‘Nga mikseri i kamionit është shkëputur një gyp’ Detaje nga vdekja e djeshme e 25-vjeçarit në vendin e punës në Prizren

Puna u ndal paraditen e së hënës në vend-punishten e lagjes Arbana në Prizren.

Kjo meqë rreth orës 9:00 këtu ndodhi një ngjarje e rëndë.

Si pasojë e një incidenti, njëri nga punëtorët, humbi jetën në vendin e punës.

E gjitha tragjedia në lagjen “Arbana” dyshohet se ndodhi gjatë kohës kur po vendosej betoni në këtë ndërtesë.

Sipas dëshmive të cilat dëshmitarët i kanë dhënë në Policinë e Kosovës, viktima dyshohet se është goditur nga një pajisje pune gjatë kohës së betonimit, dhe me ç’rast ka pësuar lëndime fatale dhe ka ndërruar jetë në vendin e ngjarjes.

Për këtë rast, nga Policia e Prizrenit, thonë se u njoftuan para orës 9:00.

Ndërsa, 25- vjeçari ishte dërguar në Qendrën Mjekësore të Lagjes Arbana në Prizren.

“Sipas informatave të para, derisa ka qenë duke punuar një pjesë, pajisje e betonimit, pompës së betonimit e ka goditur viktimën dhe si pasojë e lëndimeve të marra viktima ka humbur jetën ne vendin e ngjarjes. Policia menjëherë ka informuar Prokurorinë e Shtetit dhe Inspektoratin e Punës dhe po ndërmerren të gjitha masat që të zbardhet rasti”, ka thënë Shaqir Bytyqi nga Policia në Prizren.

Realizoni projektet tuaja me BiCredit, partneri juaj i besueshëm financiar në Prizren!

E hetimet për këtë rast thotë se i ka nisur Prokuroria Themelore në Prizren.

“Sipas informatave fillestare, viktima, i lindur në vitin 2001, dyshohet se ka humbur jetën gjatë procesit të zbrazjes së betonit, kur nga mikseri i kamionit është shkëputur një gyp, i cili e ka goditur atë.Lidhur me rastin, deri më tani është ndaluar një person për shkak të dyshimit se ka kryer veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës” nga neni 358 sipas Kodit Penal të Republikës së Kosovës (KPRK)”, thuhet nga Prokuroria.

Banesat më të kërkuara në Prizren – Bëhu pronar në Foleja Residence!

Nga Prokuroria, po ashtu kanë bërë të ditur se janë duke ndërmarrë të gjitha veprimet e nevojshme hetimore për të sqaruar plotësisht rrethanat e ngjarjes./Tëvë1

Marketing

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

Hapësira me qira në objektet e reja te ‘RENELUAL TAHIRI’ në Prizren