Sot në Prizren është shënuar 27-vjetori i operacionit “Shigjeta” i kryer nga Ushtria Çlirimtare e Kosovës. Në këtë manifestim morën pjesë përfaqësues institucionalë, ish-komandantë dhe qytetarë.
Kryetari i Komunës së Prizrenit, Shaqir Totaj, në fjalën e tij e vlerësoi operacionin “Shigjeta” më shumë se një aksion ushtarak, duke e cilësuar atë si një shprehje të vendosmërisë për liri.
Ai theksoi se luftëtarët e UÇK-së, me mbështetje edhe nga aleatët e NATO-s, ndërmorën ofensivë në shpatet e Pashtrikut me synim thyerjen e kufirit dhe krijimin e korridoreve për ndihmë ndaj luftëtarëve dhe popullsisë.
Sipas tij, sakrifica e tyre “hodhi themelet e shtetit të Kosovës” dhe mbetet udhërrëfyes për brezat e ardhshëm.
Totaj shtoi se luftëtarët përballuan “plumbat dhe granatimet” me qëndresë, duke theksuar nderimin për dëshmorët dhe duke vlerësuar luftën e UÇK-së si çlirimtare.
Në manifestim foli edhe ish-shefi i Shtabit të Përgjithshëm të UÇK-së, Agim Çeku, i cili u shpreh i nderuar për pjesëmarrjen dhe përkujtoi rëndësinë e operacionit “Shigjeta”.
Ai tha se operacioni, ndonëse sipas tij ka mbetur për një kohë në heshtje, përfaqëson një nga veprimet më të rëndësishme të luftës së UÇK-së.
Çeku theksoi se operacioni kishte ndikim në mobilizimin e gjerë të shqiptarëve nga Kosova dhe diaspora, duke forcuar radhët e UÇK-së në një periudhë vendimtare të luftës.
Sipas tij, kjo dëshmoi vullnetin për sakrificë dhe gatishmërinë për të kontribuar në çlirimin e vendit./RTKlive/
Marketing
“V. Kryeziu” – Zgjidhje për rregullimin e oborrit të shtëpisë dhe hapësirave tuaja!
Realizoni projektet tuaja me BiCredit, partneri juaj i besueshëm financiar në Prizren!
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
