21.8 C
Prizren
E martë, 16 Gusht, 2022

Ilir Meta përfundon sot mandatin e presidentit: Ishte nder dhe privilegj për mua, uroj më të mirën për atdheun tonë

Ilir Meta sot përfundon mandatin e tij si president i Shqipërisë, ku këtë pozitë do t’ia dorëzoj presidentit Bajram Begaj.

Përmes një postimi në Facebook, Meta ka shprehur mirënjohjen e tij për qytetarët duke u uruar këtyre të fundit më të mirën.

“Ishte një nder dhe privilegj i jashtëzakonshëm të shërbeja këto pesë vite si President i Republikës të Shqipërisë. Uroj për atdheun dhe kombin tonë më të mirën! Paqe dhe mbarësi për çdo familje shqiptare! Zoti e bekoftë Shqipërinë”, ka shkruar Meta.

Parlamenti do të mblidhet sot në orën 18:00 për ceremoninë e betimit të Begajt. Pas betimit dhe fjalës para deputetëve, ceremonia pritet te zhvendoset në një tjetër godinë, atë të Presidencës.

Në orën 19:30 Ilir Meta do presë pasardhësin e tij për ti dorëzuar simbolikisht çelësat e institucionit që ai do drejtojë për 5 vite. /Telegrafi/

Më Shumë

Lajmet e Fundit