojnë staturën e tyre politike, e jo për hir të autoritarizmit, padijes, jokompetencës, turrit kah paraja publike, keqqeverisjes dhe metodave staliniste në Qeverisjen e PDK-së”.

Pakënaqësitë e dy prej figurave kryesore kishin filluar të shfaqen qysh në fillim të mandatit të dytë të Qeverisë Thaçi, ndërsa kulmin e arritën në Kongresin e gjashtë të PDK’së.

Jakup Krasniqi kishte kërkuar që Kuvendi Zgjedhor i partisë të mos mbahet, përderisa Fatmir Limaj të lirohet nga proceset gjyqësore. Megjithatë, një gjë të tillë ishte injoruar nga Kryetari i Partisë.

Por, kjo lëvizje për Matoshin është humbje e një krahu të fuqishëm për PDK’në.

“PDK-ja natyrisht se humb një krah të fuqishëm, por taktika e krerëve të saj tashti do të mundohet që ta shndërrojë në fitore këtë largim, sado i dhimbshëm, duke pretenduar se Limaj e Krasniqi mbështeten në tabanin marksist-leninist, pra majtistë të afërt me ideologjinë e Lëvizjes Vetëvendosje!”.

“Mirëpo, e mira e këtij largimi është se një krah në PDK po ndahet për të mos u bërë pjesë e konspiracioneve të SHIK-ut brenda partisë dhe në kapjen e shtetit. Prandaj, edhe këtë adut do ta përdorin Limaj dhe Krasniqi për ta arsyetuar para partizanëve të tyre largimin nga PDK”.

Fatmir Limaj ka konfirmuar këtë javë se që nga viti 2012 nuk është më pjesë e Partisë Demokratike, duke thënë se së shpejti do të dalë me një alternativë të re politike.

Megjithatë, Halil Matoshi vlerëson se do të jetë e vështirë për Limajn dhe Krasniqin, nëse nuk bëjnë koalicion me ndonjërën nga forcat politike aktuale.

“Mendoj se PDK-ja këta dy emra edhe mund t’i rikuperojë, porse ka humbur shumë vota. Kurse këta dy, nëse nuk bëjnë koalicion parazgjedhor me ndonjë aleancë, qoftë me AAK, PDK ose VV, mund të dalin ‘të pensionuar’ nga procesi zgjedhor”.

Kryetari aktual i Kuvendit të Shqipërisë, Ilir Meta, në vitin 2005, i pakënaqur me drejtimin e Partisë Socialiste nga Fatos Nano, atëbotë kishte vendosur të bëjë parti të veten, Lëvizjen Socialiste për Integrim. Sot, Meta është njëri ndër figurat kryesore në politikën shqiptare që vendosin për formimin e Qeverisë.

Ky është shembulli që i përshkruhet Fatmir Limajt.

Por, Matoshi thotë se këtë komoditet nuk e kanë Limaj e Krasniqi. Sipas tij, nëse ndryshon pragu zgjedhor vështirë se mund të jenë pjesë e legjislaturës së ardhshme.

“Faktori ‘Ilir Meta’ në Kosovë nuk ka kuptim, sepse këtë pozicion këtu te ne e kanë partitë e komuniteteve joshqiptare, e posaçërisht partitë e serbëve kosovarë. Po partia e Limajt dhe Krasniqit mund ta kalojë pragun zgjedhor, nëse mbetët siç është prej 5%”.

Limaj dhe Krasniqi dolën hapur kundër PDK`së në zgjedhjet lokale të nëntorit duke mbështetur iniciativa qytetare në qytetet e Malishevës përkatësisht Drenasit që të dyja llogariteshin si bastione të partisë në pushtet.

Subjektit politik që do ta themelojnë Fatmir Limaj e Jakup Krasniqi pritet t’i bashkëngjiten disa deputetë nga grupi parlamentar i PDK-së.

Ish-ministri i Transportit, edhe publikisht të martën ka paralajmëruar braktisjen e PDK-së dhe formimin e një partie politike, me të cilën do të marrin pjesë në zgjedhjet nacionale të këtij viti, që pritet të organizohen në qershor.

Haxhi Shala, Hydajet Hyseni, Justina Shiroka-Pula, Nait Hasani, Flora Brovina, janë emrat e deputetëve që lakohen se do t’i bashkëngjiten partisë së Limajt e Krasniqit, të cilët vazhdimisht kanë shprehur pakënaqësi me drejtimin e partisë nga kryetari Hashim Thaçi dhe zëvendësi i tij, Kadri Veseli.

