Poezi nga Ganimet Klaiqi (1965-2017)
A e ke ditur
Në çastin kur priten shikimet
E skuqen mollëzat e fytyrës
Çdo gjë i takon fillimit e dashur
Kur puqen buzët
E bashkohen gjokset në zjarrmi
Çdo gjë fillon me lojë e dashur
E kur të ndizen zemrat
E nuk dihet për jetën a vdekjen
Çdo gjë si në parajsë e dashur
Në ndarje
Gjithçka shëmbëllen në ëndërr të papërfunduar
A e ke ditur e dashur
Koha Ditore, shtojca për Kulturë, e shtunë, 20 maj, 2017.