Gjykata Themelore në Prizren, nuk e ka shpallur sot aktgjykimin ndaj Nijazi Kryeziut, ish-Drejtor i Urbanizmit, i cili po akuzohet për keqpërdorim të detyrës zyrtare.
Ai akuzohet se në cilësinë e Drejtorit të Urbanizmit, duke shfrytëzuar detyrën zyrtare ka tejkaluar kompetencat e tij zyrtare, duke keqpërdorë pasurinë publike me qëllim që një televizioni lokal ti mundësoj dobi pasurore në mënyrë të kundërligjshme.
Mimoza Hoxha garon në listën e LDK-së për kuvendare të Kuvendit të Prizrenit
Drejtësia Sot, njofton se gjatë këshillimit trupi gjykues ka konstatuar se është e domosdoshme rihapja shqyrtimit gjyqësor, për plotësim të procedurës dhe sqarimin e disa pyetjeve në këtë çështje penale.
Kryetarja e trupit gjykues, gjyqtarja Raima Elezi, bëri të ditur se si provë nuk është bashkangjitur raporti i Auditimit dhe nga ky fakt ka obliguar prokurorin që ta dorëzoj brenda 3 ditëve.
Ndryshe në këtë seancë, prokurori çështjes propozoi që të lexohen urdhër obligimet për pagesë në shumë prej 1.200 si vendimi i i kryetarit të Komunës.
Propozimet në fjalë u aprovuan nga gjyqtarja çështjes dhe nuk u kundërshtuan nga i akuzuari.
Në fund, gjyqtarja tha se shpallja aktgjykimit do të bëhet më datë 21 shtator, në ora 14:30./Drejtësia Sot