Skuadra Junior 06 Moni Bau ka fituar Kupën e Kosovës në Ligën U16 për vajza, pas një paraqitjeje të jashtëzakonshme në finalen kundër Peja 03, të cilën e mposhti me rezultat të thellë 105:37, përcjell PrizrenPress.
Finalja u zhvillua në palestrën sportive “Sezai Surroi” në Prizren.
Me këtë fitore, Junior 06 vulosi dominimin e tyre në këtë kategori, duke treguar talent, disiplinë dhe shpirt gare në çdo minutë të lojës.
“Ky trofe është për çdo stërvitje të vështirë, për çdo pikë djersë dhe për çdo ëndërr që po bëhet realitet”, thuhet në reagimin e klubit pas ndeshjes.
Urime kampioneve për këtë arritje madhështore – e ardhmja është premtuese!/PrizrenPress.com
