Një aksion i përbashkët mes Prokurorisë Themelore në Prizren dhe Inspektoratit Policor të Kosovës ka rezultuar sot me arrestimin e katër personave dhe bastisjen e katër lokacioneve në qytetin e Prizrenit.
Sipas komunikatës së përbashkët për media, në mesin e të arrestuarve është edhe një zyrtar i lartë i Policisë së Kosovës me gradën kolonel, i cili dyshohet për përfshirje në veprat penale detyrim dhe shmangie nga tatimi, siç parashihen në Kodin Penal të Republikës së Kosovës.
“Prokuroria Themelore në Prizren, në bashkëpunim të ngushtë me Inspektoratin Policor të Kosovës (IPK), ka ndërmarrë sot një aksion të koordinuar që ka rezultuar me bastisjen e katër lokacioneve në Prizren dhe arrestimin e katër personave të dyshuar. Ky aksion është rezultat i një hetimi disa mujor i cili është zhvilluar me profesionalizëm dhe përkushtim nga hetuesit e IPK-së në bashkëpunim të plotë me Prokurorinë Themelore në Prizren.
Në mesin e personave të arrestuar është edhe një zyrtar i lartë policor me gradën kolonel, ndaj të cilëve ekziston dyshimi i arsyeshëm për përfshirje në veprat penale të detyrimit dhe shmangies nga tatimi, të sanksionuara sipas Kodit Penal të Republikës së Kosovës”.
Ky aksion është rezultat i një hetimi disa mujor, i cili është zhvilluar me “profesionalizëm dhe përkushtim”, thuhet në deklaratë. Ndërsa veprimet hetimore në terren po vazhdojnë për të siguruar prova shtesë dhe për të zbardhur tërësisht rastin.
IPK ka rekomanduar suspendimin e kolonelit policor si pjesë e procedurës administrative.
“Aktualisht, hetuesit e IPK-së, në koordinim me Prokurorinë Themelore në Prizren, janë duke vazhduar me ndërmarrjen e veprimeve të tjera hetimore në terren, në funksion të zbardhjes së plotë të çështjes dhe grumbullimit të provave relevante. Gjithashtu IPK, si pjesë e procedurës administrative ka rekomanduar suspendimin e kolonelit policor.
Institucionet e zbatimit të ligjit mbeten të përkushtuara në bashkëpunim ndërinstitucional dhe të vendosura në luftën kundër çfarëdo forme të krimit, përfshirë edhe atë të kryer nga zyrtarë publik”.
Banesat më të kërkuara në Prizren – Bëhu pronar në Foleja Residence!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
