Organizata e Veteranëve të Luftës së UÇK-së në Prizren, do të diskutojë sot për aprovimin e ligjit të tyre.

Të gjithë veteranët gjatë debatit mund t’i paraqesin shqetësimet e tyre dhe të marrin informacionet e nevojshme rreth ligjit për veteranët e luftës.

Isa Berisha ka thënë se Dega e Organizatës së Veteranëve në Prizren nuk është e kënaqur me zhvillimet rreth aprovimit të ligjit për veteranët dhe gjithë procesin e quajnë të vonuar.

Ai shprehet optimistë se gjatë këtij viti do të përcaktohen me ligj benificionet që do t’i përfitojnë veteranët e luftës, ndryshe paralajmëron ngritje të shqetësimeve të tyre edhe në formë protestash.

Ai i fton të gjithë veteranët e luftës të Komunës së Prizrenit që sot   në orën 13 të mblidhen në selinë e Organizatës së Veteranëve në Prizren./TVO/

Shumica e delegatëve të nëndegëve të LDK-së po kërkojnë dorëheqjen e Eqrem Kryeziut nga pozita e kryetarit të degës në Prizren. Ata janë të pakënaqur me Kryeziun, sidomos pas humbjes së tretë përballë Ramadan Mujës.

Shumica e delegatëve të LDK-së kanë pakënaqësi me udhëheqjen e degës së partisë nga Kryeziu, i cili pësoi debakël nga Ramadan Muja në zgjedhjet lokale të vitit 2013, pavarësisht se u mbështet nga lideri i Bashkimit Demokratik(BD), Zafir Berisha.

Sipas burimit të Zërit nga dega e LDK-së në Prizren deri më tani 57 delegatë nga 101 sa I ka LDK në Prizren kanë kërkuar dorëheqjen e Kryeziut. Po ashtu nga 45 nëndegë , 34 kanë kërkuar dorëheqjen e Kryeziut.

Deputeti nga Aleanca Për Ardhmërinë e Kosovës, Burim Ramadani përmes një reagimi, ka thënë se kërkesa e ish-punëtorëve për krijimin e Komisionit Hetimor Parlamentar për privatizimin e Fabrikës “Ballkan” është kundërshtuar nga Kryetari i Therandës, Sali Asllanaj.

Sipas tij, Asllanaj ka insistuar tërë kohën në takim që të organizohet vetëm një debat parlamentar, por jo edhe Komisioni Hetimor Parlamentar, duke tentuar të argumentojë se kjo do të prishte raportet strategjike dhe nuk do të përkrahej nga lideri i LDK-së, Isa Mustafa.

“Sipas propozimit të tre deputetëve të AAK-së nga Theranda, duke u bazuar edhe në kërkesat e ish-punëtorëve, Komisioni Hetimor Parlamentar të ketë për objekt hetimin E PLOTË të procesit të privatizimit të Fabrikës “Ballkan”, përkatësisht vendimet e AKP-së, Qeverisë së Kosovës, si dhe Planin Zhvillimor Urban dhe Planin Zhvillimor Komunal të Komunës së Therandës të miratuar në vitin 2008.

Ky propozim nuk u përkrah nga Kryetari Sali Asllanaj, sidomos në pikën e fundit të hetimit të asaj që ka ndodhur rreth Planit Zhvillimor Urban në Komunën e Therandës në vitin 2008’, ka sqaruar Ramadani.

“Ajo që ka mbetur si përfundim nga ky takim, është shqyrtimi i mundësisë që LDK-ja të ndërrojë qëndrimin dhe të bashkohet në nismën e mundshme të deputetëve të Therandës për Komisionin Hetimor Parlamentar për Fabrikën “Ballkan””/PrizrenPress.com/

Kryeministri i Kosovës, Hashim Thaçi, ka kujtuar Presidentin e ndjerë të Kosovës, Ibrahim Rugova, i cili, nesër, më 21 janar, ka përvjetorin e 8 të vdekjes, kur humbi betejën me kancerin në mushkëri.

Në një postim në llogarinë e tij në Facebook, Kryeministri ka deklaruar se Rugova ishte një personalitet i spikatur.

“Nesër bëhen tetë vjet prej kur u nda nga jeta ish-Presidenti i Kosovës, Ibrahim Rugova.”

“Ai ishte një personalitet i spikatur që i dha shumë letërsisë, shkencës dhe politikës shtet-formuese të popullit tonë.”

“Institucionet e Republikës së Kosovës e vlerësojnë dhe e respektojnë angazhimin e ish-Presidentit Rugova për pavarësinë e vendit”, ka shkruar Kryeministri Hashim Thaçi.

Debatit në mes dy partive politike, të dala nga krahu i luftës, PDK-së dhe AAK-së, se kush do ta zgjidh me ligj problemin e kategorive të dala nga lufta e UÇK-së, i është bashkangjitur edhe LDK-ja.

Deputetja e LDK-së, Vjosa Osmani, tha për Telegrafin se Partia Demokratike e Kosovës tash shtatë vite, duke qenë në pushtet, e ka dëshmuar se nuk është e interesuar ta zgjidhë problemin e veteranëve të luftës së Ushtrisë Çlirimtare të Kosovës.

Sipas saj, “qeveria e Kosovës, duke mos e kaluar Ligjin për kategoritë e dala nga lufta e UÇK-së, ua ka mohuar atyre të drejtat që u takojnë”.

“Ndërsa, Aleanca për Ardhmërinë e Kosovës, është një parti që në nivel vendi nuk gëzon mbështetje për të udhëhequr me ekzekutivin kosovar, kështu që nuk duhet të pretendojë pozitën e të parit të qeverisë, sepse qytetarët e Kosovës për vite me radhë i kanë dhënë përgjigje negative aspiratave të tilla”, ka thënë Osmani për Telegrafin.

Ndryshe, në një konferencë shtypi të mbajtur dje, nënkryetari i AAK-së, Ahmet isufi ka deklaruar se me ardhjen e Ramush Haradinajt në krye të qeverisë së Kosovës do të realizohen kërkesat e veteranëve të UÇK-së.

Ndaj deklaratës së Isufit ka reaguar kryetari i Komisionit për verifikimin e veteranëve të luftës, njëherësh ministër i FSK-së, Agim Çeku, i cili përmes rrjetit social Facebook ka premtuar se problemin e veteranëve do ta zgjidh qeveria u udhëhequr nga Hashim Thaçi.

Lidhja Demokratike e Kosovës(LDK) në Malishevë, nesër do të vendos se a do të marrë apo jo pjesë në zgjedhjen e kryesuesit të Kuvendit. Kryetari ,Januz Kastrati ka thënë se ky subjekt politik ende nuk ka vendosur nëse do të marrë pjesë të mërkurën në seancën e KK-së.

“Ne të martën e kemi paraparë një mbledhje të kryesisë së degës dhe kuvendarëve të LDK-së në KK dhe aty do të vendoset se a do të marrim pjesë apo jo në Kuvend”, ka thënë ai për media.

“Deri tani subjekti që e ka fituar shumicën në zgjedhjet e fundit , IQM nuk ka arritur të gjejë formulën e duhur për zgjedhjen e kryesuesit dhe me papërgjegjshmëri ka treguar se është e gatshme ta cojë komunën drejt zgjedhjeve të reja”./PrizrenPress.com/