14.8 C
Prizren
E enjte, 1 Qershor, 2023

Hapet shkolla shqipe në Bolonja të Italisë

Në komunën Castenaso në provincën e Bolonjës në Itali, u inaugurua hapja e shkollës shqipe, një arritje e madhe për kombin dhe për mbrojtjen e vlerave të trashëgimisë kulturore, përmes gjuhës shqipe.

Projekti lindi nga komuniteti shqiptar që banon në këtë zonë, me mbështetje të shoqatave si “Korabi” drejtuar nga Astrit Poti, sipërmarrësve dhe aktorëve të shumtë, bashkëndarës të synimeve primare të kësaj nisme.

 

Shkolla fillimisht do të ketë si seli ambientet e qendrës sociale “Casa Sant’Anna”, dhënë në përdorim nga Komuna e Castenasos.

Fjalimin e hapjes e mbajti Lauriana Sapienza, Këshilltare e Komunës së Castenasos për Politikat Sociale, Emigracionin dhe Inovacionin Digjital, e cila nënvizoi vlerat e çmuara kulturore dhe bukuritë natyrore të territoreve shqiptare. Ajo theksoi se kjo nismë ka vlera të mëdha dhe do kontribuojë jo vetëm në mbrojtjen e trashëgimisë kulturore shqiptare por edhe në përforcimin e miqësisë mes popujve.

Në inaugurimin e shkollës shqipe morën pjesë promotorët kryesorë: nga Roma, Lorik Cana, pasardhësi i Hasan Prishtinës, Mehmet Prishtina, nga Venecia, Muharem-Marco Salihu, sipërmarrës i njohur si dhe personalitete të shquara nga Shqipëria, Kosova dhe arbëreshë.

 

Shoqata “Korabi”, me një numër të madh vullnetarësh mërgimtarë shqiptarë të dekadave të fundit, por edhe të atyre shekullore si arbëreshët e Italisë, është dëshmi e krenarisë kombëtare dhe e shpresës së integrimit në Evropë përmes përforcimit të identitetit dhe të vlerave kulturore shqiptare./atsh/KultPlus.com

Më Shumë

“Loyola-Gymnasium” për herë të dytë “Supershkollë”

Dymbëdhjetë nxënës të “Loyola-Gymnasium” kanë udhëtuar sot për në Bosnje dhe Hercegovinë, në kuadër të programit të shkëmbimit “Supershkollat”, zbatuar nga Zyra Rajonale e...

Turqit festojnë fitoren e Erdoganit në zgjedhjet presidenciale – festë kishte edhe në Prizren

Presidenti turk Rexhep Tajip Erdogan ka fituar zgjedhjet në Turqi, sipas Këshillit të Lartë Zgjedhor të vendit dhe të dhënave jozyrtare nga Agjencia shtetërore...

Lajmet e Fundit