Interi shikohej favorit para Chelsea për Dries Mertnes, të cilit i përfundon kontrata më 30 qershor. Sulmuesi belg kërkohej edhe nga klube të tjera, por edhe vetë Napoli nuk kishte hequr dorë nga shërbimet e tij dhe madje ka bërë një hap përpara.
Gazetari Fabrizio Romano raporton se bisedimet kanë qenë intensive dhe marrëveshje është shumë pranë. Kontrata e re do të jetë e vlefshme deri në vitin 2022. Mertens, nga çdo klub kërkonte bashkëpunim të gjatë.
Mosha ishte dhe mbetet problemi kryesor, pasi belgu në fillim të këtij muaji ka mbushur 33 vjeç. Ai duket se është pajtuar për një marrëveshje 2-vjeçare dhe pritet që të vijë zyrtarizimi te skuadra italiane, ku ai luan prej verës së vitit 2013.