Në komunën e Prizrenit sot është mbajtur testi i parë i Maturës Shtetërore – një prej fazave më të rëndësishme për nxënësit që përmbyllin arsimin e mesëm.
Në gjimnazin “Gjon Buzuku”, procesin e testimit e ndoqi nga afër edhe drejtoresha e Arsimit në Komunën e Prizrenit, Luljeta Veselaj Gutaj. Ajo u shpreh se të gjitha përgatitjet janë bërë me kujdes, për të siguruar një proces të rregullt, të qetë dhe të drejtë për të gjithë nxënësit.
Edhe drejtoresha e gjimnazit “Gjon Buzuku”, Gylaj Shipkovica, tha se në këtë shkollë testit po i nënshtrohen 225 nxënës, të ndarë në 15 salla, dhe se deri tani gjithçka po shkon siç duhet.
Maturantët Vesa Berisha, Andi Kolukaj dhe Ensar Tara u shprehën se ishin të kënaqur me organizimin dhe ndiheshin të përgatitur për sfidën e sotme.
Në total, 1938 nxënës nga tri komunitete morën pjesë në testimin e sotëm: 1700 nga komuniteti shqiptar, 125 nga ai boshnjak dhe 113 nga komuniteti turk.
Për ata që nuk arrijnë ta kalojnë testin në këtë afat, është paraparë edhe një mundësi e dytë në muajin gusht./TV Prizreni/
Marketing
