Tema e këtij viti të bienalit të tetë ndërkombëtarë ishte “Ujku dhe Delet”, ku në këtë garë garuan 209 karikatura nga 116 artistë nga 33 shtete. “Pesë prej artistëve janë nderuar me çmimin”Mjeshtrit e Karikaturës” dhe 12 artistë me diplomë”, ka thënë Sunduri
Në Bienalin e tetë ndërkombëtar të karikaturës në Plovdiv të Bullgarisë, të titulluar “Mjeshtrit e karikaturës”, artisti Gani Sunduri është ftuar si mysafir special , i cili është nderuar me certifikatë speciale për prezantimin dhe mbështetjen e Bienalit.
Tema e këtij viti të bienalit të tetë ndërkombëtarë ishte “Ujku dhe Delet”, ku në këtë garë garuan 209 karikatura nga 116 artistë nga 33 shtete. “Pesë prej artistëve janë nderuar me çmimin”Mjeshtrit e Karikaturës” dhe 12 artistë me diplomë”, ka thënë Sunduri.
Artisti Gani Sunduri me këtë paraqitje vlerëson shumë lartë Bienalin ku edhe ka dhënë një kontribut të jashtëzakonshëm në prezantimin e tij dhe po ashtu ky bienal ka një paraqitje të festivalit ndërkombëtar të stripit dhe karikaturës që mbahet në Prizren.
Përpos prezantimit të karikaturës, Sunduri në këtë Binela ka prezantuar qytetin e Prizrenit, ku në Qendrën Etnografike dhe Qendrën Informative Turistike të qytetit të Plovdivit ka bërë prezantimin e qytetit historik dhe kulturor të Prizrenit, duke informuar dhe dhuruar libra, broshura dhe prezantime të ndryshme historike të qytetit prej nga edhe vjen Sunduri. /KultPlus.com