Kryesia e Degës së AKR-së në Malishevë, sot mori vendim që t’i pushojë të gjitha aktivitetet në këtë parti dhe njëkohesisht të gjitha strukturat e kësaj partie duke përfshir edhe 13 nëndegë. Aktivitetet dhe angazhimet e tyre do ti bartin në subjektin e ri NISMA për Kosovën.
“Pas rrethanave të krijuara politike në Republikën e Kosovës dhe pas formimit të subjektit të ri NISMA për Kosovën, duke konsideruar se është krijuar një frymë e re me njerëz të merituar në udhëheqje një shpresë e re për qytetaret e Kosovës, si dhe në pajtim me deklaratën programore, sot më date 05/04/2014 në mbledhjen e mbajtur nga kryesia e Degës së AKR-së në Malishevë mori vendim që t’i pushojë të gjitha aktivitetet në këtë parti dhe njëkohesisht të gjitha strukturat e kësaj partie duke përfshir edhe 13 nëndegë, që nga sot aktivitetet dhe angazhimet e tyre do ti bartin në subjektin e ri NISMA për Kosovën”, njofton nëpërmjet një komunikate NISMA pë Kosovën, dega në Malishevë. /PrizrenPress.com/