Futbollisti argjentinas, Sergio Aguero, ka thënë se trajneri i Argjentinës, Jorge Sampaoli, mund të thotë çfarë të dojë pas humbjes nga Kroacia në Kupën e Botës.
Albicelestët janë në prag të eliminimit nga Botërori pasi që në dy ndeshjet e para numërojnë një barazim dhe një humbje.
Ndërkaq, pas humbjes së mbrëmshme prej 3:0 nga kroatët, Sampaoli kishte thënë se rënia nga forma e lojtarëve dhe ajo që i ndodh ekipit vjen si pasojë e menaxhmentit.
“Gjithçka që i ndodh ekipit dhe rënia nga forma e lojtarëve vjen si pasojë e menaxmentit. Plani kundër Kroacisë nuk funksionoi”, kishte thënë ai.
“Ai mund të thotë çfarë të dojë”, ka thënë Aguero për TyC Sports, para se të largohej nga intervista.