Ajo na tërheq me karizmën e saj. Demonët vetjakë që e ndjekin kudo, nuk mundet ta zbehin zërin e saj fenomenal dhe praninë e vërtetë në skenë dhe jashtë saj.
Në filmin dokumentar “Amy”, producenti Asif Kapadia sjell një kronikë të ngjitjes dhe rënies së këngëtares Amy Winehouse, një yll i muzikës xhaz.
Duke shfrytëzuar video amatore të regjistruara nga miq dhe producentë të Amy-t, materiale nga koncerte, intervista në publik dhe seanca regjistrimi, regjisori ka krijuar një portret magjepsës të këngëtares së talentuar.
“Amy”, së shpejti do të jepet edhe në DokuKino në Prizren. Kështu kanë paralajmëruar organizatorët e Festivalit Ndërkombëtar të Filmit dhe Dokumentarit – DokuFest.
Regjisori Kapadia nuk synon të bëjë analizën e triumfit dhe rënies së këngëtares, por e le atë ta tregojë vetë historinë e saj. Përmes videove personale pafund, që ajo ka me miq dhe familjarë, ai sjell fjalët dhe mendimet e vetë Amy-t.
Filmi po ashtu na çon nëpër karrierën muzikore, në lulëzim. Ajo na tërheq me karizmën e saj. Demonët vetjakë që e ndjekin kudo, nuk mundet ta zbehin zërin e saj fenomenal dhe praninë e vërtetë në skenë dhe jashtë saj.
Filmi thekson ironinë tragjike se vetë Winehouse nuk e përballonte dot talentin e saj të jashtëzakonshëm. Filmi është po ashtu një kritikë e ashpër ndaj kulturës popullore dhe fiksimit të tabloidëve që shkatërrojnë pikërisht ata që duan më shumë. / KultPlus.com