25.8 C
Prizren
E premte, 2 Qershor, 2023

Riakreditohet Universiteti “Ukshin Hoti” Prizren për periudhën trevjeçare 2023-2026

Këshilli Shtetëror për Cilësi (KSHC) i Agjencisë së Kosovës për Akreditim (AKA) në mbledhjen e fundit ka vendosur të rikreditojë Universitetin “Ukshin Hoti” Prizren për periudhën trevjeçare 2023-2026.

Vendimi është marr mbi bazën e Raportit të ekspertëve ndërkombëtarë të caktuar nga AKA-ja për vlerësimin institucional të Universitetit “Ukshin Hoti” Prizren.

Vendimin për riakreditim Rektori i Universitetit “Ukshin Hoti” Prizren Prof. Asoc. Dr. Samedin Krrabaj e vlerësoi si lajm të mirë që është rezultat i punës dhe përkushtimit të gjithë punonjësve dhe studentëve të Universitetit. Me këtë rast, Rektori Krrabaj falënderoi në mënyrë të veçantë të gjithë ata që kanë kontribuar në përmbushjen e standardeve të akreditimit.

Ai falënderoi edhe Drejtorin e AKA-së, Naim Gashi dhe zyrtarët përkatës, anëtarët e KSHC-së dhe ekspertët ndërkombëtar për konstruktivitetin e treguar gjatë këtij procesi të rëndësishëm për Universitetin “Ukshin Hoti” Prizren.

Lajmi për riakreditim është mirëpritur nga stafi dhe studentët e Universitetit.

Universiteti “Ukshin Hoti” Prizren aktualisht ofron njëzet programe studimore të organizuara në gjashtë fakultete dhe ka shënuar progres në të gjitha fushat.

Më Shumë

Kosovare Asllani pjesë e prezantimit të fanellave të reja të Milan-it

Klubi i Milan-it e ka bërë prezantimin e fanellave të reja për edicionin 2023/24. Yjet e Milan-it kanë pozuar me fanellën e re, që si...

Abrashi, Von Cramonit: Për vizitorët e huaj preferohet Prizreni, i kemi qebapat e mirë

Deputeti i Lëvizjes Vetëvendosje, Artan Abrashi, i ka reaguar raportueses së Kosovës në Parlamentin Evropian, Viola Von Cramon, për qasjen e ashpër ndaj Policinë...

Lajmet e Fundit