Ish-komandant i Batalionit “Atlantiku”, Gani Shehu, ka një mesazh për qytetarët e Kosovës.
“Duajeni Kosovën, lëreni partitë”.
Shehu premton se vendin do ta ndihmojnë edhe në të ardhmen.
“Kosovën do ta ndihmojnë në çdo kohë e rrethanë.”
“Prandaj, tani kemi formuar Shoqatën “Atlantiku” si vazhdimësi e Batalionit “Atlantiku”, me të vetmin qëllim për të vazhduar kontributin në çështjen kombëtare. ” tregon ish- komandat Shehu për RTV “Besa”.
“Batalioni “Atlantiku”, u bë pjesë e rëndësishme e Ushtrisë Çlirimtare të Kosovës atëherë kur ishte zëri i atdheut. Kur të rinjtë, në kuadër të Batalionit “Atlantiku”, apo siç i kanë quajtur edhe shqiptaro-amerikanët e UÇK-së, lanë mënjanë mundësitë e mëdha që u ofronte Amerika, për t’ju përgjigjur thirrjes së atdheut dhe u treguan të gatshëm për të sakrifikuar gjithçka”.
“Tre prej pjesëtarëve të “Atlantikut’, të tre nga një familje, pra vëllezërit Ylli, Mehmet dhe Agron Bytyqi nuk u kthyen më kurrë. Këta dëshmorë të kombit janë heronj që nuk do të vdesin kurrë dhe që do të jetojnë përherë në zemrat dhe mendjet e shqiptarëve kudo në botë. Ata luftuan për lirinë e Kosovës, prandaj sot janë krenaria e komunitetit shqiptaro-amerikan, por edhe e mbarë kombit shqiptar”.
Ndërkaq, Hysni Syla,apo komandant “Daja i vogël’ kujton se si luftëtarët e ” Atlantikut” nuk kursyen aspak luksin dhe ata iu përgjigjen atdheut.
“Ky veprim ishte edhe njëherë dëshmi se kur atdheu kërkon bijtë e kombit kudo që janë ata kthehen në vendlindje për të dhënë jetën si me lind ” , tha ai ‘
“Kosovën e duam të lirë dhe, secili të ketë mundësi të shpreh atë që donë të shpreh lirshëm”./PrizrenPress.com/