Gjatë 24 orëve të fundit në Kosovë kanë vdekur nëntë pacientë të cilët ishin të prekur me COVID-19.
Kështu bëri të ditur Instituti Kombëtar i Shëndetësisë Publike të Kosovës, përmes një postimi në Facebook.
“Brenda 24 orëve janë raportuar 9 raste të vdekjes me SARS CoV-2 pozitiv. Rastet e vdekjes janë nga komunat: Prishtinë 3 raste (69, 67, 53 vjeç), Gjakovë 2 raste (80, 79 vjeç), Deçan 1 rast (78 vjeç), Malishevë 1 rast (74 vjeç), Podujevë 1 rast (66 vjeç) dhe Viti 1 rast (65 vjeç)”, thuhet në njoftimin e IKSHPK-së.
Gjatë këtij harku kohor janë regjistruar 680 raste të reja të infektimit me këtë virus, derisa janë shëruar 465 persona të cilët ishin të infektuar me koronavirus.