Në Izola të Slolovenisë, të enjten, është nënshkruar marrëveshja e bashkëpunimit ndërmjet Spitalit të Përgjithshëm “Prim. Dr. Daut Mustafa” të Prizrenit dhe Spitalit të Përgjithshëm të Izolës nga Sllovenia.
Marrëveshja është nënshkruar nga Ministri i Shëndetësisë së Kosovës, z. Uran Ismajli, drejtori i Spitalit të Përgjithshëm të Prizrenit, Prof. Dr. Afrim Avdaj, drejtori i Spitalit të Përgjithshëm të Izolës, z. Radivoje Nardin, dhe udhëheqësja e programit KSV/017, Dr. Afërdita Ademi-Osmani.
Marrëveshja ka për qëllim shkëmbimin e përvojave, avansimin e shërbimeve shëndetësore, zhvillimin e vazhdueshëm profesional, subspecializimet, si dhe projekte tjera në fushën e shëndetësisë.
Marrëveshja është një nga rezultatet e objektivave dhe aktiviteteve të parapara në Planin Strategjik 2017-2021, si pjesë e e Programit Përkrahës të LuxDev për Shëndetësinë në Kosovë KSV/017.