Deputeti Haxhi Shala, i njohur si komandant “Topi”, e ka konfirmuar për gazetën “Zëri” se tashmë është pjesë e ekipit të Limajt dhe në këtë mënyrë i ka thënë lamtumirë GP të PDK-së.

“Gjithmonë e kam thënë dhe tash po e ripërsëris se jam pjesë e ekipit të Limajt dhe jo e GP të PDK-së”, ka thënë ai, edhe pse në Kuvendin e Kosovës erdhi para pak ditësh në emër të votave të fituara të PDK-së.

Ai ka konfirmuar se ka edhe deputetë tjerë në Kuvendin e Kosovës që do t’i bashkohen grupit të Limajt e Krasniqit, por nuk ka dashur të flasë me emra.

“Unë po flas për vete dhe asnjëherë s’e kam fshehur se jam në ekipin e Limajt. Përveç kryeparlamentarit Krasniqi, në këtë ekip ka edhe deputetë të tjerë, por më mirë secili le ta konfirmojë vetë”, ka thënë ai, duke mos përmendur emra.
Por, Shala ende nuk e di nëse gjatë seancës plenare të së enjtes do të ulet përkrah deputetëve të GP të PDK-së, apo do të zërë vendin në ulëset e fundit.

“Nuk e di, nuk e di se ku do të ulem në Kuvend”, ka thënë ai.

Komandant “Topi” edhe gjatë tubimeve elektorale për zgjedhjet lokale ku Limaj edhe zyrtarisht i dha mbështetje Iniciativës Qytetare të Malishevës me në krye Ragip Begajn, vazhdimisht ka qenë bashkë me të.

Në mesin e emrave më të përfolur se do të jetë në partinë e re, është edhe ai i Hydajet Hysenit. Por, ky i fundit ka thënë se për momentin s’ka asgjë për të thënë.

“E kam përcjellë pjesërisht intervistën e Limajt. Nuk pashë asgjë të re, përveç se është një paralajmërim i një diçkaje që do të ndodhë. Nuk shoh njëherë për njëherë diçka të veçantë që do të prononcohesha. Në parim mbështes nismat për konsolidim të skenës politike, apo për kompletimin e skenës, pasi që skena politike nuk është komplete dhe e konsoliduar”, ka qenë përgjigjja e tij.

Por, jo vetëm kaq, prej kohësh janë lakuar edhe emrat e deputetëve tjerë të PDK-së se do të jenë pjesë e taborit të Limajt e Krasniqit, sikurse emri i Nait Hasanit, Justina Shirokës-Pulës e Flora Brovinës. Por, kjo është mohuar në mënyrë kategorike nga vetë deputetët.

Deputeti Nait Hasani thotë se as nuk ka pasur konsulta të tilla dhe në këtë drejtim ka përjashtuar çdo mundësi se do të mund t’i bashkohet partisë së re të bashkëpartiakut të tij, Fatmir Limajt e Jakup Krasniqit.

“Jo, jo jam deputetet i PDK-së dhe aty mbetem. S’jam i interesuar të kaloj në ndonjë parti të re”, ka thënë ai. Hasani, ndërkaq, ka mohuar të ketë pasur ofertë apo biseda me Limajn për t’iu bashkuar subjektit të ri politik që pritet për pak ditë të zyrtarizohet.

Edhe Justina Shiroka –Pula ka hedhur poshtë mundësinë se do të mund ta braktisë PDK dhe të jetë në krahun e Limajt. “ As që është diskutuar dhe as menduar për diçka të tillë. Unë jam anëtare e PDK-së dhe mbetem aty deri në fund”, ka thënë ajo.

Ndërkaq, gazeta ka kontaktuar edhe me deputeten Flora Brovina, por për shkak se ajo gjendej për një vizitë zyrtare në Shtetet e Bashkuara të Amerikës,ka qenë e pamundur që të merret një përgjigje nga ajo. Por, vetë Brovina ditë më parë i pati deklaruar gazetës “Zëri” se nuk është pjesë e muhabeteve të tilla. “As s’më ka thanë Jakupi dhe as Fatmiri. Pra, s’kam diskutuar për diçka të tillë asnjëherë. Unë jam anëtare e kryesisë së PDK dhe s’kam lidhje me këtë punë, sikurse nuk kam lidhje që ata qenkan duke e formuar ndonjë grup të ri”, kanë qenë fjalët e Brovinës.

Burime të afërta me Limajn thonë se pritet që pjesa e të pakënaqurve e PDK-së t’i bashkohen këtyre dy figurave politike ( Fatmir Limajt e Jakup Krasniqit), por sipas tyre tash për tash ekziston një hezitim që ata të deklarohen publikisht. /Zëri/