6.8 C
Prizren
E diel, 21 Prill, 2024

Server: Marrëveshja e Ohrit nuk pati ndonjë përmbajte të madhe

Njohësi i çështjeve politike njëherësh profesor në Universitetin `John Hopkins` në SHBA, Daniel Server në një lidhje të drejtpërdrejtë në RTK tek `Lajmet e Fundit`, ka folur rreth takimit të Ohrit dy ditë më parë, ku u tha se ka një marrëveshje pa nënshkrime.

 

Server këtë marrëveshje të arritur e ka quajtur rezultat të kufizuar.

Madje, ai tha se, marrëveshja e Ohrit pa nënshkrim dhe vetëm me disa pika zotimi, është një marrëveshje por pa marrëveshje.

Server gjithashtu ka thënë se pas kësaj marrëveshje, duhet të fillohet negocimi menjëherë, por sipas tij, negocimi për vetmenaxhim e assesi themelimi i Asociacionit.

Madje, ai ka thënë se nuk beson që do të ketë ndonjëherë asociacion dhe se nuk do të ketë kompetenca ekzekutive.

“Rezultati i kufizuar në dy aspekte, i kufizuar në aspekte procedurale dhe nuk pati ndonjë substancë apo ndonjë përmbajtje të madhe aty.  Nuk thotë se do ta njohin 5 vendet e BE-së, nuk thotë që Serbia nuk do t’i ngacmoj serbët që duan ti bashkëngjiten Forcës së Sigurisë së Kosovës, nuk thotë gjë që shqiptarët që jetojnë në Serbinë jugore të trajtohen në mënyrë reciproke sikurse serbët në Kosovë”, ka thënë Server duke shtuar se kjo është një arritje shumë e kufizuar.

Marrëveshjen e Ohrit pa nënshkrim dhe vetëm me disa pika zotimi, sipas analistit Server, SHBA-ja dhe BE insistojnë që palët janë dakorduar, porse ato nuk kanë pasur vullnetin që të nënshkruajnë atë.

“Mirëpo, për mua sa më përket mua, kjo është një marrëveshje por pa marrëveshje. Është një marrëveshje gjysmë e gatshme dhe nuk është ligjërisht obligative ashtu sikurse e  thotë edhe i dërguari i posaçëm i SHBA-së për Ballkanin Gabriel Eskobar”, ka thënë Server, duke shtuar se ka një lloj presioni moral që të realizohen ato gjëra që janë premtuar.

Sipas tij, të gjitha komunat në Kosovë kanë nivel të lartë të menaxhimit dhe se Kosova nuk është shtet tërësisht unitar.

“Neni 7 i marrëveshjes nuk i referohet komunave dhe nuk mund të jetë njohje e asociacionit”, tha Server.

Problemi, sipas tij, është që marrëveshja nuk i referohet komunave por komuniteteve ose komuniteti serb.

“Kjo është fatkeqe besoj dhe kjo krijon një lloj kategorie krejtësisht të veçantë dhe nuk e di se si mund t’i jepet vetmenagjimi. Një prej gjërave që mund t’i jepet në çfarëdo marrëveshje duhet të jetë që shqiptaret duhet të kthehen në shtëpitë e tyre në veri të Kosovës”, ka thënë Server në RTK, për të shtuar se nëse kthehen shqiptarët në veri nuk do të ketë shumicë serbe atje.

“Tani kur flitet për komunitete e jo për komuna nuk më pëlqen fare”, tha Server.

Server beson se nuk duhet të fillohet menjëherë me themelimin e Asociacionit të komunave serbe.

“Duhet të fillohet negocimi menjëherë, negocimi për vetmenaxhim e assesi  themelimi i Asociacionit. Nuk besoj që do të ketë ndonjëherë asociacion dhe nuk do të ketë kompetenca ekzekutive”, tha Server.

Më Shumë

U tha se u nda me të dashurën pasi flirtoj më njërën nga vajzat në ‘’Ferma Vip’’, reagon Robert Berisha

Robert Berisha është njëri nga meshkujt shqiptar, që përmendet më së shumti për lidhjet e tij të dashurisë. Së fundmi ai ishte pjesë e Reality...

Aksident në Prizren

Një aksident trafiku ka ndodhur dje në Prizren. Aksidenti ka ndodhur mes dy veturave. Përveç dëmeve të vogla materiale nuk raportohet për të lënduar. Marketing             Kliko https://www.facebook.com/PrizrenPress/videos/811508783644404 https://prizrenpress.com/ndermarrja-3d-fesali-ne-prizren-partneri-me-i-besueshem-per-cdo-projekt-ndertimi/ https://prizrenpress.com/mat-moto-sjell-motocikleta-elektrike/   https://prizrenpress.com/eli-edona-mobilieria-me-oferta-me-te-mira-ne-prizren/ https://prizrenpress.com/guraziu-ne-prizren-me-20-vjet-pervoje-pune-ne-vendosjen-e-dyerve-laminatit-parketit-kuzhinave-dhe-dhomave-te-fjetjes/ https://prizrenpress.com/adi-plast-ne-prizren-nje-emer-i-njohur-ne-tregun-e-kosoves-dhe-nderkombetar-per-vendosjen-e-dyerve-dhe-dritareve/ https://prizrenpress.com/banesa-ne-shitje-nga-renelual-tahiri/  

Lajmet e Fundit