Kryetari i NISMA-s për Kosovën Fatmir Limaj, i shoqëruar nga deputetët Enver Hoti dhe Zafir Berisha, ka vizituar Shoqërinë Kulturo- Artistike “AGIMI” në Prizren.
Qëllimi i vizitës ishte bashkëbisedimi për hallet dhe problemet që po kalon edhe kjo Shoqëri.
Kryetari i SHKA “AGIMI” Xhemajl Kabashi, pas një mikpritjes miqësore, fillimisht tregoi ecurinë e zhvillimit të “Agimit”,
“Jeta kulturore dhe artistike në Prizren ka nisur pikërisht me “Agimin”, tha ai,shkruan PrizrenPress.
Kryetari Fatmir Limaj pasi falënderoi për mikpritjen, tha se “nuk është e rastit që vizitojmë komunitete të ndryshme në Prizren, qofshin ato të biznesit apo kulturore”.
“ Pavarësisht problemeve që po kalon vendi, ne do të jemi në mbështetjen tuaj, sepse jemi të interesuar ti ruajmë kulturën dhe vlerat shqiptare”, tha Limaj.
“ Kur përmendet SHKA “AGIMI” menjëherë nënkuptohet Prizreni, sepse kjo shoqëri identifikohet me kulturën dhe traditën e qytetit te Prizrenit”.
Ndërsa,Zafir Berisha deputet dhe kryetar i Degës së “NISMA”- s në Prizren, tha se ndjehet i privilegjuar , por në të njëjtën kohë edhe me përgjegjësi që është përfaqësues i qytetit të Prizrenit.
Duke qenë të vetëdijshëm se kultura është alfa dhe omega e një vendi, ai u zotua se do të jetë përherë në përkrahje të SHKA “AGIMI”.
Derisa ne do të jemi tejet mirënjohës për këtë Shoqëri të Artit dhe Kulturës, Kryetari Limaj bashkë me shoqëruesit e tij, u përshëndet me këngë e valle nga këtu.
SHKA “Agimi” Limajn e ka shoqëruar me këngë dhe valle./PrizrenPress.com/