Këngëtarja Shqipe Kastrati ka publikuar këngën e saj më të re, “Nanë”, një baladë prekëse që i dedikohet kujtimit të nënës së saj të ndjerë.
Me tekst të shkruar nga Flori Cocaj dhe muzikë të orkestruar nga Fatos Canolli, kjo këngë sjell emocione të thella dhe një lidhje të ngrohtë me trashëgiminë e muzikës tradicionale, duke përfshirë tingujt e fyellit dhe kavallit, interpretuar nga Gent Hoxha, përcjell PrizrenPress.
Videoklipi i këngës është realizuar nga Mproduction, dhe producent ekzekutiv është Flori Cocaj.
Në një mesazh për ndjekësit, këgëtarja Shqipe Kastrati, e cilësoi këtë projekt si një shprehje të dhimbjes dhe mallëngjimit të saj për nënën.
“Dua të falenderoj nga zemra Flori Cocaj për tekstin, Fatos Canollin për orkestrimin e mrekullueshëm, dhe për videoklipin Mproduction! Falenderim të veçantë për Tiara Fashion, e cila u përkujdes për veshjen time në videoklip!” – deklaroi ajo.
“Nanë” është një këngë që pasqyron dashurinë dhe mungesën e nënës, duke prekur zemrat e të gjithëve që e dëgjojnë./PrizrenPress.com/
Përjetoni pushime të paharruar dhe dasma magjike në Hotel “Albes Residence”
