Është arrestuar një person i cili dyshohet se ka vjedhur 10 mijë euro, si dhe biçikletën e tij. I dyshuari gjatë muajit të kaluar në orët e vona të mbrëmjes, kishe hyrë në oborrin e një shtëpie në rrugën “Gucia” në Prizren për të kryer vjedhje.
“Me datën 21 te muajit të kaluar një i dyshuar me mbiemër Kryeziu, në orët e vona të mbrëmjes, kishe hyrë në oborrin e një shtëpie në rrugën “Gucia” në Prizren për të kryer vjedhje. I dyshuari, pasi ishe bindur se pronari nuk ndodhej në shtëpi, e kishte hapur me forcë një dritare në podrumin e ndërtesës dhe nëpër te ishte përbiruar në brendi të shtëpisë”, njofton Policia në Prizren.
“Pas bastisjes që u kishte bërë dhomave dhe ormanëve, i dyshuari, në një zarf kishte gjetur një sasi të eurove dhe ishte larguar nga shtëpia, por jo në këmbë si kishte ardhur por e kishte vjedhur edhe biçikletën e pronarit të cilën diku rrugës e braktisë në një livadh”.
“Në atë kohë ishte hapur rasti nga Policia e Prizrenit dhe krim teknika kishte proceduar me vendin e ngjarjes”.
“Sot hetuesit policorë i kanë rënë në gjurmë të dyshuarit i cili është intervistuar në prani të avokatit mbrojtës. I dyshuari u ka treguar hetuesve se parat qe i ka marrë në zarf i ka harxhuar duke luajtur në lojëra të fatit. Prokurori i shtetit e ka nënshkruar vendimin për ndalimin e të dyshuarit në masën e arrestit”.
“Në kohën kur ishte kryer vjedhja, viktima kishte deklaruar se vlera e zarfit ka qenë rrafsh 10 000 euro”. /PrizrenPress.com/