Kryetari i Kuvendit Kadri Veseli, ka thirrur për sot për herë të tretë mbledhjen e Komisionit për shqyrtimin e kandidatëve për emërim nëGjykatën Kushtetuese të Kosovës.
“Duke qenë se ka dështuar dy herë radhas mbledhja e Komisionit për shqyrtimin e kandidatëve për emërim në Gjykatën Kushtetuese të Kosovës, kryeparlamentari, Kadri Veseli, ka vendosur që për herë të tretë ta thërrasë mbledhjen e këtij komisioni”, thuhet në njoftim.
Mbledhja e Komisionit për shqyrtimin e kandidatëve për emërim në Gjykatën Kushtetuese të Kosovës do të mbahet sot në orën 10:30, në sallën C- 301.