Mjegulla është hequr befas rreth të ardhmes politike të Ben Carsonit, kandidat në garën republikane se kush do ta përfaqësojë partinë në zgjedhjet presidenciale amerikane, i akuzuar se ka gënjyer rreth rinisë së tij të dhunshme dhe rreth një oferte të marrë nga një shkollë prestigjioze ushtarake.
Kandidati zezak, neurokirurg në pension, i cili është i barabartë me miliarderin,Donald Trump, në sondazhe, thotë se është viktimë e një gjahu shtrigash dhe insiston në averzionin ndaj gënjeshtrës, të cilën e konsideron “mëkat”.
Ai kishte thënë se si 17-vjeçar i është propozuar një bursë studimesh nga Akademia e “West Point”-it, se kjo ofertë i është bërë nga një gjeneral i bërë i famshëm në luftën e Vietnamit, porse kishte zgjedhur studimet për mjekësi.
Këtë deklaratë është përpjekur ta përgënjeshtrojë portali “Politico”, i cili ka thënë se institucioni s’ka ruajtur asnjë gjurmë për pranimin e z.Carson, as ndonjë kandidaturë të tij. Mirëpo, ekipi i fushatës ka thënë se kandidati asnjëherë nuk i ka thënë këto fjalë.
Edhe “CNN”-ja ka hulumtuar rreth fëmijërisë së dhunshme të republikanit, siç ka theksuar vetë ky, por s’ka gjetur asnjë gjurmë rreth historive të treguara nga ai.