Bruce Springsteen dhe E Street Band kanë njoftuar zyrtarisht për turneun e madh që do ta nisin më 2016, për ta festuar 35 vjetorin e “The River”, por ky nuk është plani i vetëm që këngëtari ka për të ardhmen.
Ai ka bërë të ditur se tashmë është duke punuar në albumin e tij të ri dhe që duket se do të rezultojë me një turne pa E Street Band.
“Ky projekt është më shumë solo. Nuk është projekt që do ta nxirrja jashtë bendin”, ka thënë Springsteen për SiriusXM’s E Street Radio.
Aktualisht, nuk dihet se kur do të mund të publikohet ky album. Ajo që dihet me siguri është se një turne i madh – “The River” – do ta kënaqë botën më 2016. Pastaj, fjalën do ta ketë Bruce Springsteen vetëm.