Regjisori Henry Corry, autor i filmave dokumentarë dhe autor i filmit“Fare well to Hollywood”, me të cilin paraqitet në festivalin ndërkombëtar të filmit dokumentar e të shkurtër “DokuFest”, thotë se është hera e parë që e viziton rajonin, dhe se kjo po i pëlqen. Ai thotë se Prizreni është qytet i jashtëzakonshëm, por ka telashe me kuzhinën vendore.
“Njerëzit janë të shoqërueshëm dhe është shumë vështirë të jesh vegjetarian këtu. Kam një ngjarje për ta treguar, mbrëmë në një restoran u thash që jam vegjetarian. A keni ndonjë gjë për vegjetariantët? Më thanë po, kemi supë pule. Imagjinoje! Une jam vegjetarian i përbetuar”.
Henry Corry për DokuFest-in ndërkaq, shprehet se krerët e tij kanë realizuar një punë fantastike.
“Shpirti i “DokuFestit” janë përgjegjësit e festivalit që kanë bërë punë fantastike. Ka kema të ndryshme që kanë sjell regjisorët. Është hera e parë që jam në rajon, dhe më pëlqen”, thotë për Zërin regjisori që vjen nga SHBA-të.