37.8 C
Prizren
E premte, 19 Gusht, 2022

Arrestohet 58 vjeçari në Suharekë, dyshohet se kanosi me armë zjarri viktimën

Policia e Kosovës (PK) njofton se është arrestuar M.M (58-vjeç) nën dyshimin se kanosi me armë zjarri viktimën.

Lajmi u bë i ditur përmes një njoftimi nga polici, ku thuhet se të mërkurën në orën 19:39, ankuesi kishte shkuar në stacionin policor në Suharekë, ku kishte raportuar se i dyshuari në lagjen e “Baçes së Mushtishtit”, Komuna e Suharekës, e kishte kanosur me armë zjarri.

“Viktima deklaron se: Deri te ky rast ka ardhur si pasojë e një marrëveshje civile (gojore) të cilën e kishin bërë në vitin 2021, dhe sipas tij marrëveshja nuk është realizuar ashtu siç është bërë (punimet në shtëpi)”, thuhet në njoftim.

Sipas policisë, viktima ka shkuar në oborrin e shtëpisë së të dyshuarit, aty ka eskaluar situata dhe i dyshuari ka shtënë me armë zjarri në ajër.

“Policia, menjëherë i ka marr veprimet e nevojshme ligjore, ka kontaktuar të dyshuarin: M.M., të moshës 58 vjeçe, m/sh/k, i cili ka qen kooperativë , ka dorëzuar armën dhe ka pranuar se ka kanosur”, thuhet tutje në njoftim.

Bëhet e ditur se në cilësinë e provave materiale, policia në vendin e ngjarjes ka gjetur dhe ka sekuestruar: një pistoletë, një gëzhojë, dy karikatorë dhe 40 copë fishekë.

“I dyshuari është sjellë në stacionin policor në Suharekë, është intervistuar në lidhje me rastin ku i dyshuari pranon se arma e përdorur është në pronësinë e tij me të cilën e kishte kanosur viktimën. Lidhur me këtë rast është njoftuar prokurori i shtetit dhe urdhër të tij ndalohet për 48 orë”, njofton tutje policia.

Policia njofton se rasti po hetohet nga hetuesit policorë të stacionit policor në Suharekë.

Më Shumë

24 vjet e 10 muaj burgim për Sylejman Ahmetin që vrau shokun për 20 euro borxh

Sylejman Ahmeti është shpallur fajtor për vrasjen e Shaip Krasniqit. Trupi gjykues në Gjykatën Themelore në Prizren, ka shpallur të hënën aktgjykimin dhe ka dënuar...

Kryetari i Suharekës dhe drejtorët komunal në përkrahje të Ballkanit

Kryetari i Suharekës, Bali Muharremaj dhe drejtorët komunalë, kanë bërë një fotografi të përbashkët me fanellat portokalli duke i dhënë përkrahje ekipit të Ballkanit...

Lajmet e Fundit